ಕೀಪರ್ ಆಗಿ ದೊಡ್ಡ ಬ್ಲಂಡರ್ ಮಾಡಿದ ರಿಷಬ್ ಪಂತ್, ಕಾಲೆಳೆದ ನೆಟಿಗರು, ವಿಡಿಯೋ ವೈರಲ್!

ರಾಜ್ ಕೋಟ್: ಕೀಪರ್ ಗೆ ಇರಬೇಕಾದ ಸಾಮಾನ್ಯ ಜ್ಞಾನವೂ ಇಲ್ಲದಂತೆ ಟೀಂ ಇಂಡಿಯಾದ ಯುವ ವೇಗಿ ರಿಷಬ್ ಪಂತ್ ದೊಡ್ಡ ಬ್ಲಂಡರ್ ವೊಂದನ್ನು ಮಾಡಿದ್ದು ನೆಟಿಗರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. 

ಬಾಂಗ್ಲಾದೇಶ ವಿರುದ್ಧದ ಪಂದ್ಯದಲ್ಲಿ ರಿಷಬ್ ಪಂತ್ ಬಾಂಗ್ಲಾದೇಶದ ಲಿಟನ್ ದಾಸ್ ರನ್ನು ಸ್ಟಂಪ್ ಔಟ್ ಮಾಡಿದ್ದರು. ಆದರೆ ಅಂಪೈರ್ ಗಳಿಗೆ ಕೊಂಚ ಅನುಮಾನ ಬಂದಿದ್ದರಿಂದ ತೀರ್ಪನ್ನು ಕಾಯ್ದಿರಿಸಿ, ರಿವ್ಯೂ ನೋಡಿದಾಗ ಪಂತ್ ವಿಕೆಟ್ ಗೂ ಮುಂದೆ ಚೆಂಡನ್ನು ಹಿಡಿದಿರುವುದು ಕಂಡು ಬಂದಿದ್ದು ಈ ಹಿನ್ನೆಲೆಯಲ್ಲಿ ಅಂಪೈರ್ ನಾಟೌಟ್ ಎಂದು ತೀರ್ಪು ನೀಡಿದರು. 

ಆತುರದಲ್ಲಿ ರಿಷಬ್ ಪಂತ್ ವಿಕೆಟ್ ಗೂ ಮುಂದೆ ಚೆಂಡನ್ನು ಹಿಡಿದಿದ್ದರು. ಇದನ್ನು ನೋಡಿದ ಯಜುವೇಂದ್ರ ಚಹಾಲ್ ಮತ್ತು ರೋಹಿತ್ ಶರ್ಮಾ ಬೇಸರಗೊಂಡಿದ್ದರು ಕಾರಣ ನಂತರ ಎರಡು ಎಸೆತದಲ್ಲಿ ಲಿಟನ್ ದಾಸ್ ಎರಡು ಬೌಂಡರಿ ಸಿಡಿಸಿದ್ದರು. 

ಇನ್ನು ರಿಷಬ್ ಪಂತ್ ರ ವಿರುದ್ಧ ಆಕ್ರೋಶಗೊಂಡಿರುವ ನೆಟಿಗರು ಹಾಸ್ಯಾತ್ಮಕ ಟ್ವೀಟ್ ಗಳನ್ನು ಮಾಡುತ್ತಾ ಕಾಲೆಳೆಯುತ್ತಿದ್ದಾರೆ.