ಭಾರತದ ಉದ್ಯೋಗ ಮಾರುಕಟ್ಟೆ: ಮೂರನೇ ತ್ರೈಮಾಸಿಕದಲ್ಲಿ ನೇಮಕಾತಿ ಮಾಡಿಕೊಳ್ಳಲು ಶೇ.54ರಷ್ಟು ಕಂಪೆನಿಗಳು ಆಸಕ್ತ

ನವದೆಹಲಿ: ಮುಂದಿನ ಮೂರು ತಿಂಗಳಲ್ಲಿ ಭಾರತದಲ್ಲಿ ಕಂಪೆನಿಗಳು ಶೇಕಡಾ 54ರಷ್ಟು ಉದ್ಯೋಗಿಗಳನ್ನು ನೇಮಕಾತಿ ಮಾಡಲಿದೆ ಎಂದು ಸಮೀಕ್ಷೆಯೊಂದು ಹೇಳುತ್ತದೆ. ಇಂದು ಬಿಡುಗಡೆಯಾದ ಮ್ಯಾನ್‌ಪವರ್‌ಗ್ರೂಪ್ ಎಂಪ್ಲಾಯ್‌ಮೆಂಟ್ ಔಟ್‌ಲುಕ್ ಸಮೀಕ್ಷೆಯ ಪ್ರಕಾರ, ಕಾರ್ಮಿಕ ಮಾರುಕಟ್ಟೆಯು ಅಕ್ಟೋಬರ್-ಡಿಸೆಂಬರ್ ವೇಳೆಗೆ ಚೇತರಿಸಿಕೊಳ್ಳುವ ಸೂಚನೆಯನ್ನು ನೀಡಿದೆ.

ಪ್ರತಿ ತ್ರೈಮಾಸಿಕದಲ್ಲಿ ನಿರೀಕ್ಷಿತ ಉದ್ಯೋಗ ಪ್ರವೃತ್ತಿಗಳನ್ನು ಅಳೆಯಲು 41 ದೇಶಗಳು ಮತ್ತು ಪ್ರಾಂತ್ಯಗಳಾದ್ಯಂತ 40,600 ಕ್ಕೂ ಹೆಚ್ಚು ಸಾರ್ವಜನಿಕ ಮತ್ತು ಖಾಸಗಿ ಉದ್ಯೋಗದಾತರೊಂದಿಗೆ ನಡೆಸಿದ ಸಂದರ್ಶನಗಳನ್ನು ಆಧರಿಸಿ ಸಮೀಕ್ಷೆ ನಡೆಸಲಾಗಿದೆ. 

ಸಮೀಕ್ಷೆಯ ಪ್ರಕಾರ, ಭಾರತದಲ್ಲಿ, ಶೇಕಡಾ 64 ರಷ್ಟು ಜನರು ತಮ್ಮ ಸಿಬ್ಬಂದಿ ಮಟ್ಟವನ್ನು ಹೆಚ್ಚಿಸಲು ಬಯಸುತ್ತಿದ್ದಾರೆ. ಶೇಕಡಾ 10 ರಷ್ಟು ಜನರು ನೇಮಕಾತಿಯಲ್ಲಿ ಇಳಿಕೆ ನೋಡುತ್ತಿದ್ದಾರೆ. ಶೇಕಡಾ 24 ರಷ್ಟು ಜನರು ಯಾವುದೇ ಬದಲಾವಣೆಯನ್ನು ನಿರೀಕ್ಷಿಸುವುದಿಲ್ಲ.

ಭಾರತದಲ್ಲಿ ನೇಮಕಾತಿ ದೃಷ್ಟಿಕೋನವು ಜಾಗತಿಕವಾಗಿ ಎರಡನೇ ಸ್ಥಾನದಲ್ಲಿದೆ, ಬ್ರೆಜಿಲ್ ನಂತರ ಶೇಕಡಾ 56ರಷ್ಟು ಜನರು ತಮ್ಮ ಸಿಬ್ಬಂದಿ ಮಟ್ಟವನ್ನು ಹೆಚ್ಚಿಸಲು ನಿರೀಕ್ಷಿಸುತ್ತಾರೆ. ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ, ನೇಮಕಾತಿ ಉದ್ದೇಶವು ಶೇಕಡಾ 10 ರಷ್ಟು ಸುಧಾರಿಸಿದೆ, ಆದರೆ ಕಳೆದ ತ್ರೈಮಾಸಿಕಕ್ಕೆ ಹೋಲಿಸಿದರೆ ಶೇಕಡಾ 3 ರಷ್ಟು ಬೆಳವಣಿಗೆಯಾಗಿದೆ ಎಂದು ಸಮೀಕ್ಷೆ ಹೇಳಿದೆ.

