ಪಾಕ್ ವಿರುದ್ಧವೂ ಅರ್ಧ ಶತಕ, ವಿಶ್ವದಾಖಲೆ ಬರೆದ 'ಸವ್ಯಸಾಚಿ', ಸಚಿನ್ ದಾಖಲೆಯೂ ಛಿದ್ರ!
ಹಾಲಿ ವಿಶ್ವಕಪ್ ಟೂರ್ನಿಯಲ್ಲಿ ಬಾಂಗ್ಲಾದೇಶ ಲೀಗ್ ಹಂತದಲ್ಲೇ ಹೊರಗೆ ಹೋಗಿರಬಹುದು, ಆದರೆ ಆ ತಂಡದ ಈ ಓರ್ವ ಆಟಗಾರ ಮಾತ್ರ ಚಾಂಪಿಯನ್ ತಂಡಗಳಿಗೂ ಸೆಡ್ಡು ಹೊಡೆದು ವಿಶ್ವ ದಾಖಲೆ ನಿರ್ಮಿಸಿದ್ದಾರೆ.
Published On :
ಲಂಡನ್: ಹಾಲಿ ವಿಶ್ವಕಪ್ ಟೂರ್ನಿಯಲ್ಲಿ ಬಾಂಗ್ಲಾದೇಶ ಲೀಗ್ ಹಂತದಲ್ಲೇ ಹೊರಗೆ ಹೋಗಿರಬಹುದು, ಆದರೆ ಆ ತಂಡದ ಈ ಓರ್ವ ಆಟಗಾರ ಮಾತ್ರ ಚಾಂಪಿಯನ್ ತಂಡಗಳಿಗೂ ಸೆಡ್ಡು ಹೊಡೆದು ವಿಶ್ವ ದಾಖಲೆ ನಿರ್ಮಿಸಿದ್ದಾರೆ.
ಹೌದು.. ಇಂದು ಲಾರ್ಡ್ಸ್ ನಲ್ಲಿ ನಡೆಯುತ್ತಿರುವ ಪಾಕಿಸ್ತಾನದ ವಿರುದ್ಧದ ಪಂದ್ಯದಲ್ಲೂ ಬಾಂಗ್ಲಾದೇಶದ ಸವ್ಯಸಾಚಿ ಬ್ಯಾಟ್ಸ್ ಮನ್ ಶಕೀಬ್ ಅಲ್ ಹಸನ್ ಅಬ್ಬರಿಸಿದ್ದು, ಅರ್ಧ ಶತಕ ಸಿಡಿಸಿದ್ದಾರೆ. ಒಟ್ಟು 77 ಎಸೆತಗಳಲ್ಲಿ ಆರು ಬೌಂಡರಿಗಳ ನೆರವಿನಿಂದ ಶಕೀಬ್ 64 ರನ್ ಸಿಡಿಸಿದ್ದಾರೆ. ಇದು ಹಾಲಿ ಟೂರ್ನಿಯಲ್ಲಿ ಅವರ 7ನೇ ಅರ್ಧಶತಕವಾಗಿದ್ದು, ಇದು ವಿಶ್ವಕಪ್ ಇತಿಹಾಸದಲ್ಲೇ ದಾಖಲೆ ನಿರ್ಮಿಸಿದೆ.
ವಿಶ್ವಕಪ್ ಟೂರ್ನಿಯಲ್ಲಿ ಬ್ಯಾಟ್ಸ್ ಮನ್ ಓರ್ವ ಇಷ್ಟು ಅರ್ಧಶತಕ ಸಿಡಿಸಿದ ಇತಿಹಾಸವೇ ಇಲ್ಲ.. ಈ ಹಿಂದೆ ಈ ದಾಖಲೆ ಭಾರತದ ಮಾಸ್ಚರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರ ಹೆಸರಿನಲ್ಲಿತ್ತು. ಸಚಿನ್ 2003ರ ವಿಶ್ವಕಪ್ ಟೂರ್ನಿಯಲ್ಲಿ 6 ಅರ್ಧಶತಕ ಸಿಡಿಸಿದ್ದರು. ಆದರೆ ಇದೀಗ ಈ ದಾಖಲೆಯನ್ನು ಶಕೀಬ್ ತಮ್ಮ ಏಳು ಅರ್ಧಶತಕಗಳ ಮೂಲಕ ಧೂಳಿಪಟ ಮಾಡಿದ್ದಾರೆ. ಅಂತೆಯೇ ತಮ್ಮ ಒಟ್ಟಾರೆ ವಿಶ್ವಕಪ್ ಟೂರ್ನಿಯಲ್ಲಿ ಶಕೀಬ್ ಒಟ್ಟು 11 ಅರ್ಧಶತಕ ಸಿಡಿಸಿದ್ದಾರೆ.
ರನ್ ಗಳಿಕೆಯಲ್ಲೂ ದಾಖಲೆ
ಇನ್ನು ವೈಯುಕ್ತಿಕ ರನ್ ಗಳಿಕೆಯಲ್ಲೂ ಶಕೀಬ್ ದಾಖಲೆ ನಿರ್ಮಿಸಿದ್ದು, ಪಾಕಿಸ್ತಾನದ ವಿರುದ್ಧದ 64ರನ್ ಗಳೂ ಸೇರಿದಂತೆ ಟೂರ್ನಿಯಲ್ಲಿ ಶಕೀಬ್ ಒಟ್ಟು 606 ರನ್ ಗಳಿಸಿದ್ದಾರೆ. ಅಲ್ಲದೆ ಬೌಲಿಂಗ್ ನಲ್ಲಿ ಒಟ್ಟು 11 ವಿಕೆಟ್ ಕಬಳಿಸಿದ್ದಾರೆ. ಆ ಮೂಲಕ ವಿಶ್ವಕಪ್ ಟೂರ್ನಿಯಲ್ಲಿ 600ಕ್ಕೂ ಹೆಚ್ಚು ರನ್ ಗಳಿಸಿ, 10ಕ್ಕೂ ಹೆಚ್ಚು ವಿಕೆಟ್ ಕಬಳಿಸಿದ ಏಕೈಕ ಆಲ್ರೌಂಡರ್ ಎಂಬ ಕೀರ್ತಿಗೂ ಶಕೀಬ್ ಪಾತ್ರರಾಗಿದ್ದಾರೆ. ಶಕೀಬ್ ಅವರ ಈ ಆಟಕ್ಕೆ ಐಸಿಸಿ ಕೂಡ ಮಾರು ಹೋಗಿದ್ದು, ಟ್ವಿಟರ್ ನಲ್ಲಿ ಕುರಿತಂತೆ ಸರಣಿ ಟ್ವೀಟ್ ಮಾಡಿ ಶ್ಲಾಘನೆ ವ್ಯಕ್ತಪಡಿಸಿದೆ.
Shakib Al Hasan at #CWC19
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Cricketಕ್ರಿಕೆಟ್Londonಲಂಡನ್Pakistanಪಾಕಿಸ್ತಾನಬಾಂಗ್ಲಾದೇಶBangladeshಶಕೀಬ್ ಅಲ್ ಹಸನ್ICC World Cup 2019ಐಸಿಸಿ ವಿಶ್ವಕಪ್ 2019Shakib al hassan
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.