ಚಂದ್ರಾಹಾರ | Chandrahara Recipe in Kannada

ಬೇಕಾಗುವ ಪದಾರ್ಥಗಳು...

• ಮೈದಾ ಹಿಟ್ಟು 2 ಬಟ್ಟಲು

• ರವೆ-2 ಚಮಚ

• ಮೊಸರು ½ ಬಟ್ಟಲು

• ಉಪ್ಪು-ಚಿಟಿಕೆ

• ಎಣ್ಣೆ- ಕರಿಯಲು ಅಗತ್ಯವಿದ್ದಷ್ಟು

• ಸಕ್ಕರೆ- 2 ಬಟ್ಟಲು

• ಹಾಲು- 1 ಬಟ್ಟಲು

• ಏಲಕ್ಕಿ ಪುಡಿ- ½ ಚಮಚ

• ಬಾದಾಮಿ ಮತ್ತು ಗೋಡಂಬಿ ಚೂರು- ಸ್ವಲ್ಪ

• ಕೇಸರಿ ದಳ-ಸ್ವಲ್ಪ

ಮಾಡುವ ವಿಧಾನ...

• ಮೊದಲು ಮೈದಾ ಹಿಟ್ಟು, ರವೆ, ಉಪ್ಪು ಮತ್ತು ಮೊಸರು ಸೇರಿಸಿ ಮೃದುವಾದ ಹಿಟ್ಟು ಕಲಸಿ. ಅಗತ್ಯವಿದ್ದರೆ ಸ್ವಲ್ಪ ನೀರು ಸೇರಿಸಿ. ಹಿಟ್ಟನ್ನು 20–30 ನಿಮಿಷ ನೆನೆಯಲು ಬಿಡಿ.

• ನೆನೆದ ಹಿಟ್ಟನ್ನು ಚಿಕ್ಕ ಉಂಡೆಗಳನ್ನಾಗಿ ಮಾಡಿ, ತೆಳುವಾದ ಪೂರಿಯಂತೆ ಲಟ್ಟಿಸಿ. ಈ ಪೂರಿಯನ್ನು ತ್ರಿಕೋನ ಅಥವಾ ಚಂದ್ರಾಕೃತಿಯಲ್ಲಿ ಮಡಚಿ ಅಥವಾ ಮಧ್ಯದಲ್ಲಿ ಸಣ್ಣದಾಗಿ ಚುಚ್ಚಿ (ಇದರಿಂದ ಪೂರಿ ಉಬ್ಬುವುದಿಲ್ಲ ಮತ್ತು ಗರಿಗರಿಯಾಗುತ್ತದೆ). ನಂತರ ಬಿಸಿ ಎಣ್ಣೆಯಲ್ಲಿ ಹೊಂಬಣ್ಣ ಬರುವವರೆಗೆ ಕರಿದು ಪಕ್ಕಕ್ಕೆ ಇರಿಸಿ.

• ಅಗಲವಾದ ಪಾತ್ರೆಯಲ್ಲಿ ಹಾಲನ್ನು ಚೆನ್ನಾಗಿ ಕುದಿಸಿ. ಹಾಲು ಸ್ವಲ್ಪ ದಪ್ಪಗಾದ ನಂತರ ಅದಕ್ಕೆ ಸಕ್ಕರೆ, ಕೇಸರಿ ಮತ್ತು ಏಲಕ್ಕಿ ಪುಡಿಯನ್ನು ಸೇರಿಸಿ. ಈ ಹಾಲು ರಬಡಿಯ ಹದಕ್ಕೆ ಬರಬಾರದು, ಬದಲಿಗೆ ಹಾಲಿನ ಪಾಯಸದ ಹದಕ್ಕೆ ಇರಬೇಕು.

• ಒಂದು ಬಟ್ಟಲಿನಲ್ಲಿ ಕರಿದ ಪೂರಿಯನ್ನು ಇಟ್ಟು ಅದರ ಮೇಲೆ ಬಿಸಿ ಬಿಸಿಯಾದ ಹಾಲಿನ ರಸವನ್ನು ಸುರಿಯಿರಿ. ಮೇಲಿನಿಂದ ಹುರಿದ ಗೋಡಂಬಿ ಮತ್ತು ಬಾದಾಮಿ ಚೂರುಗಳನ್ನು ಹಾಕಿದರೆ ರುಚಿಕರವಾದ ಚಂದ್ರಾಹಾರ ಸವಿಯಲು ಸಿದ್ಧ.