ಕರಿಯ-2 ಚಿತ್ರಕ್ಕೆ ನಾಯಕಿ ಮಯೂರಿ ಹಿನ್ನೆಲೆ ಗಾಯನ
ಹಲವು ಚಿತ್ರಗಳಲ್ಲಿ ನಾಯಕ ನಟಿಯಾಗಿ ನಟಿಸಿರುವ ಮಯೂರಿ ಈಗ ಹಿನ್ನೆಲೆ ಗಾಯಕಿಯಾಗಲು ಸಿದ್ಧತೆ ನಡೆಸುತ್ತಿದ್ದಾರೆ.
Published On :
ಹಲವು ಚಿತ್ರಗಳಲ್ಲಿ ನಾಯಕ ನಟಿಯಾಗಿ ನಟಿಸಿರುವ ಮಯೂರಿ ಈಗ ಹಿನ್ನೆಲೆ ಗಾಯಕಿಯಾಗಲು ಸಿದ್ಧತೆ ನಡೆಸುತ್ತಿದ್ದಾರೆ. ಪ್ರಭು ಶ್ರೀನಿವಾಸ್ ನಿರ್ದೇಶನದ ಸಂತೋಷ್ ಬಾಲರಾಜ್ ನಾಯಕ ನಟನಾಗಿ ನಟಿಸಿರುವ ಕರಿಯಾ-2 ಚಿತ್ರದಲ್ಲಿ ಮಯೂರಿ ಹಿನ್ನೆಲೆ ಗಾಯನ ನೀಡಲಿದ್ದಾರೆ.
ಥಾಯ್ ಲ್ಯಾಂಡ್ ಪ್ರವಾಸ ಮುಕ್ತಾಯಗೊಳಿಸಿ ವಾಪಸ್ಸಾಗಿರುವ ನಟಿ ಮಯೂರಿ ಹಿನ್ನೆಲೆ ಗಾಯಕಿಯಾಗಲು ತಯಾರಿ ನಡೆಸುತ್ತಿದ್ದಾರೆ. ಮ್ಯೂಸಿಕ್ ಆಲ್ಬಮ್ ನಲ್ಲಿ ಸೋನು ನಿಗಮ್ ಹಾಗೂ ಅರ್ಮಾನ್ ಮಲೀಕ್ ಹಾಡಿದ್ದು, ಅವರ ಜೊತೆಗೆ ನನ್ನ ಹೆಸರು ಸಹ ಪ್ರಕಟವಾಗುವುದು ಸಾಧನೆಯೇ ಸರಿ ಎಂದಿದ್ದಾರೆ ಮಯೂರಿ.
ಅಂತಿಮ ಲಿರಿಕ್ಸ್ ಗಾಗಿ ಕಾಯುತ್ತಿರುವ ನಟಿ ಕಮ್ ಹಿನ್ನೆಲೆ ಗಾಯಕಿ ಮಯೂರಿ ಚಿತ್ರದ ರಾಗವನ್ನು ಅಭ್ಯಾಸ ಮಾಡುತ್ತಿದ್ದು, "ಹಿನ್ನೆಲೆ ಗಾಯನದಲ್ಲಿ ನನ್ನ ಸಾಮರ್ಥ್ಯವನ್ನು ನಿರೂಪಿಸಲು ಇದೊಂದು ಅತ್ಯುತ್ತಮ ಅವಕಾಶವಾಗಿದ್ದು ಸದುಪಯೋಗ ಪಡಿಸಿಕೊಳ್ಳುವೆ". ಎಂದಿದ್ದಾರೆ
ಹಿನ್ನೆಲೆ ಗಾಯನದ ಬಗ್ಗೆ ಆಸಕ್ತಿ ಇದೆ. ಆದರೆ ತರಬೇತಿ ಪಡೆದಿಲ್ಲ, ಒಂದು ಸಿನಿಮಾದಲ್ಲಿಯಾದರೂ ಹಿನ್ನೆಲೆ ಗಾಯನ ನೀಡಬೇಕೆಂಬುದು ತಮ್ಮ ಹೆಬ್ಬಯಕೆಯಾಗಿದ್ದು, ಕರಿಯಾ-2 ಚಿತ್ರದ ಮೂಲಕ ನನಸಾಗುವ ಸಾಧ್ಯತೆ ಇದೆ ಎಂದು ಮಯೂರಿ ಹೇಳಿದ್ದಾರೆ. ಕರಿಯಾ-2 ಚಿತ್ರದ ಚಿತ್ರೀಕರಣ ಹಾಗೂ ಪೋಸ್ಟ್ ಪ್ರೊಡಕ್ಷನ್ ಹಂತದ ಕೆಲಸಗಳು ಮುಕ್ತಾಯಗೊಂಡಿದ್ದು, ಒಂದೆರಡು ವಾರಗಳಲ್ಲಿ ಚಿತ್ರತಂಡ ಪ್ರಮೋಷನ್ ಕೆಲಸವನ್ನೂ ಪ್ರಾರಂಭಿಸಲಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.