ಟಾಲಿವುಡ್ಡೇ ಚಂದ!

ಬಾಲಿವುಡ್‌ನಲ್ಲಿ ಭದ್ರ ನೆಲೆ ಕಂಡುಕೊಂಡಿರುವ ಕತ್ರೀನಾಗೆ ಬಾಲಿವುಡ್‌ಗಿಂತ ಟಾಲಿವುಡ್ಡೇ ಚಂದವಂತೆ! ಟಾಲಿವುಡ್‌ನಲ್ಲಿ ಕತ್ರೀನಾ ನಟಿಸಿರುವ ಚಿತ್ರಗಳು ಒಂದೋ..ಎರಡೋ..ಹೀಗಿದ್ದರೂ, ಟಾಲಿವುಡ್ ಹೊಗಳಲು ಅಲ್ಲಿ ಹೀರೋಗಳು ಕಾರಣವಂತೆ. ಬಾಲಿವುಡ್ ಹೀರೋಗಳಿಗಿಂತ ಟಾಲಿವುಡ್ ಹೀರೋಗಳೇ ಇಷ್ಟವಂತೆ.

ಇದಕ್ಕೆ ಕಾರಣ ಏನು ಗೊತ್ತಾ? ಬಾಲಿವುಡ್‌ನಲ್ಲಿರುವ ಕೆಲ ಹೀರೊಗಳಲ್ಲಿ ಶಿಸ್ತಿಲ್ಲವಂತೆ. ಮಧ್ಯರಾತ್ರಿವರೆಗೂ ಪಾರ್ಟಿ ಮಾಡಿ, ಸೆಟ್‌ಗೆ ಲೇಟಾಗಿ ಬರುವುದಲ್ಲದೇ, ಕೆಲವರು ಸ್ನಾನವನ್ನೇ ಮಾಡುವುದಿಲ್ಲವಂತೆ! ಅಂಥ ಸಂದರ್ಭದಲ್ಲಿ ರೋಮ್ಯಾಂಟಿಕ್ ಸೀನ್ ಇದ್ದರಂತೂ ನರಕಯಾತನೆ ಅಂತ ಕತ್ರೀನಾ ಬಾಯ್ಬಿಟ್ಟಿದ್ದಾರೆ. ಬಾಲಿವುಡ್‌ನಲ್ಲಿ ನೀಟ್ನೆಸ್ ಇಲ್ಲದ ಹೀರೋಗಳ ಜತೆ ಆ್ಯಕ್ಟ್ ಮಾಡುವಾಗ ಎಷ್ಟೋ ಬಾರಿ ಸೆಟ್‌ನಲ್ಲಿ ಕತ್ರೀನಾ ವಾಂತಿ ಮಾಡಿಕೊಂಡಿದ್ದಾರಂತೆ. ಇಂಥ ಪರಿಸ್ಥಿತಿ ಟಾಲಿವುಡ್‌ನಲ್ಲಿ ಎದುರಾಗಿಲ್ಲ.

'ಅಲ್ಲಿ, ಎಲ್ಲರಿಗೂ ಶಿಸ್ತಿದೆ. ಹೀರೋಗಳಿಗೆ ಸಮಯ ಪ್ರಜ್ಞೆ ಇದೆ. ಎಲ್ಲಕ್ಕಿಂತ ಹೆಚ್ಚಾಗಿ ಅವರು ಕ್ಲೀನ್ ಆಗಿ ಬರುತ್ತಾರೆ. ಹೀಗಾಗಿ ಟಾಲಿವುಡ್ ನನಗೆ ಅಚ್ಚುಮೆಚ್ಚು' ಅನ್ನುವ ಕತ್ರೀನಾ ಹೇಳಿಕೆ ಯಾಕೋ ಸಂಶಯ ಮೂಡಿಸುವಂತಿದೆ. ಏಕೆಂದರೆ, ಟಾಲಿವುಡ್‌ನಿಂದ ದೊಡ್ಡ ದೊಡ್ಡ ಆಫರ್‌ಗಳು ಬರುತ್ತಿದ್ದರೂ ಕತ್ರೀನಾ ಯಾಕೆ ಒಪ್ಪಿಕೊಳ್ಳುತ್ತಿ ಲ್ಲ? ಬಹುಶಃ ಪೈಸಾ ಕಾರಣವಿರಬಹುದಾ?