ನವರತನ್ ಕುರ್ಮಾ

ಬೇಕಾಗುವ ಪದಾರ್ಥಗಳು

• ಹುರುಳಿಕಾಯಿ - 100 ಗ್ರಾಂ
• ಕ್ಯಾರೆಟ್- 100 ಗ್ರಾಂ
• ಆಲೂಗಡ್ಡೆ - 2
• ಬಟಾಣಿ - 100 ಗ್ರಾಂ
• ಕಾಲಿಫ್ಲವರ್ - 50 ಗ್ರಾಂ
• ಈರುಳ್ಳಿ - 4
• ಟೊಮೆಟೊ - 4
• ಚನ್ನಾ ಕಾಬೂಲ್ ಕಡಲೆ - 50 ಗ್ರಾಂ
• ಕೊತ್ತಂಬರಿ ಸೊಪ್ಪು - ಸ್ವಲ್ಪ
• ಜೀರಿಗೆ - 1 ಚಮಚ
• ಎಣ್ಣೆ - 2 ಚಮಚ

• ಗಸಗಸೆ - 1 ಚಮಚ
• ಚಕ್ಕೆ - ಚೂರು
• ಲವಂಗ - 2
• ಮೆಣಸು - 2
• ಜೀರಿಗೆ - ಅರ್ಧ ಚಮಚ
• ಏಲಕ್ಕಿ - 2
• ಜಾಯಿಕಾಯಿ - ಸ್ವಲ್ಪ
• ಪತ್ರೆ - ಸ್ವಲ್ಪ
• ಪುದೀನಾ - ಸ್ವಲ್ಪ
• ಶುಂಠಿ - ಸ್ವಲ್ಪ
• ಮೆಣಸಿನಕಾಯಿ - 2
• ಸಾರಿನಪುಡಿ - 2 ಚಮಚ
• ಉಪ್ಪು - ರುಚಿಗೆ ತಕ್ಕಷ್ಟು
• ದ್ರಾಕ್ಷಿ - 50 ಗ್ರಾಂ
• ಗೋಡಂಬಿ - 50 ಗ್ರಾಂ
• ಪಿಸ್ತಾ - 50 ಗ್ರಾಂ

• ಚನ್ನಾವನ್ನು ಆರು ಗಂಟೆಗಳ ಕಾಲ ನೆನೆಸಿ. ತರಕಾರಿಗಳನ್ನು ನೀರಿನಿಂದ ತೊಳೆಯಿರಿ. ಗರಂ ಮಸಾಲೆಯ ಪದಾರ್ಥಗಳನ್ನೆಲ್ಲಾ ಹಾಕಿ ಮಿಕ್ಸಿಯಲ್ಲಿ ಪುಡಿ ಮಾಡಿಟ್ಟುಕೊಳ್ಳಿ. ತರಕಾರಿಗಳನ್ನು ಹೆಚ್ಚಿಕೊಂಡು ಬೇಯಿಸಿ. ಚೆನ್ನಾ ನೆಂದ ಬಳಿಕ ಕುಕ್ಕರಿನಲ್ಲಿಟ್ಟು ಬೇಯಿಸಿರಿ. ಈರುಳ್ಳಿ ಮತ್ತು ಟೊಮೆಟೋವನ್ನು ಸಣ್ಣದಾಗಿಹೆಚ್ಚಿಬರೆ ಇಟ್ಟುಕೊಳ್ಳಿ.
  
• ಒಲೆಯ ಮೇಲೆ ಬಾಣಲೆ ಇಟ್ಟು ಎಣ್ಣೆ ಹಾಕಿ. ಎಣ್ಣೆ ಕಾದ ನಂತರ ಜೀರಿಗೆ ಹಾಕಿ ಸಿಡಿಸಿ ನಂತರ ಹೆಚ್ಚಿದ ಟೊಮೆಟೊ ಹಾಗೂ ಈರುಳ್ಳಿಯನ್ನು ಹಾಕಿ ಚೆನ್ನಾಗಿ ಬಾಡಿಸಿ. ನಂತರ ಮಿಕ್ಸಿಯಲ್ಲಿ ಹಾಕಿ ರುಬ್ಬಿರಿ.
•  ಅದೇ ಬಾಣಲೆಗೆ ಬೇಯಿಸಿದ ತರಕಾರಿ ಹಾಗೂ ಕಾಳು ಹಾಕಿ ಗರಂ ಮಸಾಲೆ, ಮೆಣಸಿನಪುಡಿ, ಉಪ್ಪು ಹಾಕಿ ಕುದಿಸಿ. ಅದು ಚೆನ್ನಾಗಿ ಕುದ್ದ ನಂತರ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ. ಆನಂತರ ಡ್ರೈಫ್ರೂಟ್ಸ್ ಗಳನ್ನು ಮಿಕ್ಸ್ ಮಾಡಿ. ಈಗ ರುಚಿಕರವಾದ ನವರತನ್ ಕುರ್ಮಾ ಸಿದ್ದ.