IPL 2026: 'ಚೆಂಡು ನೆಲಕ್ಕೆ ತಾಗಿತ್ತು'; ಕ್ಯಾಚ್ ವಿವಾದದ ಬಗ್ಗೆ ಮೌನ ಮುರಿದ RCB ವೇಗಿ ಭುವನೇಶ್ವರ್ ಕುಮಾರ್

ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ಮತ್ತು ಗುಜರಾತ್ ಟೈಟಾನ್ಸ್ (ಜಿಟಿ) ನಡುವಿನ ಪಂದ್ಯದಲ್ಲಿ ಆರ್‌ಸಿಬಿ ನಾಯಕ ರಜತ್ ಪಾಟೀದಾರ್ ಅವರನ್ನು ಔಟ್ ಎಂದು ತೀರ್ಮಾನಿಸಿದ ಜಿಟಿಯ ಆಲ್‌ರೌಂಡರ್ ಜೇಸನ್ ಹೋಲ್ಡರ್ ಅವರು ಹಿಡಿದ ಕ್ಯಾಚ್ ಇದೀಗ ವಿವಾದಕ್ಕೆ ಕಾರಣವಾಗಿದೆ. ಈ ಕ್ಯಾಚ್ ಬಗ್ಗೆ ಮೂರನೇ ಅಂಪೈರ್ ನೀಡಿದ ನಿರ್ಧಾರದ ಬಗ್ಗೆ ಇಡೀ ಆರ್‌ಸಿಬಿ ಶಿಬಿರವನ್ನೇ ಕೋಪಕ್ಕೀಡು ಮಾಡಿದೆ. ಆರ್‌ಸಿಬಿ ದಿಗ್ಗಜ ವಿರಾಟ್ ಕೊಹ್ಲಿ ಬೌಂಡರಿ ಲೈನ್ ಹೊರಗೆ ನಾಲ್ಕನೇ ಅಂಪೈರ್ ಜೊತೆಗೆ ವಾದಿಸಿದರು. ಪಂದ್ಯದ ನಂತರದ ಪ್ರಸ್ತುತಿಯಲ್ಲಿ ಮಾತನಾಡಿದ ಅನುಭವಿ ವೇಗಿ ಭುವನೇಶ್ವರ್ ಕುಮಾರ್, ಚೆಂಡು ನೆಲಕ್ಕೆ ತಾಗಿದೆ ಎಂದು ನಾನು ಮತ್ತು ತಂಡದ ಇತರ ಸದಸ್ಯರು ಅನ್ನಿಸಿತು ಎಂದಿದ್ದಾರೆ.

ಐಪಿಎಲ್ 2026ರ ಆವೃತ್ತಿಯಲ್ಲಿ ಈವರೆಗೆ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿರುವ ಭುವನೇಶ್ವರ್, ದೈತ್ಯ ಪರದೆಯ ಮೇಲೆ ಪ್ರದರ್ಶಿಸಲಾದ ದೃಶ್ಯಗಳ ಆಧಾರದ ಮೇಲೆ, ಚೆಂಡು ಟರ್ಫ್ ಅನ್ನು ಸ್ಪರ್ಶಿಸಿದೆ ಎಂದು ಆರ್‌ಸಿಬಿ ಶಿಬಿರವು ನಂಬಿದೆ. ಮೂರನೇ ಅಂಪೈರ್ ತನ್ನ ನಿರ್ಧಾರವನ್ನು ಅಂತಿಮಗೊಳಿಸುವ ಮೊದಲು ಹೆಚ್ಚಿನ ಕೋನಗಳನ್ನು ಪರಿಶೀಲಿಸಬೇಕೆಂದು ಬಯಸಿದ್ದಾಗಿ ತಿಳಿಸಿದರು.

'ನಾನು ಅಲ್ಲಿ ಇರಲಿಲ್ಲ, ಆದರೆ ನಾನು ನೋಡಿದ ಪ್ರಕಾರ, ಚೆಂಡು ನೆಲಕ್ಕೆ ತಾಗಿತು. ಅಂಪೈರ್ ಅವರಿಗೆ ಏನು ಹೇಳಿದರು ಎಂದು ನನಗೆ ತಿಳಿದಿಲ್ಲ ಅಥವಾ ಅದು ಆಟದ ನಿಯಮಗಳ ವ್ಯಾಪ್ತಿಯಲ್ಲಿದೆಯೇ, ಅದರ ಬಗ್ಗೆಯೂ ತಿಳಿದಿಲ್ಲ. ಆದಾಗ್ಯೂ, ಅಂಪೈರ್ ಅದನ್ನು ಹತ್ತಿರದಿಂದ ನೋಡಬೇಕೆಂದು ನಾವು ಬಯಸಿದ್ದೆವು' ಎಂದು ಭುವನೇಶ್ವರ್ ಪಂದ್ಯದ ನಂತರ ಮಾಧ್ಯಮಗಳಿಗೆ ತಿಳಿಸಿದರು.

