ಮಾನನಷ್ಟ ಪ್ರಕರಣದಲ್ಲಿ ಕ್ರಿಸ್ ಗೇಯ್ಲ್ ಗೆ ಜಯ, ವಿಂಡೀಸ್ ದೈತ್ಯ ಮಾಧ್ಯಮದಿಂದ ಭಾರಿ ಮೊತ್ತದ ಹಣ
ಮಸಾಜ್ ಥೆರಪಿಸ್ಟ್ ಮಾಡಿದ್ದ ಆರೋಪವನ್ನು ಆಧರಿಸಿ ಸುದ್ದಿ ಬಿತ್ತರಿಸಿದ್ದ ಸುದ್ದಿ ವಾಹಿನಿ ವಿರುದ್ಧದ ಮಾನನಷ್ಟ ಮೊಕದ್ದಮೆ ಪ್ರಕರಣದಲ್ಲಿ ವೆಸ್ಟ್ ಇಂಡೀಸ್ ದೈತ್ಯ ಬ್ಯಾಟ್ಸಮನ್ ಕ್ರಿಸ್ ಗೇಯ್ಲ್ ಜಯ ಸಾಧಿಸಿದ್ದು, ಸಂಸ್ಥೆಯಿಂದ ಭಾರಿ ಪ್ರಮಾಣದ ಮೊತ್ತವನ್ನು ದಂಡ ರೂಪದಲ್ಲಿ ಪಡೆಯಲಿದ್ದಾರೆ.
Published On :
ಸಿಡ್ನಿ: ಮಸಾಜ್ ಥೆರಪಿಸ್ಟ್ ಮಾಡಿದ್ದ ಆರೋಪವನ್ನು ಆಧರಿಸಿ ಸುದ್ದಿ ಬಿತ್ತರಿಸಿದ್ದ ಸುದ್ದಿ ವಾಹಿನಿ ವಿರುದ್ಧದ ಮಾನನಷ್ಟ ಮೊಕದ್ದಮೆ ಪ್ರಕರಣದಲ್ಲಿ ವೆಸ್ಟ್ ಇಂಡೀಸ್ ದೈತ್ಯ ಬ್ಯಾಟ್ಸಮನ್ ಕ್ರಿಸ್ ಗೇಯ್ಲ್ ಜಯ ಸಾಧಿಸಿದ್ದು, ಸಂಸ್ಥೆಯಿಂದ ಭಾರಿ ಪ್ರಮಾಣದ ಮೊತ್ತವನ್ನು ದಂಡ ರೂಪದಲ್ಲಿ ಪಡೆಯಲಿದ್ದಾರೆ.
ಹೌದು.. ಈ ಹಿಂದೆ 2015ರ ವಿಶ್ವಕಪ್ ಟೂರ್ನಿ ವೇಳೆ ಕ್ರಿಸ್ ಗೇಲ್ ತಮ್ಮ ಜೊತೆ ಅಸಭ್ಯವಾಗಿ ನಡೆದುಕೊಂಡಿದ್ದರು. ಡ್ರೆಸ್ಸಿಂಗ್ ರೂಂನಲ್ಲಿ ಗೇಲ್ ಟವಲ್ ಬಿಚ್ಚಿ ಮರ್ಮಾಂಗ ತೋರಿಸಿ ಲೈಂಗಿಕವಾಗಿ ಪ್ರಚೋದಿಸಿದ್ದರು ಎಂದು ಮಸಾಜ್ ಥೆರಪಿಸ್ಟ್ ಲಿಯಾನೆ ರಸಲ್ ಎನ್ನುವ ಮಹಿಳೆ ಗೇಲ್ ವಿರುದ್ಧ ದೂರು ದಾಖಲಿಸಿದ್ದರು. ಇದನ್ನ ಆಧರಿಸಿ ಫೇರ್ ಫ್ಯಾಕ್ಸ್ ಎನ್ನುವ ಸಂಸ್ಥೆ ಸುದ್ದಿ ಪ್ರಕಟಿಸಿತ್ತು. ಈ ಆರೋಪವನ್ನ ತಳ್ಳಿಹಾಕಿದ್ದ ಗೇಲ್, ಫೇರ್ ಫ್ಯಾಕ್ಸ್ ವಿರುದ್ಧ ಮಾನನಷ್ಟ ಮೊಕದ್ದಮೆ ಹೂಡಿದ್ದರು.
ಈ ವೇಳೆ ನಡೆದ ವಿಚಾರಣೆಗಳಲ್ಲಿ ಫೇರ್ ಫಾಕ್ಸ್ ಸಂಸ್ಥೆ ಕೋರ್ಟ್ಗೆ ಸರಿಯಾದ ಸಾಕ್ಷ್ಯಧಾರಗಳು ಸಲ್ಲಿಸಲು ವಿಫಲವಾಗಿದ್ದರಿಂದ ಕೋರ್ಟ್ ಗೇಲ್ಗೆ ಕ್ಲೀನ್ ಚಿಟ್ ನೀಡಿದೆ. ಅಲ್ಲದೇ ಸುದ್ದಿ ಸಂಸ್ಥೆಗೆ ಬರೊಬ್ಬರಿ 2,20,770 ಅಮೇರಿಕನ್ ಡಾಲರ್ ದಂಡ ವಿಧಿಸಿದೆ. ಇದರಿಂದ ಫೇರ್ಫ್ಯಾಕ್ಸ್ ಗೇಲ್ಗೆ ಸುಮಾರು 1 ಕೋಟಿ 50 ಲಕ್ಷಕ್ಕೂ ಹೆಚ್ಚಿನ ಮೊತ್ತ ನೀಡಬೇಕಾಗಿ ಬಂದಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Cricketಕ್ರಿಕೆಟ್Sydneyಸಿಡ್ನಿChris Gayleಕ್ರಿಸ್ ಗೇಯ್ಲ್ಮಾನನಷ್ಟ ಮೊಕದ್ದಮೆdefamation suitFairfax Mediaಫೇರ್ಫ್ಯಾಕ್ಸ್ ಮೀಡಿಯಾ
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.