ಮಹತ್ವಾಕಾಂಕ್ಷೆಯ ನಟಿ ಮೇಘನಾ ರಾಜ್

ಬೆಂಗಳೂರು: ಮೇಘನಾ ರಾಜ್ ಮುಂದಿನ ಚಿತ್ರಗಳಲ್ಲಿ ಭಿನ್ನ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ವೃತ್ತಿರಂಗದಲ್ಲಿ ಉತ್ತಮ ಸ್ಥಾನ ಪಡೆದಿದ್ದಾರೆ.

ಮುನಿರತ್ನ ನಿರ್ಮಾಣದ ಕುರುಕ್ಷೇತ್ರ ಚಿತ್ರದಲ್ಲಿ ಬಾನುಮತಿ  ಪಾತ್ರ ನಿರ್ವಹಿಸುತ್ತಿದ್ದು, ಮುಸ್ಸಂಜೆ ಮಹೇಶ್ ನಿರ್ದೇಶನದ ಥ್ರಿಲ್ಲರ್ ಚಿತ್ರ ಎಂಎಂಸಿಹೆಚ್ ಚಿತ್ರದಲ್ಲೂ ಅಭಿನಯಿಸುತ್ತಿದ್ದಾರೆ. ಇವುಗಳೊಂದಿಗೆ  ಇರುವುದೆಲ್ಲಾ ಬಿಟ್ಟು ಚಿತ್ರದ ಬಗ್ಗೆಯೂ ಹೆಚ್ಚಿನ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ.ಕಾಂತಾ ಕನ್ನಹಳ್ಳಿ  ಈ  ಚಿತ್ರ ನಿರ್ದೇಶಿಸುತ್ತಿದ್ದು, ಎಲ್ಲ  ನಟಿಯರ ಕನಸಿನ ಪಾತ್ರವೊಂದರಲ್ಲಿ ಅಭಿನಯಿಸುತ್ತಿರುವುದಾಗಿ ಮೇಘನಾ ರಾಜ್  ಹೇಳಿದ್ದಾರೆ.

ಚಿತ್ರದ ದ್ವಿತೀಯ ಹಂತದ ಶೂಟಿಂಗ್ ನಲ್ಲಿ ತೊಡಗಿಸಿಕೊಂಡಿದ್ದು, ಕಾರ್ಪೋರೇಟ್ ಪ್ರಪಂಚದಲ್ಲಿ ಆಧುನಿಕ ಮಹಿಳೆಯನ್ನು ಕುರಿತ ಚಿತ್ರ ಇದಾಗಿದೆ. ಇವುಗಳ ಮಧ್ಯೆ  ಪ್ರೀತಿ , ಸಂಬಂಧವನ್ನು ಆಕೆ ಹೇಗೆ ನಿಭಾಯಿಸುತ್ತಾಳೆ ಎಂಬುದು ಈ ಚಿತ್ರದ ತಿರುಳಾಗಿದ್ದು, ಈ ಪಾತ್ರವನ್ನು ತಾನೂ ನಿರ್ವಹಿಸುತ್ತಿದ್ದು, ಪಾತ್ರ ಅಚ್ಚುಕಟ್ಟಾಗಿ ಮೂಡಿಬರಲು  ಸಾಧ್ಯವಾದಷ್ಟು ಎಲ್ಲಾ ಪ್ರಯತ್ನ ಮಾಡುತ್ತಿರುವುದಾಗಿ ಹೇಳುವ ಮೇಘನಾ ರಾಜ್, ಇಂದಿನ ಪೀಳಿಗೆಯ ಮಹಿಳೆಯರ ಮೇಲೆ ಈ ಚಿತ್ರ ಪರಿಣಾಮ ಬೀರಲಿದೆ ಎನ್ನುತ್ತಾರೆ.

ನಕಾರಾತ್ಮಕ ಪಾತ್ರಗಳನ್ನು ನೋಡಲು ಜನರು ಹೆಚ್ಚು ಇಷ್ಟಪಡುತ್ತಾರೆ. ಇಂತಹ ಮನೋಭಾವದಿಂದಲೇ ಅಂತಹ ಪಾತ್ರಗಳನ್ನು ನಿಬಾಯಿಸಬೇಕೆಂಬ ಆಸಕ್ತಿ ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗುತ್ತಿದೆ ಎಂದು ಮೇಘನಾ ರಾಜ್  ಹೇಳುತ್ತಾರೆ.

 ತೀರ್ಥಹಳ್ಳಿ, ಕೊಪ್ಪ, ಕುಂದಾಪುರದಲ್ಲಿ ಈಗಾಗಲೇ ಶೂಟಿಂಗ್ ನಡೆಯುತ್ತಿದ್ದು, ನಂತರ ಬೆಂಗಳೂರು ಹಾಗೂ ಊಟಿಯಲ್ಲಿ ಚಿತ್ರೀಕರಣ ಸಾಗಲಿದೆ. ತಿಲಕ್ ಹಾಗೂ ಮಹದೇವ್ ಈ ಚಿತ್ರದ ನಿರ್ಮಾಪಕರಾಗಿದ್ದು,  ಶ್ರೀಧರ್ ವಿ ಸಂಭ್ರಮ್ ಸಂಗೀತ ನಿರ್ದೇಶನ ಮಾಡುತ್ತಿದ್ದಾರೆ. ರಂಗೀತರಂಗ ಖ್ಯಾತಿಯ ವಿಲಿಯಂ ಡೇವಿಡ್  ಅವರ ಛಾಯಾಗ್ರಹಣವಿದೆ.