ಚನ್ನಾಕರಿ

ಬೇಕಾಗುವ ಪದಾರ್ಥಗಳು

• ಕಾಬೂಲ್ ಕಡಲೆಕಾಳು - ಕಾಲು ಕೆಜಿ
• ಗರಂ ಮಸಾಲಾ - 1 ಚಮಚ
• ಮಾವಿನಕಾಯಿ ಪುಡಿ- ಅರ್ಧ ಚಮಚ
• ಈರುಳ್ಳಿ - 2
• ಟೊಮೆಟೊ- 2
• ಶುಂಠಿ,ಬೆಳ್ಳುಳ್ಳಿ ಪೇಸ್ಟ್ - 1 ಚಮಚ
• ಖಾರದ ಪುಡಿ - 1 ಚಮಚ
• ಜೋಳದ ಹಿಟ್ಟು - ಅರ್ಧ ಬಟ್ಟಲು
• ಕೊತ್ತಂಬರಿ ಸೊಪ್ಪು - ಸ್ವಲ್ಪ
• ಉಪ್ಪು- ರುಚಿಗೆ ತಕ್ಕಷ್ಟು
• ಎಣ್ಣೆ - ಕರಿಯಲು

• ಕಡಲೆಕಾಳು ಕರಿ ತಯಾರಿಸಲು ಹಿಂದಿನ ದಿನದ ರಾತ್ರಿಯೇ ಕಾಬೂಲ್ ಕಡಲೆಕಾಳುಗಳನ್ನು ನೆನೆ ಹಾಕಿಕೊಳ್ಳಬೇಕು.
• ನಂತರ ಕುಕ್ಕರಿನಲ್ಲಿ ನೆನೆಸಿದ ಕಾಬೂಲ್ ಕಡಲೆಕಾಳುಗಳನ್ನು ಬೇಯಿಸಿಕೊಳ್ಳಬೇಕು.
• ಒಂದು ಬಾಣಲೆಗೆ ಜೋಳದ ಹಿಟ್ಟು, ಉಪ್ಪು, ಖಾರದ ಪುಡಿ, ಬೆಂದ ಕಡಲೆಕಾಳುಗಳನ್ನು ಸ್ವಲ್ಪ ನೀರಿನೊಂದಿಗೆ ಗಟ್ಟಿಯಾಗಿ ಮಿಶ್ರಣ ಮಾಡಬೇಕು.
• ಇನ್ನೊಂದು ಬಾಣಲೆಯಲ್ಲಿ ಎಣ್ಣೆ ಕಾಯಿಸಿ ಅದರಲ್ಲಿ ಹಿಟ್ಟಿನಲ್ಲಿ ಕಲಸಿಟ್ಟ ಕಡಲೆಕಾಳುಗಳನ್ನು ಕರಿದು ಒಂದು ಪಾತ್ರೆಯಲ್ಲಿ ತೆಗೆದಿಟ್ಟುಕೊಳ್ಳಬೇಕು.
• ಮತ್ತೊಂದು ಬಾಣಲೆಯಲ್ಲಿ ಎಣ್ಣೆ ಹಾಕಿ ಸಣ್ಣದಾಗಿ ಹೆಚ್ಚಿಟ್ಟುಕೊಂಡ ಈರುಳ್ಳಿ ಹಾಕಿ ಹುರಿದುಕೊಳ್ಳಬೇಕು. ಅದಕ್ಕೆ ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಮತ್ತೆ ಹುರಿದುಕೊಳ್ಳಬೇಕು. ಈರುಳ್ಳಿ ಚಿನ್ನದ ಬಣ್ಣ ಬಂದ ನಂತರ ಟೊಮೆಟೊ ಪ್ಯೂರಿ ಸೇರಿಸಿ ಮತ್ತೆ 3 ನಿಮಿಷ ಹುರಿಯಬೇಕು. ಇದಕ್ಕೆ ಖಾರದ ಪುಡಿ, ಗರಂ ಮಸಾಲಾ, ಉಪ್ಪು, ಮಾವಿನಕಾಯಿ ಪುಡಿ ಹಾಕಿ ಕುದಿಸಬೇಕು.
• ಈ ಮಸಾಲೆಗೆ ಕರಿದಿಟ್ಟ ಕಡಲೆಕಾಳುಗಳನ್ನು ಹಾಕಿದರೆ ಬಿಸಿಬಿಸಿಯಾದ ಗರಿಯಾದ ಕಾಬೂಲ್ ಕಡಲೆಕಾಳಿನ ಕರಿ ತಯಾರಾಗುತ್ತದೆ.