ಮತ್ತೆ ವಿಲನ್ ಆಗ್ತಿದ್ರಾ ಮನೀಶ್ ಪಾಂಡೆ, ಸ್ವಲ್ಪ ಎಡವಿದ್ರೂ ಪಂದ್ಯ ಟೈ?: ಕೊನೆಯ ಓವರ್‌ನ ರೋಚಕ ವಿಡಿಯೋ!

ಚೆನ್ನೈ: ಪ್ರವಾಸಿ ವೆಸ್ಟ್ ಇಂಡೀಸ್ ವಿರುದ್ಧದ ಮೂರನೇ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ ರೋಚಕ ಗೆಲುವು ಸಾಧಿಸಿದೆ. ಇನ್ನು ಪಂದ್ಯದ ಕೊನೆಯ ಎಸೆತದಲ್ಲಿ ಮನೀಷ್ ಪಾಂಡೆ 1 ರನ್ ಬಾರಿಸಿ ತಂಡಕ್ಕೆ ಗೆಲುವು ತಂದುಕೊಟ್ಟರು. ಆದರೆ ಆ ಓವರ್ ನಲ್ಲಿ ಮನೀಶ್ ಸ್ವಲ್ಪ ಎಡವಿದ್ರೂ ಪಂದ್ಯ ಟೈ ಆಗುವ ಸಾಧ್ಯತೆ ಇತ್ತು. 

ಪ್ರವಾಸಿ ವೆಸ್ಟ್ ಇಂಡೀಸ್ ವಿರುದ್ಧದ ಪಂದ್ಯದಲ್ಲಿ ಟೀಂ ಇಂಡಿಯಾಗೆ ಕೊನೆಯ ಓವರ್ ನಲ್ಲಿ 6 ಎಸೆತದಲ್ಲಿ 5 ರನ್ ಬೇಕಿತ್ತು. ಆಗ ವಿಂಡೀಸ್ ಬೌಲರ್ ಅಲೇನ್ ಬೌಲಿಂಗ್ ಮಾಡಿದರು. ಮೊದಲ ಎಸೆತದಲ್ಲಿ ಶಿಖರ್ ಧವನ್ 2 ರನ್ ಬಾರಿಸಿದರು. 2ನೇ ಎಸೆತದಲ್ಲಿ ಧವನ್ 1 ರನ್ ಪಡೆದರು. ನಂತರದ ಎಸೆತದಲ್ಲಿ ಮನೀಶ್ ಸಹ 1 ರನ್ ಪಡೆದರು. ಅಲ್ಲಿಗೆ ಟೀಂ ಇಂಡಿಯಾ 181 ರನ್ ಗಳಿಸಿ ರನ್ ಸಮಗೊಳಿಸಿತ್ತು. ಇನ್ನು ಪಂದ್ಯ ಗೆಲ್ಲಲು 1 ರನ್ ಬಾಕಿ ಇತ್ತು. 3 ಎಸೆತ ಉಳಿದಿತ್ತು. 4ನೇ ಎಸೆತದಲ್ಲಿ ಧವನ್ ಯಾವುದೇ ರನ್ ಪಡೆಯಲ್ಲಿಲ್ಲ. 

ಕೊನೆಗೆ ಉಳಿದಿದ್ದು 2 ಎಸೆತ ಭಾರತ ಗೆಲುವಿಗೆ ಬೇಕಿದಿದ್ದು 1 ರನ್ ಮಾತ್ರ. 5ನೇ ಎಸೆತದಲ್ಲಿ ಧವನ್ ಬಿರುಸಾಗಿ ಹೊಡೆದರು. ಆದರೆ ಚೆಂಡು ನೇರವಾಗಿ ಪೊಲಾರ್ಡ್ ಕೈಸೇರಿ ಧವನ್ ಔಟಾದರು. ಇನ್ನು ಉಳಿದ ಕೊನೆಯ ಎಸೆತದಲ್ಲಿ ಗೆಲುವಿಗೆ 1 ರನ್ ಬೇಕಿತ್ತು. ಸ್ಟ್ರೈಕ್ ನಲ್ಲಿದ್ದದ್ದು ಮನೀಷ್ ಪಾಂಡೆ, ಮನೀಶ್ ಪಾಂಡೆ ಲೇಗ್ ಸೈಡ್ ನಲ್ಲಿ ಚೆಂಡನ್ನು ಬಾರಿಸಿದರು. ಆಗ ಬೌಲರ್ ಅಲೇನ್ ಚೆಂಡನ್ನು ಹಿಡಿಯಲು ಪ್ರಯತ್ನಿಸಿದರು. ಆದರೆ ಚೆಂಡು ಅಲೇನ್ ಕೈತಪ್ಪಿದ್ದರಿಂದ ಮನೀಷ್ ಪಾಂಡೆ ಸುಲಭವಾಗಿ 1 ರನ್ ಪಡೆದರು. ಇಲ್ಲದಿದ್ದರೆ ಪಂದ್ಯ ನಿಜಕ್ಕೂ ಟೈ ಆಗುವ ಸಾಧ್ಯತೆ ಇತ್ತು. 

ಚೆನ್ನೈನಲ್ಲಿ ನಡೆದ ಮೂರನೇ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ 6 ವಿಕೆಟ್ ಗಳಿಂದ ಭರ್ಜರಿ ಜಯ ಗಳಿಸಿದ್ದು 3-0 ಅಂತರದಿಂದ ಸರಣಿ ಕ್ಲೀನ್ ಸ್ವಿಪ್ ಮಾಡಿದೆ.