ನವಣೆ ವಡೆ | Foxtail Millet Vada Recipe in Kannada

ಬೇಕಾಗುವ ಪದಾರ್ಥಗಳು...

• ನವಣೆ ಅಕ್ಕಿ – 2 ಬಟ್ಟಲು (ಬೇಯಿಸಿದ್ದು)

• ಎಣ್ಣೆ- ಕರಿಯಲು ಅಗತ್ಯವಿದ್ದಷ್ಟು

• ಈರುಳ್ಳಿ - 1 ಮಧ್ಯಮ ಗಾತ್ರದ್ದುಟ

• ಕ್ಯಾರೆಟ್ -1 ಸಣ್ಣಗೆ ಕತ್ತರಿಸಿದ್ದು

• ಕ್ಯಾಪ್ಸಿಕಂ -1/2 ಬಟ್ಟಲು ಸಣ್ಣಗೆ ಕತ್ತರಿಸಿದ್ದು

• ಹಸಿಮೆಣಸಿನ ಕಾಯಿ-1 ಕತ್ತರಿಸಿದ್ದು

• ಅಚ್ಚಖಾರದ ಪುಡಿ- 1 ಟೀ ಚಮಚ

• ಟೊಮೆಟೊ ಕೆಚಪ್ -2 ಚಮಚ

• ಗರಂ ಮಸಾಲ -1 ಚಮಚ

• ಉಪ್ಪು -ರುಚಿಗೆ ತಕ್ಕಷ್ಟು

• ಕೊತ್ತಂಬರಿ ಸೊಪ್ಪು -1/2 ಬಟ್ಟಲು

ಮಾಡುವ ವಿಧಾನ..

• ಮೊದಲಿಗೆ ಚಮಚ ಎಣ್ಣೆಯನ್ನು ಪ್ಯಾನ್ ಗೆ ಹಾಕಿ ಅದಕ್ಕೆ ಎಲ್ಲಾ ತರಕಾರಿಯನ್ನು ಹಾಕಿ ಕೆಂಪಗೆ ಹುರಿದುಕೊಳ್ಳಿ. ಇದಕ್ಕೆ ರುಚಿಗೆ ತಕ್ಕಷ್ಟು ಉಪ್ಪು, ಖಾರದಪುಡಿ, ಗರಂ ಮಸಾಲ, ಟೊಮೆಟೋ ಕೆಚಪ್ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಿ.

• ನಂತರ ಬೇಯಿಸಿಟ್ಟುಕೊಂಡ ನವಣೆ ಅಕ್ಕಿ, ಕೊತ್ತಂಬರಿ ಸೊಪ್ಪು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

• ಇದನ್ನು ಒಂದು ಬೌಲ್ ಗೆ ತೆಗೆದಿಟ್ಟುಕೊಳ್ಳಿ. ತಣ್ಣಗಾದ ಬಳಿಕ ಕೈಯಿಂದ ಸ್ವಲ್ಪ ಸ್ವಲ್ಪವೇ ತೆಗೆದುಕೊಂಡು ವಡೆ ತರಹ ತಟ್ಟಿಕೊಳ್ಳಿ. ಕಾದ ಎಣ್ಣೆಗೆ ಬಿಟ್ಟು ಚಿನ್ನದ ಬಣ್ಣ ಬರುವವರೆಗೆ ಕರಿಯಿರಿ. ಇದೀಗ ರುಚಿಕರವಾದ ನವಣೆ ಅಕ್ಕಿ ವಡೆ ಸವಿಯಲು ಸಿದ್ಧ.