ಮಹಿಳಾ ಕೇಂದ್ರಿತ ಕಥಾನಕ 'ಓಂ ಪ್ರೇಮ' ಮೂಲಕ ಹರ್ಷಿಕಾ ಪೂಣಚ್ಚ ಮತ್ತೆ ಬೆಳ್ಳಿತೆರೆಗೆ

ಅಡವಿಬಾವಿ ಶರಣ್ ನಿರ್ದೇಶನದ "ಓಂ ಪ್ರೇಮ" ಎಂಬ ಚಿತ್ರದೊಡನೆ ಹರ್ಷಿಕಾ ಪೂಣಚ್ಚ ಮತ್ತೆ ಸ್ಯಾಂಡಲ್ ವುಡ್ ಗೆ ಮರಳುತ್ತಿದ್ದಾರೆ. ಈ ಚಿತ್ರದಲ್ಲಿ ಮಹಿಳಾ ಪ್ರಧಾನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವ  ನಟಿ ಈ ಹಿಂದೆ "ಚಿಟ್ಟೆ" ಚಿತ್ರದಲ್ಲಿ ಪೂರ್ಣ ಪ್ರಮಾಣದಲ್ಲಿ ನಾಯಕಿಯಾಗಿ ಕಾಣಿಸಿದ್ದರು. ಅಲ್ಲದೆ  2019 ರಲ್ಲಿ ಬಿಡುಗಡೆಯಾದ ಸುನೀಲ್ ಕುಮಾರ್ ದೇಸಾಯಿ ನಿರ್ದೇಶನದ "ಉದ್ಘರ್ಷ"ದ ಭಾಗವಾಗಿದ್ದರು.

ಆರ್.ಆರ್. ಖುಷಿ ಎಂಟರ್‌ಟೈನ್‌ಮೆಂಟ್ ಪ್ರಸ್ತುತಪಡಿಸುತ್ತಿರುವ ರಾಮ್ ಪ್ರೀತ್ ನಿರ್ಮಿಸಿದ ಈ ಚಿತ್ರದಲ್ಲಿ ಕ್ವಾಟ್ಲ್ ಖ್ಯಾತಿಯ ಪಾರ್ಥ ಕೂಡನಟಿಸಿದ್ದಾರೆ.

ಶೇಕಡಾ 40 ರಷ್ಟು ಚಿತ್ರೀಕರಣ ಪೂರ್ಣಗೊಳಿಸಿರುವ ತಂಡ ಹರ್ಷಿಕಾ ಪೂಣಚ್ಚ ಅವರೊಂದಿಗೆ ಮಾತುಕತೆ ನಡೆಸಿದ್ದು, ಲಾಕ್‌ಡೌನ್ ಅವಧಿಯಲ್ಲಿ ಒಪ್ಪಂದವು ಅಂತಿಮಗೊಂಡಿದೆ."ನಾವು ಈಗ ಶೂಟಿಂಗ್ ಪುನರಾರಂಭಿಸಲು ತಯಾರಾಗುತ್ತಿದ್ದೇವೆ ಈ ಶೆಡ್ಯೂಲ್ ಹೆಚ್ಚಾಗಿ ಹರ್ಷಿಕಾಅವರ ಪಾತ್ರದ ಕುರಿತಾಗಿರಲಿದೆ. " ಎಂದು ನಿರ್ದೇಶಕ ಹೇಳಿದ್ದಾರೆ.

"ಓಂ ಪ್ರೇಮ" ಚಿತ್ರಕ್ಕೆ ಗೌಸ್ ಪೀರ್ ಸಂಭಾಷಣೆ, ಜಾಸ್ಸಿ ಗಿಫ್ಟ್ ಸಂಗೀತವಿದೆ. ಛಾಯಾಗ್ರಾಹಕರಾಗಿ ನಂದ ಕಿಶೋರ್ ಹಾಗೂ  ಕೆಜಿಎಫ್ ಖ್ಯಾತಿಯ ಶ್ರೀಕಾಂತ್ ಸಂಕಲನ ಈ ಚಿತ್ರಕ್ಕಿದೆ. ಡ್ಯಾನಿ ಕುಟ್ಟಪ್ಪಚಿತ್ರದ ಪ್ರಮುಖ ಪಾತ್ರವೊಂದರಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.