ಇದನ್ನೂ ಓದಿ: ನೀವು ಹನುಮಂತನ ರೀತಿಯೇ? ಇಂಡಿಯಾ ಐಎನ್ ಸಿಗೆ ವಿತ್ತ ಸಚಿವರು ಹೀಗೇಕೆ ಕೇಳಿದ್ದು ಅಂದರೆ...

ಭಾರತದ ಮೂಲಭೂತ ಅಂಶಗಳು ಆರೋಗ್ಯಕರ ಮತ್ತು ಸದೃಢವಾಗಿವೆ. ಅಲ್ಪಾವಧಿಯ ಹಿನ್ನಡೆಗಳ ಹೊರತಾಗಿಯೂ, ಬೆಳವಣಿಗೆಯನ್ನು ಹೆಚ್ಚಿಸುವ ನೀತಿಗಳು, ಮೂಲಸೌಕರ್ಯದಲ್ಲಿ ಹೆಚ್ಚಿದ ಹೂಡಿಕೆ, ಹೆಚ್ಚುತ್ತಿರುವ ರಫ್ತು ಇತ್ಯಾದಿಗಳು ಉತ್ತಮವಾಗಿದೆ ಎಂದು ಮ್ಯಾನ್ ಪವರ್ ಗ್ರೂಪ್ ಇಂಡಿಯಾದ ಸಂದೀಪ್ ಗುಲಾಟಿ ಹೇಳುತ್ತಾರೆ. 

ಮುಂಬರುವ ತ್ರೈಮಾಸಿಕದಲ್ಲಿ ಎಲ್ಲಾ ಹನ್ನೊಂದು ಉದ್ಯಮ ವಲಯಗಳಿಗೆ ವೇತನದಾರರ ಹೆಚ್ಚಳವನ್ನು ಮುನ್ಸೂಚಿಸಲಾಗಿದೆ. ಐಟಿ ಮತ್ತು ತಂತ್ರಜ್ಞಾನ ವಲಯವು 63 ಪ್ರತಿಶತದಷ್ಟು ನಿವ್ವಳ ಉದ್ಯೋಗದ ನೇಮಕಾತಿ ಉದ್ದೇಶಗಳನ್ನು ವರದಿ ಮಾಡುವುದನ್ನು ಮುಂದುವರೆಸಿದೆ, ನಂತರ ಬ್ಯಾಂಕಿಂಗ್, ಹಣಕಾಸು, ವಿಮೆ ಮತ್ತು ರಿಯಲ್ ಎಸ್ಟೇಟ್ ವಲಯಗಳಿವೆ. 

ಜಾಗತಿಕವಾಗಿ, ನಾಲ್ಕನೇ ತ್ರೈಮಾಸಿಕದಲ್ಲಿ ಸಿಬ್ಬಂದಿ ಮಟ್ಟಗಳು ಹೇಗೆ ಬದಲಾಗುತ್ತವೆ ಎಂಬುದನ್ನು ಪರಿಗಣಿಸುವಾಗ, 41 ದೇಶಗಳು ಮತ್ತು ಪ್ರಾಂತ್ಯಗಳಲ್ಲಿ 39 ರಲ್ಲಿ ಉದ್ಯೋಗದಾತರು ನೇಮಕಾತಿ ದೃಷ್ಟಿಕೋನವನ್ನು ನಿರೀಕ್ಷಿಸುತ್ತಾರೆ. ಕಳೆದ ತ್ರೈಮಾಸಿಕಕ್ಕೆ ಹೋಲಿಸಿದರೆ 23 ದೇಶಗಳು ಮತ್ತು ಪ್ರಾಂತ್ಯಗಳಲ್ಲಿ ನೇಮಕಾತಿ ಭಾವನೆ ವಿರುದ್ಧವಾಗಿದೆ. 

16 ದೇಶಗಳು ಮತ್ತು ಪ್ರಾಂತ್ಯಗಳಲ್ಲಿ, ಹಿಂದಿನ ತ್ರೈಮಾಸಿಕದಿಂದ ನೇಮಕಾತಿ ಮಾಡಿಕೊಳ್ಳಬೇಕೆಂಬ ಮನೋಭಾವ ಬಲಗೊಂಡಿದೆ ಎಂದು ಸಮೀಕ್ಷೆ ಹೇಳಿದೆ.