ಟ್ವಿಟರ್ ನಲ್ಲಿ ಕೊಹ್ಲಿ ಗುಣಗಾನ ಮಾಡಿದ "ಕ್ರಿಕೆಟ್ ದೇವರು"

ಮೊಹಾಲಿ: ಭಾನುವಾರ ರಾತ್ರಿ ನಡೆದ ಭಾರತ ಮತ್ತು ಆಸ್ಟ್ರೇಲಿಯಾ ತಂಡಗಳ ನಡುವಿನ ಪಂದ್ಯದಲ್ಲಿ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನ ನೀಡಿದ ವಿರಾಟ್ ಕೊಹ್ಲಿ ವಿಶ್ವಾಗ್ಯಂತ ಅಭಿನಂದನೆಗಳ  ಮಹಾಪೂರವೇ ಹರಿದುಬರುತ್ತಿದೆ.

ಭಾರತದ ಮಾಜಿ ಕ್ರಿಕೆಟಿಗ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಕೊಹ್ಲಿ ಗುಣಗಾನ ಮಾಡಿದ್ದು, ಕೊಹ್ಲಿ ಬ್ಯಾಟಿಂಗ್ ಪಂದ್ಯದ  ವಿಶೇಷವಾಗಿತ್ತು. ಪಂದ್ಯ ರೋಚಕವಾಗಿತ್ತು ಎಂದು ಟ್ವೀಟ್  ಮಾಡಿದ್ದಾರೆ. ಅಂತೆಯೇ ಇಂಗ್ಲೆಂಡ್ ತಂಡದ ಮಾಜಿ ನಾಯಕ ಮೈಕಲ್ ವಾನ್ ಕೂಡ ಟ್ವೀಟ್ ಮಾಡಿ ಕೊಹ್ಲಿಗೆ ಅಭಿನಂದನೆ ಸಲ್ಲಿಸಿದ್ದು, ಈ ವರೆಗೂ ತಾವು ಕಂಡಿರುವ ಅತಿ ಉತ್ತಮ ರನ್  ಚೇಸರ್ ಗಳಲ್ಲಿ ಕೊಹ್ಲಿ ಶ್ರೇಷ್ಠ ಆಟಗಾರ ಎಂದು ಬಣ್ಣಿಸಿದ್ದಾರೆ.

ಇನ್ನು ಈ ಹಿಂದೆ ಟ್ವಿಟರ್ ನಲ್ಲಿ ಕೊಹ್ಲಿಗೆ ಟಾಂಗ್ ನೀಡಿದ್ದ ಆಸ್ಟ್ರೇಲಿಯಾ ತಂಡ ಆಟಗಾರ ಮಿಚೆಲ್ ಜಾನ್ಸನ್ ಕೂಡ ಕೊಹ್ಲಿ ಬ್ಯಾಟಿಂಗ್ ಕೊಂಡಾಡಿದ್ದು, ಕೊಹ್ಲಿ ಬ್ಯಾಟಿಂಗ್ ನಿಜಕ್ಕೂ  ಅತ್ಯುತ್ತಮವಾಗಿತ್ತು ಎಂದು ಹೇಳಿದ್ದಾರೆ.

ಕ್ರಿಕೆಟ್ ಜಗತ್ತಿನ ವಿವಿಧ ಗಣ್ಯರು ಮತ್ತು ಮಾಜಿ ಆಟಗಾರರು ಇಂಡೋ-ಆಸಿಸ್ ಪಂದ್ಯದ ಬಳಿಕ ಹಂಚಿಕೊಂಡಿರುವ ಪ್ರತಿಕ್ರಿಯೆಗಳು ಈ ರೀತಿ ಇವೆ.

Well to be fair, he definitely stepped it up for this T 20 World Cup. Too good in the end