ಮಸಾಲೆ ಚಿತ್ರಾನ್ನ

ಸಾಮಾಗ್ರಿಗಳು

• ಈರುಳ್ಳಿ-5
• ಬೆಳ್ಳುಳ್ಳಿ- 20-25 ಎಸಳು
• ಜೀರಿಗೆ-1 ಚಮಚ
• ಕಾಳು ಮೆಣಸು-1 ಚಮಚ
• ಅರಿಶಿನ- ಅರ್ಧ ಚಮಚ
• ಟೊಮೆಟೋ- 3
• ಕಡಲೆಬೀಜ-2 ಚಮಚ
• ಕಡಲೆಬೇಳೆ, ಉದ್ದಿನಬೇಳೆ- 1 ಚಮಚ
• ಕರಿಬೇವು- 2 ಕಡ್ಡಿ
• ಸಾಸಿವೆ- ಅರ್ಧ ಚಮಚ
• ಕೊತ್ತಂಬರಿ ಸೊಪ್ಪು- ಸ್ವಲ್ಪ
• ಎಣ್ಣೆ - ಸ್ವಲ್ಪ
• ಉಪ್ಪು-1 ಚಮಚ

ಮಾಡುವ ವಿಧಾನ

• ಮೊದಲೇ ಉದುರು-ಉದುರುವಾಗಿ ಅನ್ನ ಮಾಡಿಟ್ಟುಕೊಳ್ಳಬೇಕು.
• ಕಾಳು ಮೆಣಸನ್ನು ಕುಟ್ಟಿ ಪುಡಿ ಮಾಡಬೇಕು, ನಂತರ ಇದಕ್ಕೆಜೀರಿಗೆಯನ್ನು ಹಾಕಿ ಪುಡಿ ಮಾಡಿ, ಬೆಳ್ಳುಳ್ಳಿ ಹಾಕಿ ನುಣ್ಣಗೆ ಜಜ್ಜಿಕೊಳ್ಳಿಬೇಕು.
• ಈರುಳ್ಳು, ಟೊಮೆಟೋ ಹಾಗೂ ಕೊತ್ತಂಬರಿ ಸೊಪ್ಪನ್ನುಸಣ್ಣದಾಗಿ ಹೆಚ್ಚಿಟ್ಟುಕೊಳ್ಳಬೇಕು.
• ಬಾಣಲೆಗೆ ಸ್ವಲ್ಪ ಎಣ್ಣೆ ಹಾಕಿ, ಚೆನ್ನಾಗಿ ಕಾದ ನಂತರಸಾಸಿವೆ ಹಾಕಿ ಅದು ಚಟಪಟ ಎಂದು ಶಬ್ಧ ಬಂದ ಮೇಲೆ ಕರಿಬೇವು ಹಾಕಬೇಕು. ಕಡಲೆಬೀಜ ಹಾಕಿ ಸ್ವಲ್ಪಕೆಂಪಗಾದ ನಂತರ ಕಡಲೆಬೇಳೆ, ಉದ್ದಿನಬೇಳೆ ಹಾಕಿ ಬಾಡಿಸಿಕೊಳ್ಳಬೇಕು.
• ನಂತರ ಈರುಳ್ಳು ಹಾಕಿ ಚಿನ್ನದ ಬಣ್ಣ ಬರುವವರೆಗೆಬಾಡಿಸಬೇಕು, ಟೊಮೆಟೋ ಹಾಕಿ ಕೆಂಪಗಾಗಲು ಬಿಡಿ.
• ಇದಾದನಂತರ ಇದಕ್ಕೆ ಅರಿಶಿನ, ಉಪ್ಪು, ಮೆಣಸು, ಜೀರಿಗೆಹಾಗೂ ಬೆಳ್ಳುಳ್ಳಿ ಕುಟ್ಟಿಟ್ಟುಕೊಂಡ ಮಿಶ್ರಣವನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು.
• ಈ ಮೊದಲೇ ಮಾಡಿಟ್ಟುಕೊಂಡಿದ್ದ ಅನ್ನಕ್ಕೆ ಈ ಮಸಾಲೆಯನ್ನುಹಾಕಿ ನಂತರ ಸಣ್ಣಗೆ ಹೆಚ್ಚಿಟ್ಟುಕೊಂಡ ಕೊತ್ತಂಬರಿ ಸೊಪ್ಪನ್ನು ಹಾಕಿ ಮಿಶ್ರಣ ಮಾಡಿದರೆ, ಮಸಾಲೆಚಿತ್ರಾನ್ನ ತಯಾರಾಗುತ್ತದೆ. ಶೀತ, ನೆಗಡಿಯಾಗಿದ್ದ ಸಂದರ್ಭದಲ್ಲಿ ಇದನ್ನು ತಿಂದರೆ ನಿವಾರಣೆಯಾಗುತ್ತದೆ.ಬಾಯಿಗೂ ರುಚಿಕರವಾಗಿರುತ್ತದೆ.
  

-ಮಂಜುಳ.ವಿ.ಎನ್