ಸಲ್ಮಾನ್ ಖಾನ್ ಅಭಿನಯದ ದಬಾಂಗ್-3: ಮೇ ಮೊದಲ ವಾರದಿಂದ ಶೂಟಿಂಗ್ ನಲ್ಲಿ ಸುದೀಪ್ ಭಾಗಿ

ಬೆಂಗಳೂರು: ಪ್ರಭುದೇವ ನಿರ್ದೇಶನದ  ಬಾಲಿವುಡ್  ನಟ ಸಲ್ಮಾನ್ ಖಾನ್ ಅಭಿನಯದ ದಬಾಂಗ್-3   ಚಿತ್ರದ ಚಿತ್ರೀಕರಣ ಇಂದೋರ್ ನಲ್ಲಿ ಇಂದಿನಿಂದ ಆರಂಭವಾಗುತ್ತಿದ್ದು, ಮೇ  ಮೊದಲ ವಾರದಿಂದ  ಕಿಚ್ಚ ಸುದೀಪ್ ಕೂಡಾ ಚಿತ್ರತಂಡವನ್ನು ಸೇರಿಕೊಳ್ಳಲಿದ್ದಾರೆ.

ಪೊಂಕ್, ರಣ್, ಮತ್ತು ರಕ್ತ ಚರಿತ್ರ ಚಿತ್ರಗಳಲ್ಲಿ ಅಭಿನಯದ ಮೂಲಕ ಬಾಲಿವುಡ್ ನಲ್ಲಿ ಹೆಸರಾಗಿರುವ ಕಿಚ್ಚ ಸುದೀಪ್ ದಬಾಂಗ್ -3ರಲ್ಲಿ ವಿಲಾನ್ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಸುದೀಪ್ ಅಭಿನಯದ ತೆಲುಗು ಚಿತ್ರ ಈಗಾ ಹಿಂದಿಯಲ್ಲಿ ಮಕ್ಕಿ ಚಿತ್ರವಾಗಿ ಬಿಡುಗಡೆಯಾಗಿತ್ತು. ದಶಕದ ನಂತರ ಸುದೀಪ್ ಮತ್ತೆ ಬಾಲಿವುಡ್ ನಲ್ಲಿ ಅಭಿನಯಿಸುತ್ತದ್ದಾರೆ. ಸಲ್ಮಾನ್ ಖಾನ್ ಕೂಡಾ ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ಮೂಲಕ ಈ  ಚಿತ್ರದ ಬಗ್ಗೆ  ವಿಷಯವನ್ನು ಹಂಚಿಕೊಂಡಿದ್ದಾರೆ.

 ದಬಾಂಗ್ -3 ಚಿತ್ರದ ಚಿತ್ರೀಕರಣಕ್ಕಾಗಿ ತಮ್ಮ ಹುಟ್ಟೂರು ಇಂದೋರ್ ನ ಮಂಡಲೇಶ್ವರ  ಹಾಗೂ ಮಹೇಶ್ವರ ನಗರಕ್ಕೆ  ಸಹೋದರ್ ಅರ್ಬಾಜ್ ಖಾನ್  ಜೊತೆ ಬಂದಿಳಿದಿರುವುದಾಗಿ ಸಲ್ಮಾನ್ ಖಾನ್ ತಿಳಿಸಿದ್ದಾರೆ