ರಾಷ್ಟ್ರಪತಿ ಜೊತೆಗೆ 'ಪಿಂಕ್' ಸಿನೆಮಾ ವೀಕ್ಷಿಸಲಿರುವ ಬಿಗ್ ಬಿ, ತಾಪ್ಸೀ
ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಅವರೊಂದಿಗೆ ಶನಿವಾರ 'ಪಿಂಕ್' ಸಿನೆಮಾ ವೀಕ್ಷಿಸಲು ಮೆಗಾಸ್ಟಾರ್ ಅಮಿತಾಬ್ ಬಚ್ಚನ್ ಮತ್ತು ನಟಿ ತಾಪ್ಸೀ ಪನ್ನು ಅವರಿಗೆ ಆಹ್ವಾನಿಸಲಾಗಿದೆ.
Published On :
ಮುಂಬೈ: ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಅವರೊಂದಿಗೆ ಶನಿವಾರ 'ಪಿಂಕ್' ಸಿನೆಮಾ ವೀಕ್ಷಿಸಲು ಮೆಗಾಸ್ಟಾರ್ ಅಮಿತಾಬ್ ಬಚ್ಚನ್ ಮತ್ತು ನಟಿ ತಾಪ್ಸೀ ಪನ್ನು ಅವರಿಗೆ ಆಹ್ವಾನಿಸಲಾಗಿದೆ.
ಅನಿರುದ್ಧ ರಾಯ್ ಚೌಧರಿ ನಿರ್ದೇಶನದ ಈ ಸಿನೆಮಾವನ್ನು ನವದೆಹಲಿಯ ರಾಷ್ಟ್ರಪತಿ ಭವನದಲ್ಲಿ ವೀಕ್ಷಿಸಲು ನಟರನ್ನು ಆಹ್ವಾನಿಸಲಾಗಿದೆ.
"...ನಾಳೆ ದೆಹಲಿಯಲ್ಲಿ ಪ್ರಣಬ್ ಮುಖರ್ಜಿ ನಮ್ಮ ಸಿನೆಮಾ 'ಪಿಂಕ್' ವೀಕ್ಷಿಸಲಿದ್ದಾರೆ,... ಆದುದರಿಂದ ನಾವಲ್ಲಿಗೆ ಹೋಗಲಿದ್ದೇವೆ.. ಕೆಲವು ಘಂಟೆಗಳ ಕಾಲ" ಎಂದು ೭೪ ವರ್ಷದ ನಟ ಶುಕ್ರವಾರ ರಾತ್ರಿ ತಮ್ಮ ಬ್ಲಾಗ್ ನಲ್ಲಿ ಬರೆದುಕೊಂಡಿದ್ದಾರೆ.
"ಸಿನೆಮಾದ ಸೃಜನಶೀಲ ಮನಸ್ಸುಗಳನ್ನು ಒಳಗೊಳ್ಳಲು ರಾಷ್ಟ್ರಪತಿ ತಮ್ಮ ಸಮಯದೊಂದಿಗೆ ಇಂದಿಗೂ ವಿಶಾಲ ಮನಸ್ಸಿನವರಾಗಿದ್ದಾರೆ. ಅವರಿಗೆ ಎಷ್ಟು ಧನ್ಯವಾದ ಹೇಳಿದರು ಕಡಿಮೆಯೇ" ಎಂದು ಕೂಡ ಬಿಗ್ ಬಿ ಬರೆದಿದ್ದಾರೆ.
ಈ ಸಿನೆಮಾದ ಭಾಗವಾಗಿರುವ ತಾಪ್ಸೀ ಪನ್ನು ಕೂಡ ಟ್ವಿಟ್ಟರ್ ಮೂಲಕ ತಮ್ಮ ಅಭಿಮಾನಿಗಳಿಗೆ ಈ ವಿಷಯ ತಿಳಿಸಿದ್ದು "ಗೌರವಾನ್ವಿತ ರಾಷ್ಟ್ರಪತಿಗಳೊಂದಿಗೆ ಸಿನೆಮಾ ಮತ್ತು ರಾತ್ರಿ ಔತಣದ ಯೋಜನೆ ಇರುವುದು ಯಾರಿಗೆ ಊಹಿಸಿ?" ಎಂದು ಅವರು ಶನಿವಾರ ಬೆಳಗ್ಗೆ ಟ್ವೀಟ್ ಮಾಡಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.