ಸೋಯಾಬೀನ್ ಕಬಾಬ್

ಬೇಕಾಗುವ ಪದಾರ್ಥಗಳು

• ಸೋಯಾ ಬೀನ್ - 20-25
• ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ - ಸ್ವಲ್ಪ
• ಹಸಿ ಮೆಣಸಿನಕಾಯಿ - 6
• ಈರುಳ್ಳಿ - 2
• ಕೊತ್ತಂಬರಿ ಸೊಪ್ಪು - ಸ್ವಲ್ಪ
• ಖಾರದ ಪುಡಿ - ಸ್ವಲ್ಪ
• ಗರಂ ಮಸಾಲ - ಅರ್ಧ ಚಮಚ
• ಕರಿ ಮೆಣಸಿನ ಪುಡಿ - ಸ್ವಲ್ಪ
• ಎಣ್ಣೆ - 3-4 ಸ್ವಲ್ಪ
• ಮೊಸರು - 4 ಚಮಚ
• ಉಪ್ಪು - ರುಚಿಗೆ ತಕ್ಕಷ್ಟು

• ಸೋಯಾ ಬೀನ್'ನ್ನು ತೊಳೆದು 10 ನಿಮಿಷ ಬಿಸಿ ನೀರಿನಲ್ಲಿ ನೆನೆ ಹಾಕಬೇಕು.
• ನೆನೆದ ಸೋಯಾ ಬೀನ್ ಗೆ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಹಾಕಬೇಕು.
• ಮಿಕ್ಸಿ ಜಾರ್ ಒಂದಕ್ಕೆ ಹಸಿ ಮೆಣಸಿನಕಾಯಿ, ಈರುಳ್ಳಿ, ಕೊತ್ತಂಬರಿ ಸೊಪ್ಪನ್ನು ಚೆನ್ನಾಗಿ ರುಬ್ಬಿಕೊಳ್ಳಬೇಕು. ನಂತರ ಇದನ್ನು ಸೋಯಾ ಬೀನ್ ಗೆ ಹಾಕಬೇಕು. ಈ ಮಿಶ್ರಣಕ್ಕೆ ಖಾರದ ಪುಡಿ, ಗರಂ ಮಸಾಲ ಪುಡಿ, ಮೊಸರು, ಕರಿ ಮೆಣಸಿನ ಪುಡಿ ಹಾಗೂ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ ಅರ್ಧ ಗಂಟೆಗಳ ಕಾಲ ಬಿಡಬೇಕು.
• ಒಲೆದ ಬಾಣಲೆಯಿಟ್ಟು ಎಣ್ಣೆ ಹಾಕಬೇಕು. ಎಣ್ಣೆ ಕಾದ ನಂತರ ಮಸಾಲೆಯೊಂದಿಗೆ ನೆನೆದ ಸೋಯಾ ಬೀನ್ ಅನ್ನು ಚಿನ್ನದ ಬಣ್ಣ ಬರುವವರೆಗೆ ಕರಿದರೆ ಸೋಯಾ ಬೀನ್ ಕಬಾಬ್ ತಯಾರಾಗುತ್ತದೆ.