ಭರ್ಜರಿ ಓಪನಿಂಗ್ ಕಂಡರೂ ಬಾಕ್ಸ್ ಆಫೀಸ್‌ನಲ್ಲಿ ಮಂಕಾದ Toxic! ಥಿಯೇಟ್ರಿಕಲ್ ಪ್ರದರ್ಶನ ಮುಕ್ತಾಯಕ್ಕೆ ಮುನ್ನ, 1 ತಿಂಗಳಲ್ಲಿ Yash ಸಿನಿಮಾ ಗಳಿಸಿದ್ದೆಷ್ಟು?

ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಮತ್ತು ಗೀತು ಮೋಹನ್‌ದಾಸ್ ನಿರ್ದೇಶನದ ಬಹುನಿರೀಕ್ಷಿತ ಪ್ಯಾನ್-ಇಂಡಿಯಾ ಚಿತ್ರ ಟಾಕ್ಸಿಕ್: ಎ ಫೇರಿ ಟೇಲ್ ಫಾರ್ ಗ್ರೋನ್-ಅಪ್ಸ್ (Toxic) ಬಾಕ್ಸ್ ಆಫೀಸ್‌ನಲ್ಲಿ ತನ್ನ ಥಿಯೇಟ್ರಿಕಲ್ ಪ್ರದರ್ಶನವನ್ನು ಮುಕ್ತಾಯಗೊಳಿಸಿದೆ. ಆಗಸ್ಟ್ 26, 2026 ರಂದು ಬಿಡುಗಡೆಯಾಗಿದ್ದ ಈ ಚಿತ್ರವು ಆರಂಭಿಕ ದಿನಗಳಲ್ಲಿ ಭರ್ಜರಿ ಗಳಿಕೆ ಕಂಡರೂ, ಮಿಶ್ರ ಪ್ರತಿಕ್ರಿಯೆಗಳ ಕಾರಣದಿಂದ ನಂತರದ ದಿನಗಳಲ್ಲಿ ಕಲೆಕ್ಷನ್‌ನಲ್ಲಿ ಭಾರಿ ಕುಸಿತ ಕಂಡಿತು. ಹಾಗಾದ್ರೆ, ಟಾಕ್ಸಿಕ್’ ಸಿನಿಮಾ ಕೊನೆಯದಾಗಿ ಗಳಿಸಿದ್ದೆಷ್ಟು? ಇಲ್ಲಿದೆ ಕಲೆಕ್ಷನ್ ಕುರಿತ ವಿವರ:

ಟಾಕ್ಸಿಕ್ ಒಟ್ಟು ಕಲೆಕ್ಷನ್ ವಿವರ:

• ಭಾರತದಲ್ಲಿನ ಒಟ್ಟು ನೆಟ್ ಕಲೆಕ್ಷನ್: ₹250.06 ಕೋಟಿ

• ಭಾರತದಲ್ಲಿನ ಒಟ್ಟು ಗ್ರಾಸ್ ಕಲೆಕ್ಷನ್: ₹298.41 ಕೋಟಿ

• ವಿದೇಶಿ ಮಾರುಕಟ್ಟೆ ಗಳಿಕೆ: ₹43.75 ಕೋಟಿ

• ವಿಶ್ವದಾದ್ಯಂತ ಒಟ್ಟು ಗ್ರಾಸ್ ಕಲೆಕ್ಷನ್: ₹342.16 ಕೋಟಿ 

ಭಾಷಾವಾರು ಕಲೆಕ್ಷನ್:

• ಹಿಂದಿ ಆವೃತ್ತಿ: ₹137.00 ಕೋಟಿ

• ಕನ್ನಡ ಆವೃತ್ತಿ: ₹62.50 ಕೋಟಿ

• ತೆಲುಗು ಆವೃತ್ತಿ: ₹36.80 ಕೋಟಿ

• ತಮಿಳು ಆವೃತ್ತಿ: ₹11.20 ಕೋಟಿ

• ಮಲಯಾಳಂ ಆವೃತ್ತಿ: ₹2.56 ಕೋಟಿ

ಹಾಗಾದ್ರೆ, ಕಲೆಕ್ಷನ್ ಕಡಿಮೆಯಾಗಲು ಕಾರಣವೇನು?

ಚಿತ್ರ ಬಿಡುಗಡೆಯಾದ ಮೊದಲ ದಿನ ವಿಶ್ವಾದ್ಯಂತ ₹140 ಕೋಟಿ ಗ್ರಾಸ್ (ಭಾರತದಲ್ಲಿ ₹101.10 ಕೋಟಿ ನೆಟ್) ಗಳಿಸುವ ಮೂಲಕ ಅತ್ಯಂತ ಭರ್ಜರಿ ಓಪನಿಂಗ್ ಪಡೆದುಕೊಂಡಿತ್ತು. ಅದರಲ್ಲೂ, 2026ನೇ ಸಾಲಿನಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಟಾಪ್ 5 ಭಾರತೀಯ ಸಿನಿಮಾಗಳ ಪಟ್ಟಿಗೆ ಟಾಕ್ಸಿಕ್ ಚಿತ್ರ ಸೇರಿದೆಯಾದರೂ, ಚಿತ್ರಕ್ಕೆ ಸಿಕ್ಕ ನೆಗೆಟಿವ್ ರಿವ್ಯೂಗಳು ಹಾಗೂ ಭಾರಿ ಬಜೆಟ್‌ಗೆ ಹೋಲಿಸಿದರೆ ಥಿಯೇಟ್ರಿಕಲ್ ರನ್‌ನಲ್ಲಿ ಚಿತ್ರಕ್ಕೆ ದೊಡ್ಡ ಮಟ್ಟದ ನಷ್ಟವಾಗಿದೆ ಎಂದು ಟ್ರೇಡ್ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.