ಆಪ್ತರ ಅಭಿಪ್ರಾಯಗಳಿಂದ ತಪ್ಪು ದಾರಿಗೆ ಹೋಗಿದ್ದೆ: ನಿಶ್ಚಿತಾರ್ಥ ಮುರಿದುಬಿದ್ದ ಕೆಲ ವಾರಗಳ ಬಳಿಕ ಒಂದಾದ ಕ್ರಿಕೆಟಿಗ ಪೃಥ್ವಿ ಶಾ- ಆಕೃತಿ ಅಗರ್ವಾಲ್!

ನವದೆಹಲಿ: ಕ್ರಿಕೆಟಿಗ ಪೃಥ್ವಿ ಶಾ ಮತ್ತು ಆಕೃತಿ ಅಗರ್ವಾಲ್ ನಿಶ್ಚಿತಾರ್ಥದ ನಾಲ್ಕೇ ತಿಂಗಳಲ್ಲಿ ಬೇರ್ಪಟ್ಟರೂ, ಪರಸ್ಪರ ಪ್ರೀತಿಸುತ್ತಿರುವುದಾಗಿ ಆಕೃತಿ ಬಹಿರಂಗಪಡಿಸಿದ್ದಾರೆ.

ತಮ್ಮ ಸಂಬಂಧದ ಕುರಿತು ಅಕೃತಿ ಅಗರವಾಲ್ ಇನ್‌ಸ್ಟಾಗ್ರಾಮ್‌ನಲ್ಲಿ ‘ವೈಯಕ್ತಿಕ ಸ್ಪಷ್ಟನೆ’ ಎಂಬ ಶೀರ್ಷಿಕೆಯ ಜೊತೆ ಪೋಸ್ಟ್ ಹಂಚಿಕೊಂಡಿದ್ದಾರೆ. ತಮ್ಮ ನಿರ್ಧಾರಕ್ಕೆ ಆಪ್ತರ ಅಭಿಪ್ರಾಯಗಳು ಕಾರಣವಾಗಿದ್ದವು ಎಂದು ತಿಳಿಸಿದ್ದಾರೆ.

ಕ್ರಿಕೆಟಿಗ ಪೃಥ್ವಿ ಶಾ ಅವರ ವೈಯಕ್ತಿಕ ಜೀವನದಲ್ಲಿ ಒಂದು ದೊಡ್ಡ ಬೆಳವಣಿಗೆ ನಡೆಯಿತು. ಪೃಥ್ವಿ ಶಾ ಮತ್ತು ಆಕೃತಿ ಅಗರ್ವಾಲ್ ಮಾರ್ಚ್ 8, 2026 ರಂದು ನಿಶ್ಚಿತಾರ್ಥ ಮಾಡಿಕೊಂಡರು. ಅದಾದ, ನಾಲ್ಕು ತಿಂಗಳೊಳಗೆ, ಅವರು ಪರಸ್ಪರ ಬೇರ್ಪಡಲು ನಿರ್ಧರಿಸಿದರು. ಆದರೆ ಈಗ ನಾವಿಬ್ಬರೂ ಇನ್ನು ಪ್ರೀತಿಸುತ್ತಿದ್ದೇವೆ ಎಂದು ನಿಶ್ಚಿತಾರ್ಥ ಮುರಿದು ಬಿದ್ದ ಬಗ್ಗೆ ಮೌನ ಮುರಿದಿದ್ದಾರೆ.

ಪೃಥ್ವಿ ಶಾ ಅವರೊಂದಿಗಿನ ನಿಶ್ಚಿತಾರ್ಥ ಮುರಿದುಬಿದ್ದ ನಂತರ ಆಕೃತಿ ತಮ್ಮ ಭಾವನೆಗಳನ್ನು ಅತ್ಯಂತ ಭಾವುಕತೆ ವ್ಯಕ್ತಪಡಿಸಿದ್ದಾರೆ. ಆ ಸಮಯದಲ್ಲಿ, ಇಬ್ಬರ ನಡುವೆ ಯಾವುದೇ ಜಗಳವಿರಲಿಲ್ಲ, ನಾವೂ ಇನ್ನೂ ಪರಸ್ಪರ ಪ್ರೀತಿಸುತ್ತಿದ್ದೇವೆ ಎಂದು ಅವರು ಹೇಳಿದ್ದಾರೆ.

ನಮ್ಮ ಸಂಬಂಧದ ಬಗ್ಗೆ ನಮಗಿಂತ ಹೆಚ್ಚು ತಿಳಿದವರಂತೆ ವರ್ತಿಸಿದ ನನ್ನ ಆಪ್ತರ ಅಭಿಪ್ರಾಯಗಳು ನಮ್ಮ ನಿಶ್ಚಿತಾರ್ಥವನ್ನು ಮುರಿದುಕೊಳ್ಳುವ ನಿರ್ಧಾರಕ್ಕೆ ಕಾರಣವಾಗಿದ್ದವು. ಅವರ ಮಾತುಗಳಿಂದ ನಾನು ತಪ್ಪು ದಾರಿಗೆ ಹೋಗಿದ್ದೆ ಎಂದು ಈಗ ಅನಿಸುತ್ತಿದೆ. ನಮ್ಮಿಬ್ಬರ ನಡುವೆ ಮುಕ್ತವಾಗಿ ಮಾತನಾಡುವ ಅವಕಾಶ ನೀಡದೆ ನಿರ್ಧಾರ ತೆಗೆದುಕೊಂಡಿದ್ದೆ ಎಂದು ಅಕೃತಿ ಬರೆದುಕೊಂಡಿದ್ದಾರೆ.

