ಮಲೈ ಕುಲ್ಫಿ | Malai Kulfi recipe in Kannada

ಸಾಂಪ್ರದಾಯಿಕ ಭಾರತೀಯ ಸಿಹಿತಿಂಡಿಗಳಲ್ಲಿ ಮಲಾಯಿ ಕುಲ್ಫಿ ವಿಶೇಷ ಸ್ಥಾನ ಹೊಂದಿದೆ. ಹಾಲು ಹಾಗೂ ಏಲಕ್ಕಿಯ ಸುವಾಸನೆ, ಡ್ರೈ ಫ್ರೂಟ್ಸ್‌ನಿಂದ ತಯಾರಾಗುವ ಈ ಕುಲ್ಫಿ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಎಲ್ಲರಿಗೂ ಇಷ್ಟವಾಗುತ್ತದೆ.

ಬೇಕಾಗುವ ಪದಾರ್ಥಗಳು...

• ಹಾಲು – 1 ಲೀಟರ್

• ಸಕ್ಕರೆ – ½ ಬಟ್ಟಲು

• ಖೋವಾ (ಮಾವಾ) – 100 ಗ್ರಾಂ

• ಕಾರ್ನ್ ಫ್ಲೋರ್ – 1 ಚಮಚ

• ಹಾಲು – 2 ಟೇಬಲ್ ಸ್ಪೂನ್ (ಕಾರ್ನ್ ಫ್ಲೋರ್ ಕಲಸಲು)

• ಏಲಕ್ಕಿ ಪುಡಿ – ½ ಚಮಚ

• ಬಾದಾಮಿ – 10 (ಸಣ್ಣದಾಗಿ ಕತ್ತರಿಸಿದ್ದು)

• ಗೋಡಂಬಿ – 10 (ಸಣ್ಣದಾಗಿ ಕತ್ತರಿಸಿದ್ದು)

• ಪಿಸ್ತಾ – 10 (ಸಣ್ಣದಾಗಿ ಕತ್ತರಿಸಿದ್ದು)

• ಕೇಸರಿ ದಳ- ಸ್ವಲ್ಪ (ಐಚ್ಛಿಕ)

ಮಾಡುವ ವಿಧಾನ...

• ಒಂದು ದಪ್ಪ ತಳದ ಪಾತ್ರೆಯಲ್ಲಿ ಹಾಲನ್ನು ಹಾಕಿ ಮಧ್ಯಮ ಉರಿಯಲ್ಲಿ ಕುದಿಸಿ.

• ಹಾಲು ಕುದಿಯಲು ಆರಂಭಿಸಿದ ನಂತರ ಆಗಾಗ ಕಲಕುತ್ತಾ ಅದರ ಪ್ರಮಾಣ ಅರ್ಧದಷ್ಟು ಕಡಿಮೆಯಾಗುವವರೆಗೆ ಕುದಿಯಲು ಬಿಡಿ

• ಬಳಿಕ ಕಾರ್ನ್ ಫ್ಲೋರ್ ಅನ್ನು 2 ಚಮಚ ಹಾಲಿನಲ್ಲಿ ಕರಗಿಸಿ ಕೈಯಾಡಿಸುತ್ತಾ ಹಾಲಿಗೆ ಸೇರಿಸಿ.

• ಬಳಿಕ ಸಕ್ಕರೆ, ಖೋವಾ ಮತ್ತು ಕೇಸರಿಯನ್ನು ಸೇರಿಸಿ ಚೆನ್ನಾಗಿ ಕಲಸಿ.

• ಮಿಶ್ರಣ ಸ್ವಲ್ಪ ಗಟ್ಟಿಯಾಗುವವರೆಗೆ 5-10 ನಿಮಿಷ ಕುದಿಸಿ.

• ಈಗ ಏಲಕ್ಕಿ ಪುಡಿ, ಬಾದಾಮಿ, ಗೋಡಂಬಿ ಮತ್ತು ಪಿಸ್ತಾವನ್ನು ಸೇರಿಸಿ.

• ಮಿಶ್ರಣ ಸಂಪೂರ್ಣ ತಣ್ಣಗಾದ ಬಳಿಕ ಕುಲ್ಫಿ ಅಚ್ಚು ಅಥವಾ ಸಣ್ಣ ಕಪ್‌ಗಳಲ್ಲಿ ತುಂಬಿ.

• 6-8 ಗಂಟೆಗಳ ಕಾಲ ಅಥವಾ ರಾತ್ರಿ ಪೂರ್ತಿ ಫ್ರೀಜರ್‌ನಲ್ಲಿ ಇಡಿ.

• ನಂತರ ಅಚ್ಚಿನಿಂದ ತೆಗೆದು ಪಿಸ್ತಾ ತುಂಡುಗಳಿಂದ ಅಲಂಕರಿಸಿದರೆ ರುಚಿಕರವಾದ ಮಲಾಯಿ ಕುಲ್ಫಿ ಸವಿಯಲು ಸಿದ್ಧ.

ಸಲಹೆ:

• ಹೆಚ್ಚು ರುಚಿಗಾಗಿ ಕಂಡೆನ್ಸ್ಡ್ ಮಿಲ್ಕ್ ಬಳಸಬಹುದು.

• ಗುಲಾಬಿ ಎಸೆನ್ಸ್ ಅಥವಾ ಕೇಸರಿ ಸೇರಿಸಿದರೆ ಕುಲ್ಫಿಯ ಸುವಾಸನೆ ಹೆಚ್ಚುತ್ತದೆ.