ಹೀರೊ ಆಗಿ ಪಾದಾರ್ಪಣೆ ಮಾಡಲಿರುವ ರ್ಯಾಪರ್ ಚಂದನ್ ಶೆಟ್ಟಿ
ತಮ್ಮ ರ್ಯಾಪ್ ಶೈಲಿಯ ಹಾಡುಗಳ ಮೂಲಕ ಜನರ ಗಮನ ಸೆಳೆದಿದ್ದ ರ್ಯಾಪರ್ ಚಂದನ್ ಶೆಟ್ಟಿ ಈಗ 'ವಿಚಿತ್ರ ಪ್ರೇಮ ಕಥೆ' ಸಿನೆಮಾದಲ್ಲಿ ನಾಯಕನಟನಾಗಲಿದ್ದಾರೆ.
Published On :
ಬೆಂಗಳೂರು: ತಮ್ಮ ರ್ಯಾಪ್ ಶೈಲಿಯ ಹಾಡುಗಳ ಮೂಲಕ ಜನರ ಗಮನ ಸೆಳೆದಿದ್ದ ರ್ಯಾಪರ್ ಚಂದನ್ ಶೆಟ್ಟಿ ಈಗ 'ವಿಚಿತ್ರ ಪ್ರೇಮ ಕಥೆ' ಸಿನೆಮಾದಲ್ಲಿ ನಾಯಕನಟನಾಗಲಿದ್ದಾರೆ. ಈ ಹಿಂದೆ ಗಣೇಶ್ ಅವರ 'ಸಂಗಮ' ಮತ್ತು ಅಜಯ್ ರಾವ್ ಅವರ 'ಜೈ ಭಜರಂಗ ಬಲಿ' ಸಿನೆಮಾಗಳಲ್ಲಿ ತೊಡಗಿಸಿಕೊಂಡಿದ್ದ ನಿರ್ದೇಶಕ ರವಿವರ್ಮ, ಚಂದನ್ ಅವರ ಚೊಚ್ಚಲ ನಿರ್ದೇಶನವನ್ನು ನಿರ್ದೇಶಿಸಲಿದ್ದಾರೆ.
ಚಂದನ್ ತಿಳಿಸುವಂತೆ ರವಿವರ್ಮ ನಿರ್ದೇಶಕನಾಗುವ ಮೊದಲು ೪೦೦ ಸಿನೆಮಾಗಳ ಸಂಗೀತ ನಿರ್ದೇಶನಕ್ಕೆ ಸಾಥ್ ನೀಡುತ್ತಿದ್ದರಂತೆ. "ಹೀಗೆ ನಮ್ಮಿಬ್ಬರ ಸಂಬಂಧ ಬೆಳೆದದ್ದು" ಎನ್ನುವ ಚಂದನ್ "ನಿರ್ದೇಶಕರ ಪುತ್ರ ತಮ್ಮ ಸಂಗೀತದ ದೊಡ್ಡ ಅಭಿಮಾನಿ" ಎನ್ನುತ್ತಾರೆ.
"ನನ್ನ ವಿಡಿಯೋ ಆಲ್ಬಮ್ ಗಮನಿಸಿ ನನ್ನ ನಟನೆಯ ಬಗ್ಗೆ ರವಿಗೆ ಭರವಸೆ ಮೂಡಿತ್ತು ಮತ್ತು ಅವರ ಪಾತ್ರಕ್ಕೆ ನಾನು ನ್ಯಾಯ ಒದಗಿಸಬಲ್ಲೆ ಎಂದೆನಿಸಿತ್ತು" ಎನ್ನುತ್ತಾರೆ ಚಂದನ್.
ಗುಬ್ಬಿ ವೀರಣ್ಣ ಪ್ರೊಡಕ್ಷನ್ ಅಡಿ 'ವಿಚಿತ್ರ ಪ್ರೇಮ ಕಥೆ' ಮೂಡಿ ಬರಲಿದೆ. ಈ ಸಿನೆಮಾಗೆ ಚಂದನ್ ಒಂದು ಹಾಡಿಗೆ ಸಂಗೀತ ನೀಡಿ, ಅದನ್ನು ಹಾಡಲಿದ್ದಾರೆ ಕೂಡ. ಆರ್ ಪಿ ಪಟ್ಟನಾಯಕ್ ಉಳಿದ ಭಾಗಕ್ಕೆ ಸಂಗೀತ ನೀಡಲಿದ್ದಾರೆ.
ಕಳೆದ ತಿಂಗಳು ಸಿನೆಮಾದ ಮುಹೂರ್ತ ನೆರವೇರಿದ್ದು, ಜುಲೈ ೧೨ ರಿಂದ ಚಿತ್ರೀಕರಣ ಪ್ರಾರಂಭವಾಗಲಿದೆ. ಈ ಸಿನೆಮಾದಲ್ಲಿ ನಿಷ್ವಿಕ ನಾಯ್ಡು ನಾಯಕ ನಟಿ ಮತ್ತು ಜಗದೀಶ್ ವಾಲಿ ಸಿನೆಮ್ಯಾಟೋಗ್ರಾಫರ್.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.