ಎರಡು ದಿನಗಳಲ್ಲಿ ೫೦ ಕೋಟಿ ಬಾಚಿದ ಪಿಕೆ

ನವದೆಹಲಿ: ಅಮೀರ್ ಖಾನ್ ಅಭಿನಯದ "ಪಿಕೆ" ಗಲ್ಲಾಪೆಟ್ಟಿಗೆಯಲ್ಲಿ ಭಾರತದಲ್ಲೇ ೨ ದಿನಗಳಲ್ಲಿ ೫೦ ಕೋಟಿ ಬಾಚಿದ್ದು, ಮುಂದಿನ ದಿನಗಳಲ್ಲೂ ಹೀಗೆಯೇ ಮುಂದುವರೆಯಲಿದೆ ಎನ್ನುತ್ತಾರೆ ಸಿನೆಮಾ ಪಂಡಿತರು.

ವಿದು ವಿನೋದ್ ಚೋಪ್ರಾ ನಿರ್ಮಾಣದ, ರಾಜ್ ಕುಮಾರ್ ಹಿರಾನಿ ನಿರ್ದೇಶನದ ಈ ಚಿತ್ರ ಶುಕ್ರವಾರ ಬಿಡುಗಡೆ ಕಂಡಿತ್ತು.

ಹಿಂದಿ ಚಲನಚಿತ್ರೋದ್ಯಮದ ಪಂಡಿತ ಗಿರೀಶ್ ಜೋಹರ್, ಪಿಕೆ ೨ ದಿನಗಳಲ್ಲಿ ೫೦ ಕೋಟಿ ಗಳಿಕೆ ದಾಟಿದೆ. ೨೦೧೪ ರಲ್ಲಿ ೨ ದಿನಗಳಲ್ಲೇ ೫೦ ಕೋಟಿ ಗಳಿಕೆ ದಾಟಿದ ನಾಲ್ಕನೇ ಚಿತ್ರ ಇದು ಎಂದು ಟ್ವೀಟ್ ಮಾಡಿದ್ದಾರೆ.

ಅನುಷ್ಕಾ ಶರ್ಮಾ ಅಭಿನಯದ ಈ ಚಲನಚಿತ್ರ ಎರಡನೆ ದಿನ ಉತ್ತಮ ಗಳಿಕೆಯನ್ನು ಕಂಡು ೨೯ ಕೋಟಿ ಗಳಿಸಿದೆ.