ಗರಂ ಗರಂ ದೋಸೆ

ಬೇಕಾಗುವ ಪದಾರ್ಥಗಳು

• ಅಕ್ಕಿ – 2 ಬಟ್ಟಲು
• ಹುರಿಗಡಲೆ ಹಿಟ್ಟು – 1 ಬಟ್ಟಲು
• ಗೋಧಿ ಹಿಟ್ಟು – 2 ಬಟ್ಟಲು
• ಮೊಸರು – 3 ಬಟ್ಟಲು
• ಅಡುಗೆ ಸೋಡ – 1 ಚಿಟಿಕೆ
• ತುಪ್ಪ/ಎಣ್ಣೆ – ಬೇಕಾದಷ್ಟು
• ಉಪ್ಪು- ರುಚಿಗೆ ತಕ್ಕಷ್ಟು

• ಉಪ್ಪು ಬಿಟ್ಟು ಮಿಕ್ಕೆಲ್ಲಾ ಸಾಮಾನುಗಳನ್ನು ಮೊಸರಿನಲ್ಲಿ ಕಲಸಿ ಹದವಾಗಿ ದೋಸೆಯ ಹಿಟ್ಟಿನಂತೆ ಕಲಸಿಕೊಳ್ಳಬೇಕು.
• ನಂತರ ಅಗತ್ಯವಾದಷ್ಟು ನೀರು ಬೆರೆಸಿಕೊಳ್ಳಬೇಕು.
• ಕಲಸಿದ ಸುಮಾರು ಹನ್ನೆರಡು ಗಂಟೆಗಳ ನಂತರ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಚೆನ್ನಾಗಿ ಕಲಸಿರಿ.
• ಈಗ ಕಾವಲಿಯನ್ನು ಕಾಯಲು ಒಲೆಯ ಮೇಲೆ ಇಡಿ. ನಂತರ ಕಾವಲಿಗೆ ತುಪ್ಪ ಅಥವಾ ಎಣ್ಣೆ ಹಾಕಿ ದೋಕಿ ಹಾಕಿರಿ.
• ದೋಸೆಯನ್ನು ಎರಡೂ ಭಾಗಗಳಲ್ಲೂ ಎಣ್ಣೆ ಅಥವಾ ತುಪ್ಪ ಹಾಕಿ ಚೆನ್ನಾಗಿ ಸುಡಬೇಕು. ಈಗ ರುಚಿಕರ ಗರಂಗರಂ ದೋಸೆ ತಿನ್ನಲು ಸಿದ್ಧ. ಕಾಯಿಚಟ್ನಿಯೊಂದಿಗೆ ತಿಂದರೆ ಬಲು ರುಚಿ.

-ಮಂಜುಳ.ವಿ.ಎನ್