ಸ್ಪೆಷಲ್ ಎಗ್ ಫ್ರೈ

ಬೇಕಾಗುವ ಪದಾರ್ಥಗಳು

• ಮೊಟ್ಟೆ 6
• ಈರುಳ್ಳಿ - 4
• ಕೊತ್ತಂಬರಿ ಸೊಪ್ಪು - ಸ್ವಲ್ಪ
• ಕರಿಬೇವು- ಸ್ವಲ್ಪ
• ಸಾಸಿವೆ - ಸ್ವಲ್ಪ
• ಕಡಲೆಪಪ್ಪು- 100 ಗ್ರಾಂ
  
• ಅಚ್ಚ ಖಾರದ ಪುಡಿ - 1 ಚಮಚ
• ಉಪ್ಪು - 1/2 ಚಮಚ
• ದನಿಯಾ ಪುಡಿ - 1/2 ಚಮಚ
• ಬೆಳ್ಳುಳ್ಳಿ - 5-7 ಎಸಳು
• ಎಣ್ಣೆ - ಸ್ವಲ್ಪ

• ಮೊದಲು ಮೊಟ್ಟೆಯನ್ನು ಒಂದು ಪಾತ್ರೆಗೆ ಹಾಕಿ ಚೆನ್ನಾಗಿ ಬೇಯಿಸಿಕೊಂಡು. ನಂತರ ಮೊಟ್ಟೆಯನ್ನು ಬಿಡಿಸಿ ಒಂದು ಮೊಟ್ಟೆಯನ್ನು 6 ಭಾಗದಂತೆ ಎಲ್ಲಾ ಮೊಟ್ಟೆಯನ್ನು ಕತ್ತರಿಸಿ ಒಂದು ತಟ್ಟೆಯಲ್ಲಿ ಇಟ್ಟುಕೊಳ್ಳಬೇಕು.
• ಮಿಕ್ಸಿ ಜಾರ್ ತೆಗೆದುಕೊಂಡು ಇದಕ್ಕೆ ಕಡಲೆಪಪ್ಪು, ಖಾರದಪುಡಿ, ಬೆಳ್ಳುಳ್ಳಿ, ದನಿಯಾಪುಡಿ ಹಾಗೂ ಉಪ್ಪು ಹಾಕಿ ಇದನ್ನು ಪುಡಿ ಮಾಡಿಕೊಳ್ಳಬೇಕು.
• ಒಲೆಯ ಮೇಲೆ ಬಾಣಲೆಯಿಟ್ಟು ಅದಕ್ಕೆ ಸ್ವಲ್ಪ ಎಣ್ಣೆ ಹಾಕಿ. ಎಣ್ಣೆ ಕಾದ ನಂತರ ಸಾಸಿವೆ, ಕರಿಬೇವು ಹಾಕಬೇಕು. ಇದು ಕೆಂಪಗಾದ ನಂತರ  ಕತ್ತರಿಸಿಟ್ಟುಕೊಂಡ ಈರುಳ್ಳಿ ಹಾಕಿ ಚಿನ್ನದ ಬಣ್ಣ ಬರುವವರೆಗೆ ಹುರಿಯಬೇಕು.
• ನಂತರ ಇದಕ್ಕೆ ಪುಡಿ ಮಾಡಿಕೊಂಡ ಕಡಲೆಪಪ್ಪು ಪುಡಿ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು. 2 ನಿಮಿಷದ ನಂತರ ಬೇಯಿಸಿ ಕತ್ತರಿಸಿದ ಮೊಟ್ಟೆಯನ್ನು ಹಾಕಿ ಮಿಶ್ರಣ ಮಾಡಿ. ಕೊನೆಯಲ್ಲಿ ಕತ್ತರಿಸಿಕೊಂಡ ಕೊತ್ತಂಬರಿ ಸೊಪ್ಪು ಹಾಕಿದರೆ ರುಚಿಕರವಾದ ಎಗ್ ಫ್ರೈ ತಯಾರಾಗುತ್ತದೆ.

-ಮಂಜುಳ.ವಿ.ಎನ್