ಉದ್ದಿಮೆ ಸ್ನೇಹಿ ರಾಷ್ಟ್ರ: 30 ಸ್ಥಾನ ಏರಿಕೆ ಕಂಡಿರುವ ಭಾರತಕ್ಕೆ 100ನೇ ಸ್ಥಾನ
ಸುಗಮವಾಗಿ ಉದ್ದಿಮೆ ನಡೆಸಬಹುದಾದ ವಿಶ್ವದ 190 ದೇಶಗಳ ಪಟ್ಟಿಯಲ್ಲಿ ಕಳೆದ ವರ್ಷಕ್ಕೆ ಹೋಲಿಸಿದರೆ 30 ಸ್ಥಾನಗಳಷ್ಟು ಏರಿಕೆ ಕಂಡಿರುವ ಭಾರತವು 100ನೇ ಸ್ಥಾನಕ್ಕೆ...
Published On :
ವಾಷಿಂಗ್ಟನ್: ಸುಗಮವಾಗಿ ಉದ್ದಿಮೆ ನಡೆಸಬಹುದಾದ ವಿಶ್ವದ 190 ದೇಶಗಳ ಪಟ್ಟಿಯಲ್ಲಿ ಕಳೆದ ವರ್ಷಕ್ಕೆ ಹೋಲಿಸಿದರೆ 30 ಸ್ಥಾನಗಳಷ್ಟು ಏರಿಕೆ ಕಂಡಿರುವ ಭಾರತವು 100ನೇ ಸ್ಥಾನಕ್ಕೆ ಜಿಗಿದಿದೆ.
ವಿಶ್ವ ಬ್ಯಾಂಕ್ ನೀಡದ ಈಸ್ ಆಫ್ ಡೂಯಿಂಗ್ ಬಿಸಿನೆಸ್ ಇಂಡೆಕ್ಸ್ 2018ರ ಆವೃತ್ತಿ ಪ್ರಕಾರ, ಭಾರತವು ಪ್ರಪಂಚದ ಅಗ್ರ ಹತ್ತು ಸುಧಾರಣೆದಾರರಲ್ಲಿ ಮತ್ತು ಪ್ರಮುಖ ಪ್ರಾದೇಶಿಕ ಸುಧಾರಕನಾಗಿದೆ ಎಂದು ಹೇಳಿದೆ. ಈಸ್ ಆಫ ಡೂಯಿಂಗ್ ಬಿಸಿನೆಸ್ ಶ್ರೇಯಾಂಕದಲ್ಲಿ ಭೂತಾನ್ 75ನೇ ಸ್ಥಾನ ಪಡೆದಿದ್ದರೇ ಭಾರತ 100ನೇ ಸ್ಥಾನ ಪಡೆದಿದೆ. ಇನ್ನು ನೆರೆಯ ರಾಷ್ಟ್ರ ನೇಪಾಳ 105ನೇ ಸ್ಥಾನ ಗಳಿಸಿದೆ.
ವ್ಯವಸ್ಥೆಯಲ್ಲಿ ಜಾರಿಗೊಳಿಸಿದ ಎಂಟು ಸುಧಾರಣೆಗಳೊಂದಿಗೆ, ಭಾರತವು ನೌಕರರ ಪ್ರಾವಿಡೆಂಟ್ ಫಂಡ್ಗೆ ವಿದ್ಯುನ್ಮಾನವಾಗಿ ಪಾವತಿಸಬೇಕಾದ ಅಗತ್ಯತೆಯಿಂದ ತೆರಿಗೆಗಳನ್ನು ಸುಲಭವಾಗಿ ಪಾವತಿಸಿತ್ತು ಮತ್ತು ಸಾಂಸ್ಥಿಕ ಆದಾಯ ತೆರಿಗೆಗೆ ಅನುಗುಣವಾಗಿ ಸಜ್ಜುಗೊಳಿಸುವ ಆಡಳಿತಾತ್ಮಕ ಕ್ರಮಗಳನ್ನು ಪರಿಚಯಿಸಿದೆ ಎಂದು ವಿಶ್ವ ಬ್ಯಾಂಕ್ ತನ್ನ ಹೇಳಿಕೆ ತಿಳಿಸಿದೆ.
2016-17ರಲ್ಲಿ ಭಾರತ ಸರ್ಕಾರವು ಮಹತ್ವದ ಬದಲಾವಣೆಗಳನ್ನು ಸಹ ಜಾರಿಗೊಳಿಸಿದೆ. ಹೊಸ ಉದ್ಯಮ ಪ್ರಾರಂಭಿಸಲು ಖಾಯಂ ಖಾತೆ ಸಂಖ್ಯೆ(ಪ್ಯಾನ್) ಮತ್ತು ತೆರಿಗೆ ಖಾತೆ ಸಂಖ್ಯೆ(ಟಿಎಎನ್) ಗಾಗಿ ಅರ್ಜಿಗಳನ್ನು ವಿಲೀನಗೊಳಿಸುವುದು ಒಳಗೊಂಡಿದೆ ಎಂದು ವಿಶ್ವ ಬ್ಯಾಂಕ್ ಪ್ರಸ್ತಾಪಿಸಿದೆ.
ನವದೆಹಲಿ ಮತ್ತು ಬೃಹತ್ ಮುಂಬೈ ಮುನ್ಸಿಪಾಲಿಟಿಯಲ್ಲಿ ಪ್ರಕ್ರಿಯೆಯನ್ನು ಸುವ್ಯವಸ್ಥಿತಗೊಳಿಸಲು ಆನ್ ಲೈನ್ ಸಿಸ್ಟಮ್ ಅನ್ನು ಅನುಷ್ಠಾನಗೊಳಿಸುವ ಮೂಲಕ ಕಟ್ಟಡದ ಪರವಾನಗಿಯನ್ನು ಪಡೆಯಲು ಅಗತ್ಯವಿರುವ ಹಲವಾರು ಕಾರ್ಯವಿಧಾನಗಳು ಮತ್ತು ಸಮಯವನ್ನು ಭಾರತ ಕಡಿಮೆ ಮಾಡಿದೆ ಎಂದು ಹೇಳಿಕೆ ತಿಳಿಸಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.