ಇಶಾನ್ ಮುಂದೊಂದು ದಿನ ದೊಡ್ಡ ಸ್ಟಾರ್ ಆಗಲಿದ್ದಾರೆ: ಪೂರಿ ಜಗನ್ನಾಥ್
ಬೆಳ್ಳಿತೆರೆಗೆ ಹೊಸಬರನ್ನು ಪರಿಚಯಿಸುವುದರಲ್ಲಿ ಛಾತಿ ಹೊಂದಿರುವ ನಿರ್ದೇಶಕ ಪೂರಿ ಜಗನ್ನಾಥ್ ಈಗ ದ್ವಿಭಾಷಾ ಚಲನಚಿತ್ರ 'ರೋಗ್'ನಲ್ಲಿ ಇಶಾನ್ ಅವರನ್ನು ಪರಿಚಯಿಸಿದ್ದಾರೆ.
Published On :
ಬೆಂಗಳೂರು: ಬೆಳ್ಳಿತೆರೆಗೆ ಹೊಸಬರನ್ನು ಪರಿಚಯಿಸುವುದರಲ್ಲಿ ಛಾತಿ ಹೊಂದಿರುವ ನಿರ್ದೇಶಕ ಪೂರಿ ಜಗನ್ನಾಥ್ ಈಗ ದ್ವಿಭಾಷಾ ಚಲನಚಿತ್ರ 'ರೋಗ್'ನಲ್ಲಿ ಇಶಾನ್ ಅವರನ್ನು ಪರಿಚಯಿಸಿದ್ದಾರೆ. ಕನ್ನಡ ಮತ್ತು ತೆಲುಗು ಭಾಷೆಗಳಲ್ಲಿ ನಿರ್ಮಾಣವಾಗಲಿರುವ ಈ ಚಿತ್ರ ಬಿಡುಗಡೆಗೆ ಸಜ್ಜಾಗಿದ್ದು "ನನ್ನ ಮೇಲೆ ನಂಬಿಕೆ ಇಡುವ ನಿರ್ಮಾಪಕರು, ಚೊಚ್ಚಲ ನಟರನ್ನು ನಾನು ಸ್ಟಾರ್ ಗಳನ್ನಾಗಿ ಮಾಡಬಲ್ಲೆ ಎಂದು ನಂಬಿದ್ದಾರೆ" ಎನ್ನುತ್ತಾರೆ ಪೂರಿ.
ಹೊಸಬರಿಗೆ ಪ್ರಾರಂಭಿಸಲು ರೋಮ್ಯಾನ್ಸ್ ಸಿನೆಮಾಗಳು ಉತ್ತಮ ಎನ್ನುವ ಅವರು "ಭಾರದ ಕಥೆಗಳಿಂದ ಹೊಸಬರ ಮೇಲೆ ತೂಕ ಹಾಕಲು ನನಗಿಷ್ಟವಿಲ್ಲ. ಎರಡನೆಯದಾಗಿ ಹೀರೊ ಮೇಲೆ ಕೇಂದ್ರೀಕೃತವಾಗಿರಬೇಕು ಮತ್ತು ಇದಕ್ಕೆ ರೋಮ್ಯಾನ್ಸ್ ಉತ್ತಮ ಮತ್ತು ಇದು ಇಲ್ಲಿಯವರೆಗೂ ಕೆಲಸ ಮಾಡಿದೆ" ಎನ್ನುತ್ತಾರೆ.
ಇಶಾನ್ ಬಗ್ಗೆ ಮಾತನಾಡುವ ಪೂರಿ "ಮನೋಹರ್ ಈ ಹುಡುಗನ್ನು ಪರಿಚಯಿಸಿದ ಕ್ಷಣ ನಾನು ಇಂಪ್ರೆಸ್ ಆದೆ. ಅವರು ನಟನ ಶಾಲೆಯಲ್ಲಿ ತರಬೇತಿ ಪಡೆದಿದ್ದರೂ, ಅವರನ್ನು ಬ್ಯಾಂಗ್ಕಾಕ್ ಗೆ ಕಳುಹಿಸಿ ಸ್ಟಂಟ್ ತರಬೇತಿ ಪಡೆಯುವಂತೆ ಹೇಳಿದೆ. ಅವರ ಕೂದಲ ಬಣ್ಣ ಬದಲಿಸಿ ಫೋಟೋಶೂಟ್ ಗಳನ್ನು ನಡೆಸಿ, ಅವರ ಆತ್ಮವಿಶ್ವಾಸ ಹೆಚ್ಚಿಸಲು ಡಬ್ಮ್ಯಾಷ್ ಮಾಡುತ್ತಿದ್ದೆ. ಇದಕ್ಕೆಲ್ಲ ೪ ತಿಂಗಳ ಕಾಲ ಹಿಡಿಯಿತು" ಎನ್ನುವ ಪೂರಿ ಹೊಸ ನಟನ ಜೊತೆಗೆ ಇನ್ನೆರಡು ಸಿನೆಮಾಗಳನ್ನು ಮಾಡಲು ಮುಂದಾಗಿದ್ದಾರೆ.
"ಕಲಾವಿದರಿಗೆ ಸಾಕಷ್ಟು ಪ್ರತಿಭೆ ಇರುತ್ತದೆ ನಾವದನ್ನು ಸರಿ ದಾರಿಗೆ ತರುತ್ತೇವಷ್ಟೇ. ನಟನಾ ಶಾಲೆಗಳು ಒಂದಷ್ಟು ಹೇಳಿಕೊಡಬಹುದು ಆದರೆ ನಟರನ್ನಾಗಿಸಲು ಸಾಧ್ಯವಿಲ್ಲ. ನಟರಿಗೆ ಆತ್ಮವಿಶ್ವಾಸ ಮತ್ತು ಕಾರ್ಯತತ್ಪರತೆ ಮುಖ್ಯ. ಇವೆರಡು ಇಶಾನ್ ನಲ್ಲಿವೆ. ಅವರು ವಿನಯವಂತ ಮತ್ತು ಗಮನವಿಟ್ಟು ಕೆಲಸ ಮಾಡುತ್ತಾರೆ. ಮುಂದೊಂದು ದಿನ ಅವರನ್ನು ಸ್ಟಾರ್ ಆಗಿ ನೋಡುವ ಆತ್ಮವಿಶ್ವಾಸ ಇದೆ" ಎನ್ನುತ್ತಾರೆ ಪೂರಿ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.