ಹೋಳಿಗೆ ಸಾರು | Holige Saaru Recipe in Kannada

ಬೇಕಾಗುವ ಪದಾರ್ಥಗಳು...

• ಬೇಳೆ ಬೇಯಿಸಿಕೊಂಡ ನೀರು- 2-3 ಬಟ್ಟಲು

• ಈರುಳ್ಳಿ- 1

• ಬೆಳ್ಳುಳ್ಳು- ಸ್ವಲ್ಪ

• ಹುಣಸೆಹಣ್ಣು- ಲಿಂಬೆ ಗಾತ್ರದಷ್ಟು

• ಜೀರಿಗೆ-ಸ್ವಲ್ಪ

• ಮೆಣಸು-ಸ್ವಲ್ಪ

• ಕರಿಬೇವು-ಸ್ವಲ್ಪ

• ಕೊತ್ತಂಬರಿ ಸೊಪ್ಪು-ಸ್ವಲ್ಪ

• ಒಬ್ಬಟ್ಟಿಗೆ ಮಾಡಿಕೊಂಡ ಹೂರಣ- 1 ಸಣ್ಣ ಬಟ್ಟಲು

• ಸಾಂಬಾರ್ ಪುಡಿ- 1 ಚಮಚ

• ಖಾರದ ಪುಡಿ- 1 ಚಮಚ

• ಉಪ್ಪು – ರುಚಿಗೆ ತಕ್ಕಷ್ಟು

• ಟೊಮೆಟೋ- 3

• ಅರಿಶಿನ – ಚಿಟಿಕೆ

• ಒಣಮೆಣಸಿನಕಾಯಿ – 4-5

• ತೆಂಗಿನ ತುರಿ – 1 ಬಟ್ಟಲು

• ಎಣ್ಣೆ – 1 ಚಮಚ

• ಸಾಸಿವೆ – ಸ್ವಲ್ಬ

• ಕರಿಬೇವು – ಕೆಲವು

• ಹಿಂಗು – ಚಿಟಿಕೆ

• ತುಪ್ಪ ಅಥವಾ ಎಣ್ಣೆ – 1 ಚಮಚ

ಮಾಡುವ ವಿಧಾನ...

• ಮೊದಲಿಗೆ ಒಂದು ಪ್ಯಾನ್'ಗೆ ಸ್ವಲ್ಪ ಎಣ್ಣೆ ಹಾಕಿ ಕಾದ ನಂತರ ಅದಕ್ಕೆ ಜಾರಿಗೆ, ಮೆಣಸು ಹಾಗೂ ಕರಿಬೇವು ಹಾಕಿ ಕೆಂಪಗೆ ಹುರಿದುಕೊಳ್ಳಿ. ಇದು ತಣ್ಣಗಾಗಲು ಬಿಡಿ.

• ನಂತರ ಮಿಕ್ಸಿ ಜಾರ್'ಗೆ ತೆಂಗಿನ ತುರಿ, ಈರುಳ್ಳಿ, ಬೆಳ್ಳುಳ್ಳಿ, ಕೊತ್ತಂಬರಿ ಸೊಪ್ಪು ಹಾಗೂ ಎಣ್ಣೆಯಲ್ಲಿ ಹುರಿದುಕೊಂಡಿದ್ದನ್ನು ಸೇರಿಸಿ.

• ಬಳಿಕ ಸಾಂಬಾರ್ ಪುಡಿ, ಖಾರದ ಪುಡಿ, ಟೊಮೆಟೋ ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ.

• ಮಾಸಾಲೆಯನ್ನು ಬೇಳೆ ಬೇಯಿಸಿಕೊಂಡ ನೀರಿಗೆ ಸೇರಿಸಿ, ಇದಕ್ಕೆ ಹುಣಸೆಹಣ್ಣಿನ ರಸ, ಹೂರಣ, ಅರಿಶಿಣದ ಪುಡಿ, ಉಪ್ಪು ಸೇರಿ ಚೆನ್ನಾಗಿ 10-15 ನಿಮಿಷ ಕುಡಿಸಿ.

• ಬಳಿಕ ಪ್ಯಾನ್ ಒಂದಕ್ಕೆ ಎಣ್ಣೆ, ಸಾಸಿವೆ, ಕರಿಬೇವು, ಒಣಗಿದ ಮೆಣಸಿನ ಕಾಯಿ, ಇಂಗನ್ನು ಸೇರಿ ಒಗ್ಗರಣೆ ಹಾಕಿ ಸಾರಿಗೆ ಸೇರಿಸಿದರೆ ರುಚಿಕರವಾದ ಒಬ್ಬಟ್ಟಿನ ಸಾರು ಸವಿಯಲು ಸಿದ್ಧ.