ರಾಗಿ ಬಿಸ್ಕೆಟ್

ಬೇಕಾಗುವ ಸಾಮಾಗ್ರಿಗಳು

• ರಾಗಿ ಹಿಟ್ಟು - 2 ಬಟ್ಟಲು
• ಸಕ್ಕರೆ ಪುಡಿ- 3/4 ಬಟ್ಟಲು
• ತುಪ್ಪ - 1 ಬಟ್ಟಲು
• ಏಲಕ್ಕಿ ಪುಡಿ - ಅರ್ಧ ಚಮಚ
• ಅಡುಗೆ ಸೋಡಾ - 1 ಚಮಚ
• ಉಪ್ಪು - ಸ್ವಲ್ಪ

• ಒಲೆಯ ಮೇಲೆ ಬಾಣಲೆಯಿಟ್ಟು ರಾಗಿ ಹಿಟ್ಟನ್ನು ಹಾಕಿ ಸಣ್ಣ ಉರಿಯಲ್ಲಿ ಕೆಂಪಗೆ ಹುರಿದುಕೊಳ್ಳಬೇಕು.
• ನಂತರ ಇದಕ್ಕೆ ಸಕ್ಕರೆ ಪುಡಿ, ಅಡುಗೆ ಸೋಡಾ ಹಾಗೂ ಏಲಕ್ಕಿ ಪುಡಿ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ
• ಸಕ್ಕರೆ ಮಿಶ್ರಿತವಾಗುತ್ತಿದ್ದಂತೆ ರಾಗಿ ಹಿಟ್ಟು ಸ್ವಲ್ಪ ಗಟ್ಟಿಯಾಗುತ್ತದೆ. ಇದಕ್ಕೆ ಕಾಯಿಸಿದ ತುಪ್ಪ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ ಹುರಿಯಿರಿ. ಅಗತ್ಯವೆನಿಸಿದರೆ ಮತ್ತೆ ತುಪ್ಪ ಹಾಕಬಹುದು.
• ಇದನ್ನು ಸಣ್ಣ ಸಣ್ಣ ಉಂಡೆಗಳನ್ನಾಗಿ ಮಾಡಿ ಅಥವಾ ನಿಮಗೆ ಬೇಕಿರುವ ಆಕಾರದಲ್ಲಿ ಮಾಡಿಕೊಂಡು ಕುಕ್ಕಿ ಬೇಕಿಂಗ್ ಟ್ರೇಗೆ ಹಾಕಬೇಕು.
• ನಂತರ ಓವನ್ ನಲ್ಲಿ 350-400 ಡಿಗ್ರಿ (ಪ್ಯಾರನ್ ಹೀಟ್) ನಲ್ಲಿ, 12-15 ನಿಮಿಷವಿಡಬೇಕು.