ಒಂದೇ ಇನ್ನಿಂಗ್ಸ್‌ನಲ್ಲಿ 10 ವಿಕೆಟ್.. ಇತಿಹಾಸ ನಿರ್ಮಿಸಿದ ದಕ್ಷಿಣ ಆಫ್ರಿಕಾದ ಬೌಲರ್
ದಕ್ಷಿಣ ಆಫ್ರಿಕಾದ ಪ್ರಥಮ ದರ್ಜೆಯ ಎಡಗೈ ಸ್ಪಿನ್ನರ್ ಸೀನ್ ವೈಟ್ ಹೆಡ್ ಇನ್ನಿಂಗ್ಸ್‌ವೊಂದರಲ್ಲಿ 10 ವಿಕೆಟ್ ಕಬಳಿಸುವ ಮೂಲಕ ಇತಿಹಾಸ ಸೃಷ್ಟಿಸಿದ್ದಾರೆ.
ಜೋಹಾರ್ನ್ಸ್‌ ಬರ್ಗ್‌: ದಕ್ಷಿಣ ಆಫ್ರಿಕಾದ ಪ್ರಥಮ ದರ್ಜೆಯ ಎಡಗೈ ಸ್ಪಿನ್ನರ್ ಸೀನ್ ವೈಟ್ ಹೆಡ್ ಇನ್ನಿಂಗ್ಸ್‌ವೊಂದರಲ್ಲಿ 10 ವಿಕೆಟ್ ಕಬಳಿಸುವ ಮೂಲಕ ಇತಿಹಾಸ ಸೃಷ್ಟಿಸಿದ್ದಾರೆ.
ಹೌದು.. ದಕ್ಷಿಣ ಆಫ್ರಿಕಾ ಪ್ರಥಮ ದರ್ಜೆ ಟೂರ್ನಿಯಲ್ಲಿ ಪವಾಡ ನಡೆದಿದ್ದು, ಫೊರ್‌ ಡೇ ಫ್ರಾಂಚೈಸ್ 2021-22 ಸರಣಿಯ ಭಾಗವಾಗಿ ಸೌತ್‌ವೆಸ್ಟರ್ನ್ ಡಿಸ್ಟ್ರಿಕ್ಟ್ , ಈಸ್ಟರ್ನ್ ಸ್ಟಾರ್ಮ್ಸ್ ನಡುವೆ ನಡೆದ ಪಂದ್ಯದ ಸಂದರ್ಭದಲ್ಲಿ ಸೀನ್ ವೈಟ್‌ಹೆಡ್ ಪವಾಡ ದಾಖಲಿಸಿದ್ದಾರೆ. ಸೀನ್ ಮೊದಲ ಇನ್ನಿಂಗ್ಸ್‌ನಲ್ಲಿ 5 ವಿಕೆಟ್‌ಗಳನ್ನು ಪಡೆದಿದ್ದರು.
186 ರನ್‌ಗಳ ಗುರಿಯೊಂದಿಗೆ ಕಣಕ್ಕಿಳಿದ ಈಸ್ಟರ್ನ್ ಸ್ಟ್ರೋಮ್ಸ್ ಸೀನ್ ಹೊಡೆತಕ್ಕೆ ತತ್ತರಿಸಿ 65 ರನ್‌ಗಳಿಗೆ ಕುಸಿಯಿತು. ಇನ್ನೂ ಎರಡನೇ ಇನ್ನಿಂಗ್ಸ್‌ನಲ್ಲಿ ಸೀನ್ ವೈಟ್‌ಹೆಡ್ 12 ಓವರ್‌ಗಳಲ್ಲಿ 36 ರನ್ ನೀಡಿ 10 ವಿಕೆಟ್ ಪಡೆದರು . ಈ ಹತ್ತು ವಿಕೆಟ್‌ಗಳಲ್ಲಿ.. ಎರಡು ಸ್ಟಂಪ್‌ಗಳ ರೂಪದಲ್ಲಿ.. ಮೂರು ಎಲ್‌ ಬಿ ರೂಪದಲ್ಲಿ.. ನಾಲ್ಕು ಕ್ಯಾಚ್‌ಗಳ ರೂಪದಲ್ಲಿ.. ಮತ್ತೊಂದು ಕ್ಯಾಟ್ ಅಂಡ್‌ ಬೌಲ್ಡ್ ವಿಕೆಟ್ ಆಗಿದ್ದು..
ಒಟ್ಟಾರೆ ಎರಡು ಇನ್ನಿಂಗ್ಸ್‌ಗಳಲ್ಲಿ 15 ವಿಕೆಟ್‌ಗಳನ್ನು ಕಬಳಿಸಿದ ಸೀನ್, ಸೌತ್‌ವೆಸ್ಟರ್ನ್ ಡಿಸ್ಟ್ರಿಕ್ಟ್ 120 ರನ್‌ಗಳ ಬೃಹತ್ ಜಯದೊಂದಿಗೆ ಪಂದ್ಯವನ್ನು ಮುನ್ನಡೆಸಿದರು. ದಕ್ಷಿಣ ಆಫ್ರಿಕಾದ ದೇಶೀಯ ಕ್ರಿಕೆಟ್‌ನ ಇತಿಹಾಸದಲ್ಲಿ ಸೀನ್ ವೈಟ್‌ಹೆಡ್ ಅವರದು ಎರಡನೇ ಅತ್ಯುತ್ತಮ ಪ್ರದರ್ಶನ ಎಂದು ದಾಖಲಾಗಿದೆ.
1906 ರಲ್ಲಿ, ಲೆಗ್ ಸ್ಪಿನ್ನರ್ ಬರ್ಟ್ ವಾಗ್ಲರ್ ಒಂದು ಇನ್ನಿಂಗ್ಸ್‌ನಲ್ಲಿ 26 ರನ್‌ಗಳಿಗೆ 10 ವಿಕೆಟ್‌ಗಳನ್ನು ಪಡೆದಿದ್ದರು. ಹೊಸದಾಗಿ 115 ವರ್ಷಗಳ ನಂತರ, ಸೀನ್ ವೈಟ್ ಹೆಡ್ 10 ವಿಕೆಟ್‌ಗಳ ಅತ್ಯುತ್ತಮ ಪ್ರದರ್ಶನ ನೀಡಿರುವುದು ಮತ್ತೊಂದು ವಿಶೇಷ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.