ನಿಖಿಲ್ ಕುಮಾರಸ್ವಾಮಿ ಲವ್ ಸ್ಟೋರಿಗೆ ಆ್ಯಕ್ಷನ್-ಕಟ್ ಹೇಳಲಿದ್ದಾರೆ ಎ.ಪಿ. ಅರ್ಜುನ್

ಲವ್ ಸ್ಟೋರಿಗಳನ್ನು ಚೆಂದವಾಗಿ ಹೇಳಿ ಗೆಲ್ಲೋ ಎ.ಪಿ.ಅರ್ಜುನ್, ಈಗಾಗಲೇ ಕಿಸ್ ಚಿತ್ರದ ಗುಂಗಿನಿಂದ ಹೊರಬಂದು ಅದ್ದೂರಿ ಲವರ್ ಬೆನ್ನು ಹತ್ತಿದ್ದಾರೆ. ಅದ್ಧೂರಿ ಲವರ್ ಶೂಟಿಂಗ್ ನಡೆಯುತ್ತಿರುವಾಗಲೇ ಮತ್ತೊಂದು ಹೊಸ ಚಿತ್ರಕ್ಕೆ ಕೈ ಹಾಕಿದ್ದಾರೆ. ಆ ಚಿತ್ರಕ್ಕೆ ನಿಖಿಲ್ ಕುಮಾರಸ್ವಾಮಿ ನಾಯಕನಾಗಿರಲಿದ್ದಾರೆ.

ಅರ್ಜುನ್ ನಿರ್ದೇಶನದ ಈ ಸಿನಿಮಾ ಮುಂದಿನ ವರ್ಷದ ಮೇ ಅಥವಾ ಜೂನ್ ತಿಂಗಳಲ್ಲಿ ಸೆಟ್ಟೇರಲಿದೆ, ನಿರ್ದೇಶಕ ಅರ್ಜುನ್ ಅವರ ಆರನೇ ಸಿನಿಮಾ ಇದಾಗಿದೆ.

ಅಂಬಾರಿ, ಅದ್ದೂರಿ, ಐರಾವತ ದಂತಹ ಪ್ರೇಮಕಥೆಗಳನ್ನು ನಿರ್ದೇಶಿಸಿರುವ ಅರ್ಜುನ್ ಕಿಸ್ ಸಿನಿಮಾ ಹೀರೋ ಅರ್ಜನ್ ಜೊತೆ ಮತ್ತೊಂದು ಸಿನಿಮಾ ಮಾಡುತ್ತಿದ್ದಾರೆ.

ಕಿರುತೆರೆಯಿಂದ ಬೆಳ್ಳಿತೆರೆಗೆ ಹಾರಿರುವ ವಿರಾಟ್ ಕಿಸ್ ಮೂಲಕ ಸಿನಿಮಾ ರಂಗ ಪ್ರವೇಶಿಸಿದರು, ಶ್ರೀಲೀಲಾ ಕೂಡ ಕಿಸ್ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. 

ನಿರ್ಮಾಪಕ ಮತ್ತು ನಿರ್ದೇಶಕರ ಅಧಿಕೃತ ಘೋಷಣೆ ಆಗಬೇಕಿದೆ, ವಿರಾಟ್ ಜೊತೆಗಿನ ಮುಂದಿನ ಸಿನಿಮಾ ಶೂಟಿಂಗ್ ಜನವರಿ ನಾಲ್ಕನೇ ವಾರದಲ್ಲಿ ಆರಂಭವಾಗುವ ಸಾಧ್ಯತೆಯಿದೆ.