ನಾನು ವಿಫಲವಾಗಿದ್ದ ಸ್ಥಳದಲ್ಲೇ ನನ್ನನ್ನು ಸಾಬೀತುಪಡಿಸಲು ಹೊರಟಿದ್ದೇನೆ: ನಟ ರಾಜವರ್ದನ್

ರಾಜವರ್ಧನ್‌ಗೆ 2023 ವರ್ಷವು ಪ್ರವೀಣ್ ಅವ್ಯುಕ್ತ್ ನಿರ್ದೇಶನದ ಅವರ ಮುಂದಿನ ಚಿತ್ರ 'ಹಿರಣ್ಯ'ದ ಡಬ್ಬಿಂಗ್ ಕೆಲಸದೊಂದಿಗೆ ಪ್ರಾರಂಭವಾಗಿದೆ. ಈಮಧ್ಯೆ, ಅವರು ದತ್ತಾತ್ರೇಯ ನಿರ್ದೇಶನದ 'ಪ್ರಣಯಂ' ಬಿಡುಗಡೆಗೆ ಕಾಯುತ್ತಿದ್ದಾರೆ ಮತ್ತು ಸುನಿಲ್ ಕುಮಾರ್ ಅವರ 'ಗಜರಾಮ' ಚಿತ್ರದ ಚಿತ್ರೀಕರಣವನ್ನು ಈ ತಿಂಗಳ ಅಂತ್ಯದಿಂದ ಪುನರಾರಂಭಿಸಲು ಸಿದ್ಧರಾಗಿದ್ದಾರೆ.

'ಬಿಚ್ಚುಗತ್ತಿ ಚಾಪ್ಟರ್ 1 ರಂತಹ ಐತಿಹಾಸಿಕ ಸಿನಿಮಾದೊಂದಿಗೆ ನಾನು ಚೊಚ್ಚಲ ಪ್ರವೇಶ ಮಾಡಿದೆ. ಪ್ರಣಯಂ ಸಿನಿಮಾವು ಅದಕ್ಕೆ ಸಂಪೂರ್ಣವಾಗಿ ವ್ಯತಿರಿಕ್ತವಾಗಿದೆ ಮತ್ತು ಇದೊಂದು ರೊಮ್ಯಾಂಟಿಕ್ ಡ್ರಾಮಾ ಆಗಿದೆ. ಮತ್ತೊಂದೆಡೆ ಹಿರಣ್ಯ ಸಿನಿಮಾದಲ್ಲಿ ನಾನು ಮೊದಲ ಬಾರಿಗೆ ರೌಡಿಯಾಗಿ ನಟಿಸಿದ್ದೇನೆ ಮತ್ತು ಗಜರಾಮದಲ್ಲಿ ನಾನು ಪಕ್ಕದ ಮನೆಯ ಹುಡುಗನಾಗಿ ನಟಿಸಿದ್ದೇನೆ' ಎಂದು ರಾಜವರ್ದನ್ ಹಂಚಿಕೊಳ್ಳುತ್ತಾರೆ.

ಬಿಚ್ಚುಗತ್ತಿ ಚಾಪ್ಟರ್ 1ರ ನಂತರ ಇತರ ಪಾತ್ರಗಳಲ್ಲಿಯೂ ರಾಜವರ್ದನ್ ಅವರು ಸರಿಹೊಂದುವಂತೆ ನರ್ದೇಶಕರು ನೋಡುತ್ತಾರೆ ಮತ್ತು ಅವರು ಅಂತಿಮವಾಗಿ ಆ ಇಮೇಜ್ ಇಂದ ಹೊರಬಂದಿದ್ದಾರೆ. ಗಮನಾರ್ಹವೆಂದರೆ, ರಾಜವರ್ದನ್ ಒಂದೆರಡು ನಿರ್ದೇಶಕರ ಜೊತೆ ಚರ್ಚೆ ನಡೆಸುತ್ತಿದ್ದು, ಶೀಘ್ರದಲ್ಲೇ ಅಧಿಕೃತ ಘೋಷಣೆ ಮಾಡಲಿದ್ದಾರೆ. ಈ 2023ರ ಜನವರಿಯಲ್ಲಿ ಚಿತ್ರರಂಗದಲ್ಲಿ ತನ್ನ 10 ವರ್ಷಗಳ ಪ್ರಯಾಣವನ್ನು ಪೂರ್ಣಗೊಳಿಸಿದ ನಟ, ಇದು ಏರಿಳಿತಗಳಿಂದ ತುಂಬಿತ್ತು ಎಂದು ಹೇಳುತ್ತಾರೆ.

