ಡೆಲ್, ಹೆಚ್ ಪಿ, ಫಾಕ್ಸ್ ಕಾನ್, ಲೆನೆವೋ ಸೇರಿ 27 ಕಂಪನಿಗಳಿಗೆ ಹೊಸ ಐಟಿ ಹಾರ್ಡ್ ವೇರ್ ಪಿಎಲ್ ಐ ಯೋಜನೆ!

ನವದೆಹಲಿ: ಡೆಲ್, ಹೆಚ್ ಪಿ, ಫಾಕ್ಸ್ ಕಾನ್, ಲೆನೆವೋ ಸೇರಿ 27 ಕಂಪನಿಗಳಿಗೆ ಹೊಸ ಐಟಿ ಹಾರ್ಡ್ ವೇರ್ ಪಿಎಲ್ ಐ ಯೋಜನೆಯನ್ನು ಅನುಮೋದಿಸಲಾಗಿದೆ ಎಂದು ಕೇಂದ್ರ ಸಚಿವ ಅಶ್ವಿನಿ ವೈಷ್ಣವ್ ತಿಳಿಸಿದ್ದಾರೆ. 

ನೀತಿಗಳ ಸಡಲೀಕರಣ ಹಾಗೂ ಪ್ರೋತ್ಸಾಹಕ ಯೋಜನೆಗಳನ್ನು ಐಟಿ ಹಾರ್ಡ್ ವೇರ್ ಸಂಸ್ಥೆಗಳಿಗೆ ಪ್ರಕಟಿಸುವ ಭಾಗವಾಗಿ ಈ ಕ್ರಮ ಕೈಗೊಳ್ಳಲಾಗಿದೆ. ಭವಿಷ್ಯದಲ್ಲಿ ಭಾರತವನ್ನು ಜಾಗಾತಿಕ ಹೈ-ಟೆಕ್ ಉತ್ಪಾದಕ ಹಬ್ ಆಗಿ ಮಾಡುವ ಗುರಿ ಹೊಂದಲಾಗಿದೆ. 

ಇದನ್ನೂ ಓದಿ: ಸೈಬರ್ ಅಪರಾಧ ನಿಯಂತ್ರಣದತ್ತ ಕೇಂದ್ರ ಗಮನಹರಿಸುತ್ತಿದೆ: ಜಿ20 ಡಿಜಿಟಲ್ ಎಕಾನಮಿ ಸಚಿವರ ಸಭೆಯಲ್ಲಿ ಅಶ್ವಿನಿ ವೈಷ್ಣವ್

ಪಿಎಲ್‌ಐ ಐಟಿ ಹಾರ್ಡ್‌ವೇರ್ ಯೋಜನೆಯಡಿ 27 ಕಂಪನಿಗಳನ್ನು ಅನುಮೋದಿಸಲಾಗಿದೆ ಎಂದು ಘೋಷಿಸಲು ನನಗೆ ಸಂತೋಷವಾಗಿದೆ. ಈ 23 ಕಂಪನಿಗಳಲ್ಲಿ ಶೇಕಡಾ 95 ರಷ್ಟು ದಿನ-ಶೂನ್ಯದಿಂದ ಉತ್ಪಾದನೆಯನ್ನು ಪ್ರಾರಂಭಿಸಲು ಸಿದ್ಧವಾಗಿವೆ" ಎಂದು ಎಲೆಕ್ಟ್ರಾನಿಕ್ಸ್ ಮತ್ತು ಐಟಿ ಸಚಿವ ಅಶ್ವಿನಿ ವೈಷ್ಣವ್ ಹೇಳಿದ್ದಾರೆ.

"ಇದು ಪಿಸಿಗಳು, ಸರ್ವರ್‌ಗಳು, ಲ್ಯಾಪ್‌ಟಾಪ್‌ಗಳು ಮತ್ತು ಟ್ಯಾಬ್ಲೆಟ್‌ಗಳ ತಯಾರಿಕೆಯಲ್ಲಿ ದೊಡ್ಡ ಶಕ್ತಿಯಾಗಲು ನಮ್ಮನ್ನು ತಯಾರಿ ಮಾಡುತ್ತದೆ" ಎಂದು ಅವರು ಹೇಳಿದ್ದಾರೆ.

ಈ 27 ಕಂಪನಿಗಳು 3,000 ಕೋಟಿ ರೂ. ಹೂಡಿಕೆ ಮಾಡುತ್ತವೆ. ಡೆಲ್, ಫಾಕ್ಸ್‌ಕಾನ್, ಎಚ್‌ಪಿ ಮತ್ತು ಲೆನೊವೊ ಸೇರಿದಂತೆ ಇತರ ಅಂತರರಾಷ್ಟ್ರೀಯ ಸಂಸ್ಥೆಗಳು ಅರ್ಜಿಗಳನ್ನು ಅನುಮೋದಿಸಿದ ಕಂಪನಿಗಳಲ್ಲಿ ಸೇರಿವೆ.