ಟ್ರಂಪ್ ಬಿರುಗಾಳಿ ಬಳಿಕ ಚೇತರಿಸಿಕೊಂಡ ಐಟಿ ವಲಯ; ಸೆನ್ಸೆಕ್ಸ್ 125 ಅಂಕಗಳ ಏರಿಕೆ

ಮುಂಬೈ: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ  ಹೆಚ್ 1ಬಿ ವೀಸಾ ವಿತರಣೆ ನಿಯಮ ಮರು ಪರಿಶೀಲನೆ ಬಳಿಕ ಕುಸಿದಿದ್ದ ಐಟಿವಲಯದ ಷೇರುಗಳು ಕ್ರಮೇಣ ಚೇತರಿಸಿಕೊಳ್ಳುತ್ತಿದ್ದು, ಬುಧವಾರ ಸೆನ್ಸೆಕ್ಸ್ 125 ಅಂಕಗಳ  ಏರಿಕೆ ಕಂಡಿದೆ.

ಪ್ರಮುಖವಾಗಿ ಟಾಟಾ ಕನ್ಸಲ್ಟೆನ್ಸಿ ಸರ್ವಿಸ್ ಸಂಸ್ಥೆಯ ಷೇರು ಮರುಖರೀದಿಯ ಯೋಜನೆ ಘೋಷಣೆಯಿಂದಾಗಿ ಇಂದು ಮಾರುಕಟ್ಟೆಯಲ್ಲಿ ಆಶಾದಾಯಕ ಬೆಳವಣಿಗೆಗಳು ಕಂಡುಬಂದಿದ್ದು, ಸೆನ್ಸೆಕ್ಸ್ 125 ಅಂಕಗಳ ಏರಿಕೆ ಕಂಡಿದೆ. ಆ  ಮೂಲಕ ಸೆನ್ಸೆಕ್ಸ್ 28,286 2:35:04 PM2:35:04 PM2:35:04 PMಅಂಕಗಳಿಗೆ ಏರಿಕೆಯಾಗಿದ್ದು, ನಿಫ್ಟಿ 43 ಅಂಕಗಳ ಏರಿಕೆಯೊಂದಿಗೆ 8,768 ಅಂಕಗಳಿಗೆ ಏರಿಕೆಯಾಗಿದೆ.

ಟಿಸಿಎಸ್ ಸಂಸ್ಥೆಯ ಷೇರುಗಳು ಗರಿಷ್ಟ ಪ್ರಮಾಣದ ಏರಿಕೆ ಕಂಡಿದ್ದು, ಒಟ್ಟು ಶೇ.2.7ರಷ್ಟು ಮೌಲ್ಯ ಹೆಚ್ಚಾಗಿದೆ. ಇದು ಕಳೆದ 7 ತಿಂಗಳಲ್ಲಿಯೇ ಗರಿಷ್ಟ ಪ್ರಮಾಣದ ಏರಿಕೆಯಾಗಿದೆ ಎಂದು ಮೂಲಗಳು ತಿಳಿಸಿವೆ.

ಇನ್ನು ಇಂದಿನ ವಹಿವಾಟಿನಲ್ಲಿ ಬ್ಯಾಂಕಿಂಗ್ ವಲಯ ಕೂಡ ಸಾಕಷ್ಟು ಚೇತರಿಸಿಕೊಂಡಿದ್ದು, ಎಸ್ ಬಿಐ ಸಂಸ್ಥೆಯ ಷೇರುಗಳ ಮೌಲ್ಯ ಶೇ.3ರಷ್ಟು ಏರಿಕೆಯಾಗಿದೆ. ಅಂತೆಯೇ ಟಾಟಾ ಮೋಟಾರ್ಸ್ ಸಂಸ್ಥೆಯ ಷೇರು ಮೌಲ್ಯ  ಶೇ.2.7ರಷ್ಟು ಏರಿಕೆಯಾಗಿದ್ದರೆ, ವೈದ್ಯಕೀಯ ವಲಯದ ಡಾ.ರೆಡ್ಡೀಸ್ ಸಂಸ್ಥೆಯ ಷೇರುಗಳ ಮೌಲ್ಯ ಕುಸಿತ ಕಂಡಿದೆ.