ಕೋವಿಡ್ ಸಂತ್ರಸ್ತ ವ್ಯಕ್ತಿಗೆ 5 ಲಕ್ಷ ರೂಪಾಯಿ ನೀಡಲು HDFC ವಿಮಾ ಸಂಸ್ಥೆಗೆ ಗ್ರಾಹಕರ ವೇದಿಕೆ ಆದೇಶ

ಶಿವಮೊಗ್ಗ: ಕೋವಿಡ್ ನಿಂದ 3 ವರ್ಷಗಳ ಹಿಂದೆ ಆಸ್ಪತ್ರೆಗೆ ದಾಖಲಾಗಿದ್ದ ವೈದ್ಯರೊಬ್ಬರಿಗೆ 4.08 ಲಕ್ಷ ರೂಪಾಯಿ ವಿಮೆ ಹಣ ಹಾಗೂ ಬಡ್ಡಿ, ಮತ್ತು ಪರಿಹಾರ ಮೊತ್ತ ನೀಡುವಂತೆ ಹೆಚ್ ಡಿಎಫ್ ಸಿ-ಇಆರ್ ಜಿಒ ಜನರಲ್ ಇನ್ಸ್ಯೂರೆನ್ಸ್ ಸಂಸ್ಥೆಗೆ ಗ್ರಾಹಕ ವ್ಯಾಜ್ಯಗಳ ಪರಿಹಾರ ಆಯೋಗ ಸೂಚನೆ ನೀಡಿದೆ. 

ಬಿಎಎಂಎಸ್ ವೈದ್ಯರಾಗಿರುವ ಅರ್ಜಿದಾರ ಸಿಡಿ ರವಿ ರಾಜ್, ಹೆಚ್ ಡಿಎಫ್ ಸಿ-ಇಆರ್ ಜಿಒ ಜನರಲ್ ಇನ್ಸ್ಯೂರೆನ್ಸ್ ನ್ನು 2021 ರಲ್ಲಿ ಪಡೆದಿದ್ದರು, 6 ಲಕ್ಷ ರೂಪಾಯಿಗಳವರೆಗೆ ವಿಮೆ ಹಣವನ್ನು ಪಡೆಯಲು ಅವಕಾಶವಿತ್ತು.

2021 ರಲ್ಲೇ ವಿಮೆ ಪಡೆದಿದ್ದ ವೈದ್ಯರಿಗೆ ಕೋವಿಡ್ ಸಮಸ್ಯೆ ಕಾಣಿಸಿಕೊಂಡು ಚಿಕಿತ್ಸೆಯ ವೆಚ್ಚ 4,08,564 ರೂಪಾಯಿಗಳಾಗಿತ್ತು. 

ಇದನ್ನೂ ಓದಿ: ತಪ್ಪಾದ ಸೈಜ್ ಶೂ ಡೆಲಿವರಿ: Ajio ಗೆ 10 ಸಾವಿರ ರೂ. ದಂಡ ವಿಧಿಸಿದ ಜಿಲ್ಲಾ ಗ್ರಾಹಕ ವ್ಯಾಜ್ಯಗಳ ಪರಿಹಾರ ಆಯೋಗ

ತರುವಾಯ, ಅರ್ಜಿದಾರರು ವೈದ್ಯಕೀಯ ವೆಚ್ಚವನ್ನು ಮರುಪಾವತಿಸಲು ಕೋರಿದಾಗ, ಅವರು ನಕಲಿ ದಾಖಲೆಯನ್ನು ಸೃಷ್ಟಿಸಿದ್ದಾರೆಂದು ವಿಮೆ ಸಂಸ್ಥೆ ಹಕ್ಕು ನಿರಾಕರಿಸಿತ್ತು. ಕಂಪನಿಯು ವಿಮಾ ಪಾಲಿಸಿಯನ್ನು ಸಹ ರದ್ದುಗೊಳಿಸಿದೆ. ಆದಾಗ್ಯೂ, ಪಕ್ಷಗಳು ಮತ್ತು ವೈದ್ಯಕೀಯ ದಾಖಲೆಗಳನ್ನು ಸಲ್ಲಿಸಿದ ದಾಖಲೆಗಳನ್ನು ಪರಿಶೀಲಿಸಿದ ನಂತರ, ಗ್ರಾಹಕ ಆಯೋಗವು ವಿಮಾ ಸಂಸ್ಥೆ ತಪ್ಪು ಮಾಡಿದ್ದು ಸೇವೆಯಲ್ಲಿ ಕೊರತೆಯಾಗಿದೆ ಎಂದು ತೀರ್ಮಾನಿಸಿದೆ.

ಆಯೋಗವು ಅರ್ಜಿದಾರರ ಪಾಲಿಸಿಯನ್ನು 45 ದಿನಗಳೊಳಗೆ ಮರುಸ್ಥಾಪಿಸಲು ಮತ್ತು 9% ವಾರ್ಷಿಕ ಬಡ್ಡಿಯೊಂದಿಗೆ ರೂ 4.08 ಲಕ್ಷ ಮೊತ್ತವನ್ನು ಪಾವತಿಸುವಂತೆ ವಿಮಾ ಕಂಪನಿಗೆ ಸೂಚಿಸಿದೆ. ಮಾನಸಿಕ ಸಂಕಟಕ್ಕೆ ಪರಿಹಾರವಾಗಿ ರೂ 25,000 ಮತ್ತು ವ್ಯಾಜ್ಯ ವೆಚ್ಚಕ್ಕಾಗಿ ರೂ 10,000 ನೀಡುವಂತೆ ಕಂಪನಿಗೆ ಸೂಚಿಸಿದೆ. ಆಯೋಗದ ಅಧ್ಯಕ್ಷ ಟಿ ಶಿವಣ್ಣ ನೇತೃತ್ವ ವಹಿಸಿದ್ದು, ಸದಸ್ಯರಾದ ಸವಿತಾ ಬಿ ಪಟ್ಟಣಶೆಟ್ಟಿ, ಬಿ ಡಿ ಯೋಗಾನಂದ ಭಾಂಡ್ಯ ಇದ್ದರು.