ಠಾಣೆಗೆ ಬಂದ ಸನ್ನಿ ಲಿಯೋನ್!

ಥಾಣೆ: ಸಾಮಾಜಿಕ ಜಾಲತಾಣಗಳಲ್ಲಿ ತನ್ನ ಅಶ್ಲೀಲ ಚಿತ್ರಗಳನ್ನು ಪ್ರದರ್ಶಿಸಿದ್ದ ಆರೋಪದಡಿ ನಟಿ ಸನ್ನಿ ಲಿಯೋನ್ ಥಾಣೆಯ ಡೊಂಬಿವಲಿಯ ರಾಮನಗರ ಪೊಲೀಯ್ ಠಾಣೆಗೆ ಹಾಜರಾಗಿದ್ದರು.

ಠಾಣೆಗೆ ಹಾಜರಾಗಿದ್ದ ಸನ್ನಿ ಲಿಯೋನ್ ಪ್ರಕರಣ ಸಂಬಂಧ ಪೊಲೀಸರಿಗೆ ಹೇಳಿಕೆ ನೀಡಿದ್ದಾಳೆ. ಮೇ 14 ರಂದು ಸನ್ನಿ ಲಿಯೋನ್ ವಿರುದ್ಧ ಹಿಂದೂ ಜನಜಾಗೃತಿ ಸಮಿತಿ ಹಾಗೂ ಸಾಮಾಜಿಕ ಕಾರ್ಯಕರ್ತೆ ಡೊಂಬಿವಿಲಿಯ ನಿವಾಸಿ ಅಂಜಲಿ ವಿನೋದ್ ಪಾಲನ್ ಅವರು ಸನ್ನಿ ಲಿಯೋನ್ ವಿರುದ್ಧ ದೂರು ದಾಖಲಿಸಿದ್ದರು.

ಸಾಮಾಜಿಕ ಜಾಲತಾಣದಲ್ಲಿ ಅಶ್ಲೀಲ ಚಿತ್ರಗಳನ್ನು ಹಾಕಿ ಭಾರತೀಯ ಸಂಸ್ಕೃತಿಗೆ ಧಕ್ಕೆ ಉಂಟು ಮಾಡುತ್ತಿದ್ದಾರೆ ಎಂದು ಆರೋಪಿಸಿ ರಾಮನಗರ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದರು.

 ಈ ಸಂಬಂಧ ಪೊಲೀಸರು ಮೊದಲಿಗೆ ಸನ್ನಿ ಲಿಯೋನ್ ಗೆ ನೊಟೀಸ್ ನೀಡಿದ್ದರು. ಅವರಿಂದ ಯಾವುದೇ ಪ್ರತಿಕ್ರಿಯೆ ಬಾರದಿದ್ದರಿಂದ ಠಾಣೆಗೆ ಹಾಜರಾಗುವಂತೆ ಸಮನ್ಸ್ ಜಾರಿ ಮಾಡಿದ್ದರು.