ಕತ್ರೀನಾ ಜೊತೆ ಹೋಲಿಕೆ ಮಾಡುವುದು ನನಗಿಷ್ಟವಿಲ್ಲ: ಜಾಕ್ವೆಲಿನ್ ಫರ್ನಾಂಡೀಸ್

ನವದೆಹಲಿ: ಡಿಶೂಂ  ಚಿತ್ರದ ಮೂಲಕ ಪ್ರೇಕ್ಷಕರ ಗಮನ ಸೆಳೆಯುತ್ತಿರುವ ನಾಯಕಿ ಜಾಕ್ವೆಲಿನ್ ಫರ್ನಾಂಡಿಸ್‌ ಅಭಿನಯದ ಮೂಲಕ ಅಪಾರ ಪ್ರೇಕ್ಷಕರನ್ನು ಗೆದ್ದವರು. ಶ್ರೀಲಂಕಾದ ಬ್ಯೂಟಿ ಜಾಕ್ವೆಲಿನ್ ನಿಧಾನವಾಗಿ ಹಿಂದಿ ಚಿತ್ರರಂಗದಲ್ಲಿ ನೆಲೆಯೂರುತ್ತಿದ್ದಾರೆ.

ಆದ್ರೆ ಜಾಕ್ವೆಲಿನ್ ಗೆ ತನ್ನನ್ನು ಕತ್ರಿನಾ ಕೈಫ್‌ಗೆ ಹೋಲಿಸೋದು ಮಾತ್ರ ಇಷ್ಟವಾಗಲ್ಲವಂತೆ. ತನ್ನನ್ನು ಕತ್ರಿನಾಗೆ ಹೋಲಿಸುವುದು ಸರಿಯಲ್ಲ. ನಾವಿಬ್ಬರೂ ಬೇರೆ ಬೇರೆ. ಜನರೂ ನಮ್ಮನ್ನು ಹಾಗೆಯೇ ನೋಡಬೇಕು.  ಹಲವು ವರ್ಷಗಳಿಂದ ಕತ್ರಿನಾ ಬಹಳಷ್ಟು ಸಾಧಿಸಿದ್ದಾಳೆ.

ನಾನು ಬಾಲಿವುಡ್‌ಗೆ ಎಂಟ್ರಿ ನೀಡಿದಾಗ ಆಕೆ ನಮಗೆಲ್ಲಾ ಒಂದು ಮಾದರಿಯಾಗಿದ್ದಳು. ಕತ್ರಿನಾ ಇಂದಿಗೂ ಬೇರೆ ದೇಶದಿಂದ ಬಂದಂತಹ  ಬಹಳಷ್ಟು ನಟಿಯರಿಗೆ ಸ್ಫೂರ್ತಿಯಾಗಿದ್ದಾಳೆ ಎಂದಳು.

ಹೋಲಿಕೆ ಎನ್ನುವುದು ಅನ್ ಫೇರ್ ಎನ್ನುವ ಅವರು, ಕತ್ರೀನಾ ಹಾಗೂ ನಾನು ಇಬ್ಬರು ವಿಭಿನ್ನವಾಗಿದ್ದೇವೆ. ಆದ್ದರಿಂದ ಜನರು ಅದೇ ಮಾರ್ಗದಲ್ಲಿ ನಮ್ಮನ್ನು ಕಾಣಲಿ ಎಂದು ತಿಳಿಸಿದ್ದಾರೆ.