ಆ ನಿರ್ಧಾರದಿಂದ ಉಂಟಾದ ನೋವಿನ ಹೊಣೆಯನ್ನು ನಾನು ತೆಗೆದುಕೊಳ್ಳುತ್ತೇನೆ. ನಾವಿಬ್ಬರೂ ಮುಕ್ತವಾಗಿ ಮಾತನಾಡಿ, ಒಬ್ಬರನ್ನೊಬ್ಬರು ಅರ್ಥಮಾಡಿಕೊಂಡಿದ್ದೇವೆ. ಈಗ ಮತ್ತೆ ಒಟ್ಟಿಗೆ ಇರಲು ನಿರ್ಧರಿಸಿದ್ದೇವೆ. ನಮಗೆ ಒಬ್ಬರಿಗೊಬ್ಬರು ಸಾಕು. ನಮ್ಮ ಸಂಬಂಧಕ್ಕೆ ಬೇರೆಯವರ ಅಗತ್ಯವಿಲ್ಲ ಎಂದು ತಿಳಿಸಿದ್ದಾರೆ.

ನಾವು ಇನ್ನೂ ಒಬ್ಬರನ್ನೊಬ್ಬರು ಪ್ರೀತಿಸುತ್ತೇವೆ. ಎಲ್ಲವೂ ಚೆನ್ನಾಗಿದೆ. ಅವನು ತನ್ನ ಜೀವನದಲ್ಲಿ ಬಹಳ ದೂರ ಹೋಗಿ ಚೆನ್ನಾಗಿ ಆಡಬೇಕೆಂಬುದು ನನ್ನ ಒಂದೇ ಆಸೆ, ನಾನು ಅದನ್ನು ನೋಡಬೇಕು ಎಂದು ಪೃಥ್ವಿ ಶಾ ಬಗ್ಗೆ ಆಕೃತಿ ಅಗರ್ವಾಲ್ ಹೇಳಿದ್ದಾರೆ.

ಖ್ಯಾತಿಗಾಗಿ ನಾನು ಈ ರೀತಿ ಏನನ್ನೂ ಮಾಡಿಲ್ಲ. ನಾನೇ ನನ್ನ ಹೆಸರನ್ನು ಗಳಿಸಿಕೊಂಡೆ .ಜನರು ಇತರರ ಹಣವನ್ನು ನೋಡುವುದಿಲ್ಲ, ಅವರು ತಮ್ಮ ಪಾತ್ರ ನೋಡುತ್ತಾರೆ. ಜನರು ಕೇವಲ ಟ್ರೋಲ್ ಮಾಡುತ್ತಾರೆ. ಅವರು ನಿರೂಪಣೆಯನ್ನು ಹೊಂದಿಸುತ್ತಾರೆ. ಆದರೆ ಯಾರ ಇಮೇಜ್ ಅನ್ನು ಹಾಳುಮಾಡಲು ಸಾಧ್ಯವಿಲ್ಲ ಎಂದು ಆಕೃತಿ ಅಗರ್ವಾಲ್ ಹೇಳಿದರು.

ಪೃಥ್ವಿ ಶಾ ಪ್ರಸ್ತುತ ರಣಜಿ ಟ್ರೋಫಿಯಲ್ಲಿ ಮಹಾರಾಷ್ಟ್ರವನ್ನು ಮುನ್ನಡೆಸುತ್ತಿದ್ದಾರೆ ಮತ್ತು ಪೃಥ್ವಿ ತಮ್ಮ ಎಲ್ಲಾ ಕೋಪವನ್ನು ಹೊರಹಾಕಿದ್ದಾರೆ. ಪೃಥ್ವಿ 70 ರನ್‌ಗಳ ಬಿರುಗಾಳಿಯ ಇನ್ನಿಂಗ್ಸ್ ಗಳಿಸಿದರು. ಆದ್ದರಿಂದ ಈಗ ಪೃಥ್ವಿ ಮತ್ತೆ ಕ್ರಿಕೆಟ್‌ನತ್ತ ಗಮನ ಹರಿಸಲು ನಿರ್ಧರಿಸಿದ್ದಾರೆಂದು ತೋರುತ್ತದೆ.

ಈ ಜೋಡಿ ಮಾರ್ಚ್‌ನಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿತ್ತು. ಆದರೆ ಸೆಪ್ಟೆಂಬರ್‌ನಲ್ಲಿ ಅಕೃತಿ ತಮ್ಮ ಸಂಬಂಧ ಮುರಿದುಕೊಂಡಿರುವುದಾಗಿ ಘೋಷಿಸಿದ್ದರು. ಇದೀಗ ಮತ್ತೆ ಒಂದಾಗುವ ಮೂಲಕ ತಮ್ಮ ಸಂಬಂಧಕ್ಕೆ ಹೊಸ ಅವಕಾಶ ನೀಡಲು ನಿರ್ಧರಿಸಿದ್ದಾರೆ.