'ಟಾಮ್ ಅಂಡ್ ಜೆರ್ರಿ' ನಾಯಕಿ ಪಾತ್ರ ನಿಜಜೀವನದಲ್ಲಿ ನನ್ನನ್ನು ಹೋಲುತ್ತದೆ: ಚೈತ್ರಾ ರಾವ್

ಬೆಂಗಳೂರು: ರಾಘವ್ ವಿನಯ್ ಶಿವಗಂಗೆ ನಿರ್ದೇಶನದ ಹೊಸ ಕನ್ನಡ ಸಿನಿಮಾ ಟಾಮ್ ಅಂಡ್ ಜೆರ್ರಿ ನಾಯಕಿ ಚೈತ್ರಾ ರಾವ್ ಅವರು ತಮ್ಮ ಪಾತ್ರ ನಿಜ ಜೀವನಕ್ಕೆ ಹತ್ತಿರವಾಗಿದೆ ಎಂದಿದ್ದಾರೆ. ಫ್ರೆಂಡ್ ಶಿಪ್ ಕುರಿತಾದ ಈ ಸಿನಿಮಾಗೆ ಟಾಂ ಅಂಡ್ ಜೆರ್ರಿ ಎನ್ನುವ ಹೆಸರೇ ಸೂಕ್ತ ಎಂಬ ನಿರ್ಧಾರಕ್ಕೆ ಬಂದಿದ್ದು ನಿರ್ದೇಶಕ ರಾಘವ್ ವಿನಯ್ ಶಿವಗಂಗೆ. 

ಇದನ್ನೂ ಓದಿ: ನಕ್ಕು ನಗಿಸಲು ನವೆಂಬರ್ 12ಕ್ಕೆ ಬರ್ತಿದ್ದಾರೆ 'ಟಾಮ್ ಅಂಡ್ ಜೆರಿ'!

ಕಿರುತೆರೆಯಲ್ಲಿ ಹೆಸರು ಮಾಡಿದ್ದ ಚೈತ್ರಾ ರಾವ್ 2016ರಲ್ಲಿ ತೆರೆಕಂಡಿದ್ದ ಮಾಯಾಬಜಾರ್ ಸಿನಿಮಾ ಮೂಲಕ ಬೆಳ್ಳಿತೆರೆಗೆ ಪಾದಾರ್ಪಣೆ ಮಾಡಿದ್ದರು. ಆ ಸಿನಿಮಾದಲ್ಲಿ ವಸಿಷ್ಠ ಸಿಂಹ ಅವರ ಜೋಡಿಯಾಗಿ ಚೈತ್ರಾ ರಾವ್ ನೀಡಿದ್ದ ಅಭಿನಯ ಪ್ರೇಕ್ಷಕರ ಮನಸೂರೆಗೊಂಡಿತ್ತು.

ಇದನ್ನೂ ಓದಿ: 'ಟಾಮ್ ಅಂಡ್ ಜೆರಿ' ಕನ್ನಡ ಹಾಡಿಗೆ ಸಿಡ್ ಶ್ರೀರಾಮ್ ದನಿ!

ಇದೀಗ ಟಾಮ್ ಅಂಡ್ ಜೆರ್ರಿ ಮೂಲಕ ಹೀರೊಯಿನ್ ಆಗಿರುವ ಚತ್ರಾ ರಾವ್ ತಮ್ಮ ಪಾತ್ರದ ಕುರಿತು ಮಾಹಿತಿ ಹಂಚಿಕೊಂಡಿದ್ದಾರೆ. ಸತ್ಯಾ ಎನ್ನುವ ಹೆಸರಿನ ಪಾತ್ರವನ್ನು ನಿರ್ವಹಿಸುತ್ತಿರುವ ಚೈತ್ರಾ, ಆ ಪಾತ್ರ ಸ್ವೇಚ್ಛೆಯನ್ನು ಇಷ್ಟಪಡುವ, ಸ್ವತಂತ್ರವಾಗಿರಲು ಬಯಸುತ್ತದೆ ಎಂದಿದ್ದಾರೆ. 

ಸಮಾಜದ ಕಟ್ಟುಪಾಡುಗಳು ಅವಳಿಗಿಷ್ಟವಾಗದು. ಅದು ಕಾಲ್ಪನಿಕ ಪಾತ್ರವಾದರೂ ಅನೇಕ ವಿಧಗಳಲ್ಲಿ ಆ ಪಾತ್ರ ತನ್ನನ್ನೇ ಹೋಲುತ್ತದೆ ಎನ್ನುವುದು ಅವರ ನಂಬಿಕೆ. ರಾಜು ಶೇರೆಗಾರ್ ನಿರ್ಮಾಣ ಮಾಡುತ್ತಿರುವ ಈ ಸಿನಿಮಾದಲ್ಲಿ ಗಂಟು ಮೂಟೆ ಸಿನಿಮಾ ಖ್ಯಾತಿಯ ನಿಶ್ಚಿತ್ ನಾಯಕರಾಗಿ ನಟಿಸಿದ್ದಾರೆ. ಟಾಮ್ ಅಂಡ್ ಜೆರ್ರಿ ಸಿನಿಮಾ ನವೆಂಬರ್ 12ರಂದು ತೆರೆ ಕಾಣುತ್ತಿದೆ. 

ಇದನ್ನೂ ಓದಿ: ಶರಣ್-ಸುನಿ ಕಾಂಬಿನೇಷನ್ ನ 'ಅವತಾರ ಪುರುಷ' ಬಿಡುಗಡೆ ದಿನಾಂಕ ಫಿಕ್ಸ್!