ಚನಾ ಬಿರಿಯಾನಿ

ಬೇಕಾಗುವ ಪದಾರ್ಥಗಳು

• ಬಾಸುಮತಿ ಅಕ್ಕಿ - 2 ಕಪ್
• ಪುದೀನಾ ಸೊಪ್ಪು - ಸ್ವಲ್ಪ
• ಕೊತ್ತಂಬರಿ ಸೊಪ್ಪು - ಸ್ವಲ್ಪ
• ಹಸಿಮೆಣಸಿನಕಾಯಿ - 2
• ಕೇಸರಿ - ಚಿಟಿಕೆಯಷ್ಟು
• ಕೆನೆಯಿಲ್ಲದ ಹಾಲು - ಅರ್ಧ ಕಪ್
• ಎಣ್ಣೆ - 1 ಚಮಚ

• ಚನಾ - 1 ಕಪ್
• ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ - 2 ಚಮಚ
• ಅರಿಶಿಣ ಪುಡಿ - 1ಚಮಚ
• ಖಾರದ ಪುಡಿ - ಅರ್ಧ ಚಮಚ
• ದನಿಯಾ ಪುಡಿ - 1 ಚಮಚ
• ಮೊಸರು - 1 ಕಪ್
• ಟೊಮೆಟೋ - 3 ಕತ್ತರಿಸಿದ್ದು
• ಆಲೂಗಡ್ಡೆ - 2 (ಬೇಯಿಸಿ ಕತ್ತರಿಸಿದ್ದು)
• ಉಪ್ಪು - ರುಚಿಗೆ ತಕ್ಕಷ್ಟು
• ಎಣ್ಣೆ - 1 ಚಮಚ
• ನೀರು - 2 ಕಪ್

• ಮೊದಲಿಗೆ ಕಡಲೆ ಮಸಾಲೆ ತಯಾರು ಮಾಡಿಕೊಳ್ಳಬೇಕು.
• ಚನಾವನ್ನು ಕಡಿಮೆಯೆಂದರೂ 6 ಗಂಟೆಕಾಲ ನೆನೆ ಹಾಕಬೇಕು
• ನಂತರ ಕಡಲೆಗೆ 2 ಕಪ್ ನೀರು ಮತ್ತು ಉಪ್ಪು ಹಾಕಿ 2 ವಿಶಲ್ ಬರುವವರೆಗೆ ಬೇಯಿಸಿ
• ಈಗ ಬಾಣಲೆ ಬಿಸಿ ಮಾಡಿ ಅದಕ್ಕೆ ಎಣ್ಣೆ ಹಾಕಿ. ಎಣ್ಣೆ ಬಿಸಿಯಾದಾಗ ಶುಂಠಿ-ಬೆಳ್ಳುಳ್ಳು ಪೇಸ್ಟ್ ಹಾಕಿ ಒಂದು ನಿಮಿಷ ಫ್ರೈ ಮಾಡಿ
• ನಂತರ ಖಾರದ ಪುಡಿ, ಅರಿಶಿಣದ ಪುಡಿ, ದನಿಯಾ ಪುಡಿ ಹಾಕಿ 1 ನಿಮಿಷ ಫ್ರೈ ಮಾಡಿ.
• ನಂತರ ಕತ್ತರಿಸಿದ ಟೊಮೆಟೋ ಹಾಕಿ 4-5 ನಿಮಿಷ ಫ್ರೈ ಮಾಡಿ.
• ನಂತರ ಬೇಯಿಸಿದ ಆಲುಗಡ್ಡೆ, ಹಸಿಮೆಣಸಿನಕಾಯಿ ಮತ್ತು ಮೊಸರು ಹಾಕಿ 5-6 ನಿಮಿಷ ಬೇಯಿಸಿ.
• ಈಗ ಬೇಯಿಸಿದ ಕಡೆಲೆ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. ಗ್ರೇವಿ ರೆಡಿಯಾದ ಬಳಿಕ ಉರಿಯಿಂದ ಇಳಿಸಿ.

• ಕೇಸರಿಯನ್ನು ಹಾಲಿನಲ್ಲಿ ನೆನೆ ಹಾಕಿ ಇಡಿ.
• ಅನ್ನ ಮುಕ್ಕಾಲು ಭಾಗ ಬೆಂದಾಗ ಅದರ ನೀರು ಬಸಿಯಿರಿ. ನಂತರ ಆ ಅನ್ನಕ್ಕೆ ಕೊತ್ತಂಬರಿ ಸೊಪ್ಪು, ಪುದೀನಾ ಮತ್ತು ಹಸಿಮೆಣಸಿನಕಾಯಿ ಹಾಕಿ ಮಿಕ್ಸ್ ಮಾಡಿ.
• ಈಗ ಬಿರಿಯಾನಿ ಮಾಡುವ ಪಾತ್ರೆಗೆ ಎಣ್ಣೆ ಅಥವಾ ತುಪ್ಪ ಸವರಿ. ನಂತರ ಮುಕ್ಕಾಲು ಭಾಗ ಅನ್ನದಲ್ಲಿ ಸ್ವಲ್ಪ ಅನ್ನ ಹಾಕಿ ನಂತರ ಕಡಲೆ ಗ್ರೇವೆ ಹಾಕಿ. ನಂತರ ಪುನಃ ಅನ್ನ ಹಾಕಿ ದೊಡ್ಡ ಕಡಲೆಯ ಗ್ರೇವೆ ಹಾಕಿ. ಕೊನೆಯ ಪದರವಾಗಿ ಅನ್ನಹಾಕಿ ನಂತರ ಕೇಸರಿ ಹಾಲು ಹಾಕಿ.
• ಅದರ ಮೇಲೆ ಉಳಿದ ಗ್ರೇವಿ ಹಾಕಿ ಪಾತ್ರೆಯ ಬಾಯಿ ಮುಚ್ಚಿ ಕಡಿಮೆ ಉರಿಯಲ್ಲಿ 10 ನಿಮಿಷ ಬೇಯಿಸಿದರೆ ಚನಾ  ಬಿರಿಯಾನಿ ರೆಡಿ.

-ಮಂಜುಳ.ವಿ.ಎನ್