ಕ್ರಿಸ್ಪಿ ಚಿಕನ್ ಪಕೋಡಾ

ಬೇಕಾಗುವ ಪದಾರ್ಥಗಳು...

• ಬೋನ್ ಲೆಸ್ ಚಿಕನ್ - ಅರ್ಧ ಕೆಜಿ
• ಕಾರ್ನ್ ಫ್ಲೋರ್ (ಮೆಕ್ಕೆಜೋಳದ ಹಿಟ್ಟು) - 5 ಚಮಚ
• ಮೈದಾ ಹಿಟ್ಟು - 5 ಚಮಚ
• ಮೊಟ್ಟೆ - 2
• ಸೋಯಾ ಸಾಸ್ - 2 ಚಮಚ
• ಚಿಲ್ಲಿ ಸಾಸ್ - 2 ಚಮಚ
• ಸಾಸಿವೆ ಪುಡಿ - 1 ಚಮಚ
• ಕಾಳು ಮೆಣಸಿನ ಪುಡಿ - ಸ್ವಲ್ಪ
• ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ - ಸ್ವಲ್ಬ
• ಉಪ್ಪು- ರುಚಿಗೆ ತಕ್ಕಷ್ಟು
• ಅಜಿನೋಮೋಟೋ - ಚಿಟಿಕೆಯಷ್ಟು
• ಎಣ್ಣೆ - ಕರಿಯಲು

• ಕೋಳಿ ಮಾಂಸವನ್ನು ಚಿಕ್ಕದಾಗಿ ಕತ್ತರಿಸಿಕೊಳ್ಳಬೇಕು. ನಂತರ ಅದನ್ನು ಚೆನ್ನಾಗಿ ತೊಳೆದು ಪಾತ್ರೆಯೊಂದಕ್ಕೆ ಹಾಕಿಡಬೇಕು.
• ಪ್ರೆಷರ್ ಕುಕ್ಕರ್ ತೆಗೆದುಕೊಂದು ಅದಕ್ಕೆ ಸ್ವಲ್ಫ ಮಾಂಸವನ್ನು ಹಾಗಿ ಮಧ್ಯಮಗಾತ್ರದ ಲೋಟದಲ್ಲಿ 2-3 ಲೋಟ ನೀರು, ಎಣ್ಣೆ, ಅಜಿನೋಮೋಟೋ, ಬೆಳ್ಳುಳ್ಳಿ, ಉಪ್ಪು, ಕಾಳುಮೆಣಸಿನ ಪುಡಿ ಹಾಕಿ 4 ಕೂಗು ಕೂಗಿಸಿಕೊಳ್ಳಬೇಕು.
• ನಂತರ ಬೆಂದ ಮಾಂಸವನ್ನು ತೆಗೆದು ನೀರು ಹೋಗುವಂತೆ ಮಾಡಬೇಕು. ಪಾತ್ರೆಯೊಂದರನ್ನು ತೆಗೆದುಕೊಂಡು ಅದಕ್ಕೆ ಮೈದಾಹಿಟ್ಟು, ಕಾರ್ನ್ ಫ್ಲೋರ್, ಮೊಟ್ಟೆ, ಸೋಯಾಸಾಸ್, ಚಿಲ್ಲಿ ಸಾಸ್, ಸಾಸಿವೆಪುಡಿ, ಉಪ್ಪು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು. ಹಿಟ್ಟು ಸ್ವಲ್ಪ ಗಟ್ಟಿಯಿರುವಂತೆಯೇ ಮಾಡಿಕೊಳ್ಭಬೇಕು. ಅಗತ್ಯಬಿದ್ದರೆ, ಹಾಲು ಸೇರಿಸಬಹುದು.
• ಬಾಣಲೆಯನ್ನು ಒಲೆಯ ಮೇಲಿಟ್ಟು ಎಣ್ಣೆಯನ್ನು ಕಾಯಲು ಬಿಡಬೇಕು. ಎಣ್ಣೆ ಕಾದ ನಂತರ ಬೇಯಿಸಿದ ಮಾಂಸದ ಚೂರುಗಳನ್ನು ಮಿಶ್ರಣದಲ್ಲಿ ಅದ್ದಿಕೊಂಡು ಎಣ್ಣೆಗೆ ಹಾಕಿ ಕೆಂಪಗೆ ಕರಿದುಕೊಂಡರೆ ರುಚಿಕರವಾದ ಕ್ರಿಸ್ಪಿ ಚಿಕನ್ ಪಕೋಡಾ ಸವಿಯಲು ಸಿದ್ಧ.