ತಂದೂರಿ ಚಿಕನ್

ಬೇಕಾಗುವ ಪದಾರ್ಥಗಳು

• ನಾಟಿ ಕೋಳಿಯ ಮಾಂಸ - 1 ಕೆಜಿ
• ಎಣ್ಣೆ - 100 ಗ್ರಾಂ
• ಗಟ್ಟಿ ಮೊಸರು - 1 ಬಟ್ಟಲು
• ನಿಂಬೆಹಣ್ಣು - 1
• 10-12 ಕಾಶ್ಮೀರಿ ಮೆಣಸಿನಕಾಯಿ
• ಶುಂಠಿ- 2 ಸ್ವಲ್ಪ
• ಜೀರಿಗೆ - ಅರ್ಧ ಚಮಚ
• ಉಪ್ಪು - ರುಚಿಗೆ ತಕ್ಕಷ್ಟು

• ಕೋಳಿಯ ಹೊಟ್ಟೆಯ ಸಾಮಾನುಗಳನ್ನು ತೆಗೆದು, ಇಡೀ ಕೋಳಿಯ ಚರ್ಮ ತೆಗೆದುಬಿಡಿ.
• ಶುದ್ಧವಾದ ಬಟ್ಟೆಯಲ್ಲಿ ಕೋಳಿಯ ಒಳಗೆ ಹೊರಗೆ ಒರೆಸಿ ತೇವ ತೆಗೆಯಬೇಕು.
• ಎದೆಯ ಭಾಗ ತೊಡೆಗಳ ಮೇಲೆ ಆಳವಾಗಿ ಗೀರಿ. ಮೊಸರನ್ನು ತೆಳುವಾದ ಬಟ್ಟೆಯಲ್ಲಿ ಕಟ್ಟಿ ನೀರನ್ನು ತೆಗೆದು ಕೆನೆಯನ್ನ ಉಳಿಸಿಕೊಳ್ಳಿ.
• ಅದರೊಂದಿಗೆ ಮೆಣಸಿನಕಾಯಿ, ಶುಂಠಿ ಬೆಳ್ಳುಳ್ಳಿ, ಜೀರಿಗೆ, ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಗಟ್ಟಿ ಮೊಸರಿನಲ್ಲಿ ನುಣ್ಣಗೆ ರುಬ್ಬಿ, ಬಣ್ಣ ಸಾಲದಿದ್ದರೆ ಮಸಾಲೆಗೆ 2 ತೊಟ್ಟು ತಂದುರಿ ಬಣ್ಣ ಸೇರಿಸಿ.
• ಒರೆಸಿಟ್ಟ ಕೋಳಿಯ ಒಳ ಹೊರ ಭಾಗಗಳಿಗೆ ಹಚ್ಚಿ ಒಂದೆರಡು ಗಂಟೆ ನೆನೆಸಿ.
• ನಂತರ ತಂದೂರಿಯನ್ನು ಒಲೆಯಲ್ಲಿ ಆಗಾಗ ಎಣ್ಣೆ ಸವರುತ್ತಾ ಬೇಯಿಸಿ. ಬಡಿಸುವ ಮೊದಲು ಕೋಳಿಗೆ ನಿಂಬೆರಸ ಸವರಿ. ನಾಟಿ ಕೋಳಿಯಾದ್ದರಿಂದ ರುಬ್ಬುವ ಮಸಾಲೆಗೆ 1 ಸಣ್ಣ ತುಂಟು ಪರಂಗಿಕಾಯಿ ತುರಿ ಸೇರಿಸಿ. ಇದು ಕೋಳಿಯನ್ನು ಮೃದವಾಗಿ ಮಾಡುತ್ತದೆ.