'ಗರ್ಲ್ ನಾಟ್ ಎ ಸಿನ್' ಹೊಸ ಮ್ಯೂಸಿಕ್ ವಿಡಿಯೋದಲ್ಲಿ ನಟಿ ಮಯೂರಿ

ಬೆಂಗಳೂರು: ನಟಿ ಮಯೂರಿ ಕ್ಯಾತರಿ ಮೊದಲ ಮ್ಯೂಸಿಕ್ ವಿಡಿಯೋ ಟ್ರೇಲರ್ ರಿಲೀಸ್ ಆಗಿದ್ದು, ಹಾಡು ಒಂದು ವಾರದ ನಂತರ ಬಿಡುಗಡೆಯಾಗಲಿದೆ. ಗರ್ಲ್ ನಾಟ್ ಎ ಸಿನ್ ಎಂಬ ಮ್ಯೂಸಿಕ್ ವಿಡಿಯೋದಲ್ಲಿ ನಟಿಸಿದ್ದಾರೆ.

ಈ ಹಾಡಿನ್ನು ಅಬೇ ಛಾಜಡ್ ಬರೆದು ಅವರೆ ಸಂಗೀತ ಸಂಯೋಜಿಸಿದ್ದಾರೆ. ಪ್ರತಿನಿತ್ಯ ಹೆಣ್ಣು ಮಕ್ಕಳಿಗೆ ವಿಧಿಸುವ ನಿರ್ಬಂಧಗಳ ಬಗ್ಗೆ ಇದರಲ್ಲಿ ಹೇಳಲಾಗಿದೆ, ಇದು ನನಗೆ ತುಂಬಾ ಹತ್ತಿರವಾಗಿದ್ದು, ಸಮಾಜಕ್ಕೆ ಸಂದೇಶ ನೀಡಲಿದೆ ಎಂದು ಮಯೂರಿ ಹೇಳಿದ್ದಾರೆ.

ತನ್ನ ಮೊದಲ ಮ್ಯೂಸಿಕ್ ವಿಡಿಯೋವನ್ನು ಎಲ್ಲಾ ಯುವತಿಯರಿಗೆ ಅರ್ಪಿಸುವುದಾಗಿ ಹೇಳಿಕೊಂಡಿದ್ದಾರೆ, ಪ್ರತಿದಿನದ ಎಲ್ಲಾ ಸಂತೋಷಗಳಿಗೂ ಯುವತಿ ಹೊಂದಿಕೊಳ್ಳುವುದು, ಆಕೆಯನ್ನು ಹುಟ್ಟಿನಿಂದಲೇ ನಿಯಂತ್ರಿಸಲಾಗುತ್ತದೆ, ಹೇಗೆ ಕುಳಿತು ಕೊಳ್ಳಬೇಕು, ಹೇಗೆ ಮಾತನಾಡಬೇಕು, ಹೇಗೆ ಉಡುಪು ಧರಿಸಬೇಕು, ಯಾವ ರೀತಿಯ ಗೆಳೆಯರನ್ನು ಆಯ್ಕೆ ಮಾಡಬೇಕು ಎಂದು ನಿರ್ಬಂಧ ಹೇರುವುದರ ಜೊತೆಗೆ ನೈಟ್ ಪಾರ್ಟ್ ಗಳಲ್ಲಿ ಭಾಗವಹಿಸುವ ಅವಕಾಶ ಆಕೆಗಿಲ್ಲ, ಆಕೆ ಹೆಣ್ಣು ಎಂಬ ಕಾರಣಕ್ಕೆ ಎಲ್ಲದರಿಂದಲೂ ಆ ಒಂಟಿ ಹುಡುಗಿಗೆ ನಿರ್ಬಂದ ಹೇರಲಾಗುತ್ತದೆ ಎಂದು ಹೇಳಿದ್ದಾರೆ.

ವಿಶಾಲ್ ಮೆಹ್ತಾ ಮತ್ತು ಅಬೇ ಈ ವಿಡಿಯೋ ನಿರ್ಮಿಸಿದ್ದು, ಶಾಂಘ್ವಿ ಭಾಯಣ ಹಿನ್ನೆಲೆ ಗಾಯನ ನೀಡಿದ್ದಾರೆ, ಹಾಡನ್ನು ಪಟ್ಟಾಯದಲ್ಲಿ ಚಿತ್ರೀಕರಿಸಿದ್ದಾರೆ.