ಈ ಐಪಿಎಲ್‌ನಲ್ಲಿ ಆರ್‌ಸಿಬಿ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿದ್ದು ಅಪರೂಪ. ವಿರಾಟ್ ಕೊಹ್ಲಿ ಉತ್ತಮ ಆರಂಭ ನೀಡಿದರೂ, ಬೆಂಗಳೂರು ತಂಡ 155 ರನ್‌ಗಳಿಗೆ ಆಲೌಟ್ ಆಯಿತು. ಜಿಟಿ ನಾಲ್ಕು ಓವರ್‌ಗಳಿಗಿಂತ ಹೆಚ್ಚು ಬಾಕಿ ಇರುವಾಗಲೇ ಗುರಿಯನ್ನು ಬೆನ್ನಟ್ಟಿತು.

'ಬೌಲರ್‌ಗಳಿಂದ ಏನೋ ತಪ್ಪಾಗಿದೆ ಎಂದು ನಾನು ಹೇಳುವುದಿಲ್ಲ, ಬದಲಿಗೆ ಅವರು ಚೆನ್ನಾಗಿ ಬ್ಯಾಟಿಂಗ್ ಮಾಡಿದರು. ಸಾಮಾನ್ಯವಾಗಿ ಅದು ಒಳ್ಳೆಯ ದಿನವೋ ಅಥವಾ ಕೆಟ್ಟ ದಿನವೋ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ. ನಾವು ಟಾಸ್ ಸೋತೆವು ಮತ್ತು ಮೊದಲು ಬ್ಯಾಟಿಂಗ್ ಮಾಡಲು ಕೇಳಲಾಯಿತು; ನಾವು ಎರಡೂ ವಿಭಾಗಗಳಲ್ಲಿ ನಮ್ಮ ಕೈಲಾದಷ್ಟು ಪ್ರಯತ್ನಿಸಿದೆವು, ಆದರೆ ನಾವು ಸೋತಿದ್ದೇವೆ' ಎಂದರು.

'14 ಪಂದ್ಯಗಳ ದೀರ್ಘ ಟೂರ್ನಮೆಂಟ್‌ನಲ್ಲಿ, ಪ್ರತಿಯೊಂದು ಪಂದ್ಯದಲ್ಲೂ ಪ್ರತಿಯೊಂದು ವಿಭಾಗದಲ್ಲೂ ನೀವು ಪರಿಪೂರ್ಣರಾಗಿರಲು ಸಾಧ್ಯವಿಲ್ಲ. ಟೂರ್ನಮೆಂಟ್‌ನಾದ್ಯಂತ ನಮ್ಮ ಬ್ಯಾಟಿಂಗ್ ಉತ್ತಮವಾಗಿದೆ. ನಾವು ಈ ಹಿಂದೆ 200 ಅಥವಾ ಅದಕ್ಕಿಂತ ಹೆಚ್ಚು ಗಳಿಸಿದ್ದೇವೆ. ಈ ಬಾರಿ, ನಾವು ಗುರಿ ತಲುಪಲಿಲ್ಲ, ಆದರೆ ಈ ವಿಷಯಗಳು ಸಂಭವಿಸುತ್ತವೆ. ಇದು ಪರಸ್ಪರ ಪೂರಕವಾಗಿರುವುದರ ಬಗ್ಗೆ; ಕೆಲವೊಮ್ಮೆ ಬೌಲರ್‌ಗಳು 200 ರನ್‌ಗಳನ್ನು ಬಿಟ್ಟುಕೊಡುತ್ತಾರೆ ಮತ್ತು ಬ್ಯಾಟ್ಸ್‌ಮನ್‌ಗಳು ದೂರು ನೀಡದೆ ಅದನ್ನು ಬೆನ್ನಟ್ಟುತ್ತಾರೆ. ಇಂದು, ಬೌಲರ್‌ಗಳಾಗಿ ಕಡಿಮೆ ಸ್ಕೋರ್ ಅನ್ನು ರಕ್ಷಿಸಲು ನಮ್ಮ ಕೈಲಾದಷ್ಟು ಪ್ರಯತ್ನಿಸುವುದು ನಮ್ಮ ಕರ್ತವ್ಯವಾಗಿತ್ತು' ಎಂದು ಅವರು ಹೇಳಿದರು.