ಜೋಳ ಮತ್ತು ತರಕಾರಿ ರಾಯತ

ಬೇಕಾಗುವ ಪದಾರ್ಥಗಳು

• ಹೂಕೋಸು - ಸಣ್ಣ ಗಾತ್ರದ್ದು
• ಹಸಿ ಬಟಾಣಿ - ಅರ್ಧ ಬಟ್ಟಲು
• ಆಲೂಗಡ್ಡೆ - ಎರಡು
• ಈರುಳ್ಳಿ - ಎರಡು (ಬೇಕಿದ್ದರೆ)
• ಜೋಳ - ಮೂರು
• ಕ್ಯಾರಟ್- ಎರಡು
• ಫ್ರೆಂಚ್ ಬೀನ್ಸ್- ಅರ್ದ ಬಟ್ಟಲು
• ಮೊಸರು - ಎರಡು ಬಟ್ಟಲು
• ಸಕ್ಕರೆ ಮತ್ತು ಉಪ್ಪು - ರುಚಿಗೆ ತಕ್ಕಷ್ಟು
• ಹಸಿ ಮೆಣಸಿನಕಾಯಿ - ನಾಲ್ಕು
• ಸಾಸಿವೆ- ಸ್ವಲ್ಪ
• ಕರಿಬೇವ- ಸ್ವಲ್ಪ
• ಕೊತ್ತಂಬರಿ ಸೊಪ್ಪು - ಸ್ವಲ್ಪ
• ಅಡುಗೆ ಎಣ್ಣೆ - ಸ್ವಲ್ಪ

• ಮೊದಲಿಗೆ ಎಲ್ಲಾ ತರಕಾರಿಗಳನ್ನು ಸಣ್ಣಗೆ ಹೆಚ್ಚಿಕೊಂಡು, ಬಟಾಣಿ, ಬಿಡಿಸಿ ಜೋಳದ ಕಾಳುಗಳ ಸಮೇತ ಕುಕ್ಕರಿನಲ್ಲಿ ಬೇಯಿಸಿಕೊಳ್ಳಿ. ಕುಕ್ಕರು ನಾಲ್ಕು ವಿಷಲ್ ಹಾಕಿದರೂ ಸಾಕು. ನಂತರ ನೀರನ್ನು ಬಸಿದು ಒಂದು ಪಾತ್ರೆಯಲ್ಲಿ ತೆಗೆದಿಟ್ಟುಕೊಳ್ಳಿ.
• ಒಂದು ಅಗಲ ತಳದ ಪಾತ್ರೆಯಲ್ಲಿ ನಾಲ್ಕಾರು ಚಮಚದಷ್ಟು ಎಣ್ಣೆ ಹಾಕಿ, ಸ್ಟೌ ಉರಿಯನ್ನು ಸಿಮ್ ನಲ್ಲಿಡಿ. ಬಿಸಿಯಾದ ನಂತರ ಸಾಸಿವೆ, ಕರಿಬೇವು, ಹಸಿ ಮೆಣಸಿನಕಾಯಿ ಹಾಕಿ ತಾಳಿಸಿ.
• ಒಗ್ಗರಣೆ ಪಾತ್ರೆಗೆ ಮೊಸರನ್ನು ಕಡಗೋಲಿನಿಂದ ಕಡಿದು ಹಾಕಿ. ಇದಕ್ಕೆ ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಸ್ವಲ್ಪ ಸಕ್ಕರೆ ಹಾಕಿ ಕೈಯಾಡಿಸಿ.
• ಇಷ್ಟಾದ ಮೇಲೆ ಬೇಯಿಸಿಟ್ಟುಕೊಂಡ ತರಕಾರಿಗಳನ್ನು ಪಾತ್ರೆಗೆ ಸುರಿದು ಐದರಿಂದ ಆರು ನಿಮಿಷ ಬೇಯಲು ಬಿಡಿ. ಅದಕ್ಕೆ ಕೊತ್ತಂಬರಿ ಸೊಪ್ಪನ್ನು ನೀರಿನಲ್ಲಿ ತೊಳೆದು ಸಣ್ಣಗೆ ಕತ್ತರಿಸಿ ಹಾಕಿ ಕೈಯಾಡಿಸಿ.