ತಂಡದ ಬಸ್‌ಗೆ ತಡವಾಗಿ ಬಂದ ಆಟಗಾರರಿಗೆ 50 ಡಾಲರ್ ದಂಡ: ಅನಿಲ್ ಕುಂಬ್ಳೆ

ಮುಂಬೈ: ಟೀಂ ಇಂಡಿಯಾ ತಂಡದಲ್ಲಿ ಕೆಲ ಬದಲಾವಣೆಗಳಿಗೆ ಮುಂದಾಗಿರುವ ತಂಡದ ಮುಖ್ಯ ಕೋಚ್ ಅನಿಲ್ ಕುಂಬ್ಳೆ ಅವರು ಆಟಗಾರರಿಗೆ ಶಿಸ್ತಿನ ಪಾಠ ಹೇಳಲು ತೀರ್ಮಾನಿಸಿದ್ದು, ತಂಡದ ಬಸ್ ಗೆ ತಡವಾಗಿ ಬರುವವರು 50 ಡಾಲರ್ ದಂಡ ಪಾವತಿಸಬೇಕು ಎಂದು ಸೂಚಿಸಿದ್ದಾರೆ.

ಇನ್ನು ನಾಲ್ಕು ದಿನಗಳಿಗೊಮ್ಮೆ ಸಭೆ ನಡೆಯಲಿದ್ದು, ತಂಡದ ಯಾವುದೇ ಆಟಗಾರ ನನ್ನೊಂದಿಗೆ ಮಾತುಕತೆ ನಡೆಸಲು ಯಾವಾಗ ಬೇಕಾದರೂ ಬರಬಹುದು ಎಂದು ಆಟಗಾರರಿಗೆ ಸೂಚಿಸಿದ್ದಾರೆ.

ವೆಸ್ಟ್ ಇಂಡೀಸ್ ಪ್ರವಾಸದಲ್ಲಿರುವ ಯುವ ಆಟಗಾರರನ್ನೇ ಹೊಂದಿರುವ ಭಾರತ ತಂಡಕ್ಕೆ ಕುಂಬ್ಳೆ ತಮ್ಮ ಮೊದಲ ಸಭೆಯಲ್ಲೇ ಶಿಸ್ತಿನ ಪಾಠ ಹೇಳಿದ್ದಾರೆ. ಕುಂಬ್ಳೆ ಶಿಸ್ತಿನ ಪಾಠ ಹೇಳುವ ಜತೆಯಲ್ಲೇ ಪ್ರತಿಯೊಬ್ಬ ಆಟಗಾರರಿಗೂ ಸ್ವಾತಂತ್ರ್ಯ ನೀಡಿದ್ದಾರೆ ಎಂದು ಭಾರತ ಕ್ರಿಕೆಟ್ ತಂಡದ ಮೂಲಗಳು ತಿಳಿಸಿವೆ.