ಹಿರಿಯ ಹಾಸ್ಯನಟ ಡಿಂಗ್ರಿ ನಾಗರಾಜ್ ಅವರ ಮಗನಾಗಿದ್ದರೂ, ಮೊದಲ ಹೆಜ್ಜೆ ಇಡಲು ನಾನು ಸಾಕಷ್ಟು ಹೋರಾಡಿದೆ. ಅದು ಸುಲಭವಾಗಿ ಏರುವಂತಿರಲಿಲ್ಲ. ಈ ಪ್ರಕ್ರಿಯೆಯಲ್ಲಿ, ನಾನು ಸ್ಟಾರ್ ಮತ್ತು ಹಾಸ್ಯನಟನ ಮಗನ ನಡುವಿನ ವ್ಯತ್ಯಾಸವನ್ನು ಸಹ ಅರಿತುಕೊಂಡೆ ಎಂದು ಅವರು ಹೇಳುತ್ತಾರೆ.

ಲಲಿತಕಲಾ ವಿದ್ಯಾರ್ಥಿಯಾಗಿದ್ದ ರಾಜವರ್ಧನ್ ನಟನಾಗಿ ಚೊಚ್ಚಲ ಪ್ರವೇಶಕ್ಕೆ ಸರಿಯಾಗಿ ತರಬೇತಿ ಪಡೆದರು.

ಇದನ್ನೂ ಓದಿ: ಗಣೇಶ ಚತುರ್ಥಿಯಂದು ‘ಹಿರಣ್ಯ’ ಪೋಸ್ಟರ್ ರಿಲೀಸ್: ಮಾಸ್ ಲುಕ್ ನಲ್ಲಿ ರಾಜವರ್ಧನ್!

 'ನಾನು 2013ರಲ್ಲಿ ಸಿನಿಮಾಗಾಗಿ ತಯಾರಿ ಆರಂಭಿಸಿದೆ. ನಾನು ನೃತ್ಯ ಮತ್ತು ನಟನೆಯಲ್ಲಿ ತರಬೇತಿ ಪಡೆದೆ, ಪಾನಿ ಪುರಿ ಕಿಟ್ಟಿ ಅವರಿಂದ ಫಿಟ್ನೆಸ್ ತರಗತಿಗಳನ್ನು ಸಹ ತೆಗೆದುಕೊಂಡೆ. ದುರದೃಷ್ಟವಶಾತ್, 2014 ರಲ್ಲಿ ಘೋಷಿಸಲಾದ ನನ್ನ ಮೊದಲ ಚಿತ್ರವು ಅಡೆತಡೆಗಳನ್ನು ಎದುರಿಸಿತು ಮತ್ತು ಅದು ಒಪ್ಪಂದಕ್ಕೆ ಬರಲು ಸಮಯ ತೆಗೆದುಕೊಂಡಿತು ಎಂದು ಹೇಳಿದರು.

ಇದನ್ನೂ ಓದಿ:  'ಪ್ರಣಯಂ' ಮೂಲಕ ನೈನಾ ಗಂಗೂಲಿ ಸ್ಯಾಂಡಲ್ ವುಡ್ ಪ್ರವೇಶ; ರಾಜವರ್ಧನ್ ಗೆ ನಾಯಕಿ

ಅಂತಿಮವಾಗಿ 6 ​​ವರ್ಷಗಳ ನಂತರ, ನಾನು 2020 ರಲ್ಲಿ ಬಿಚ್ಚುಗತ್ತಿ ಚಾಪ್ಟರ್  ಮೂಲಕ ಪದಾರ್ಪಣೆ ಮಾಡಿದೆ. ಸಿನೆಮಾ ಒಂದು ಅನಿರೀಕ್ಷಿತ ಪ್ರಯಾಣ ಎನ್ನುವ ಅವರು, ನಾನು ನಕ್ಷತ್ರಗಳನ್ನು ತಲುಪಲು ಕನಸು ಕಂಡೆ, ಆದರೆ ವಾಸ್ತವವನ್ನು ಅರ್ಥಮಾಡಿಕೊಳ್ಳಲು ನನಗೆ ಸಮಯ ಹಿಡಿಯಿತು. ಅದೇನೇ ಇದ್ದರೂ, ಭರವಸೆಯನ್ನು ಕಳೆದುಕೊಂಡಿಲ್ಲ ಮತ್ತು ಅಂತಿಮವಾಗಿ ತನಗೆ ಅನುಕೂಲಕರವಾಗುತ್ತಿವೆ. ನಾನು ವಿಫಲವಾದ ಸ್ಥಳದಲ್ಲೇ ನನ್ನನ್ನು ಸಾಬೀತುಪಡಿಸಲು ಹೊರಟಿದ್ದೇನೆ! ಎಂದು ತಿಳಿಸಿದರು.