ಐಪಿಎಲ್-2020: ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಆರ್ ಸಿಬಿ ನಾಯಕ ಕೊಹ್ಲಿ ವಿಶ್ವ ದಾಖಲೆ!

ಐಪಿಎಲ್-2020 ರ ಆರ್ ಸಿಬಿ- ಡೆಲ್ಲಿ ನಡುವೆ ಅ.06 ರಂದು ನಡೆದ ಪಂದ್ಯದಲ್ಲಿ ಆರ್ ಸಿಬಿ 59 ರನ್ ಗಳ ಸೋಲು ಕಂಡಿದೆ. ಈ ಮೂಲಕ ಈ ಐಪಿಎಲ್ ಆವೃತ್ತಿಯಲ್ಲಿ 2 ನೇ ಸೋಲು ದಾಖಲಿಸಿದೆ. 

ಸೋಲಿನ ನಡುವೆಯೂ ಆರ್ ಸಿಬಿ ನಾಯಕ ವಿರಾಟ್ ಕೊಹ್ಲಿ ವಿನೂತನ, ಹೊಸ ದಾಖಲೆಯೊಂದನ್ನು ನಿರ್ಮಿಸಿದ್ದಾರೆ. ಐಪಿಎಲ್ ಸೀಸನ್ ಪ್ರಾರಂಭವಾದಾಗಿನಿಂದಲೂ ಸಹ ಆರ್ ಬಿಐ ತಂಡಕ್ಕಾಗಿಯೇ ಆಡುತ್ತಿದ್ದು, ಐಪಿಎಲ್ ಪ್ರಾರಂಭವಾದಾಗಿನಿಂದಲೂ ಒಂದೇ ತಂಡಕ್ಕೆ ಆಡುತ್ತಿರುವ ದಾಖಲೆಯನ್ನು ವಿರಾಟ್ ಕೊಹ್ಲಿ ಬರೆದಿದ್ದಾರೆ 

ಡೆಲ್ಲಿ ತಂಡದ ವಿರುದ್ಧದ ಪಂದ್ಯದ ಮೂಲಕ ಕೊಹ್ಲಿ ಆರ್ ಸಿಬಿ ಪರ ತಮ್ಮ 197 ಪಂದ್ಯವನ್ನಾಡಿ ಸೋಮರ್‌ಸೆಟ್‌ನ ಜೇಮ್ಸ್ ಹಿಲ್ಡ್ರೆತ್ ಅವರ ದಾಖಲೆಯನ್ನು ಮುರಿದಿದ್ದಾರೆ.   

ಸರಾಸರಿ 37.77 ರಂತೆ ಕೊಹ್ಲಿ ಈ ವರೆಗೂ ಐಪಿಎಲ್ ನಲ್ಲಿ 5969 ರನ್ ಗಳನ್ನು ದಾಖಲಿಸಿದ್ದು 132 ಸ್ಟ್ರೈಕ್ ರೇಟ್ ನ್ನು ಹೊಂದಿದ್ದಾರೆ. 5 ಶತಕಗಳು, 39 ಅರ್ಧ ಶತಕ ದಾಖಲಿಸಿರುವ ಕೊಹ್ಲಿ ಐಪಿಎಲ್ ನ ಒಂದೇ ಸೀಸನ್ ನಲ್ಲಿ 900 ರನ್ ಗಳನ್ನು ಗಳಿಸಿರುವ ಏಕೈಕ ಆಟಗಾರನಾಗಿದ್ದಾರೆ.