ಐದು ಭಾರತೀಯ ಭಾಷೆಗಳಲ್ಲಿ ಅಮೆಜಾನ್ ಕಿಂಡಲ್ ಇ-ಪುಸ್ತಕ ಸೇವೆ; ಕನ್ನಡಕ್ಕೆ ಜಾಗ ಇಲ್ಲ!
ಅಮೆಜಾನ್ ಅಂತರ್ಜಾಲ ಮಾರಾಟ ದೈತ್ಯ ಸಂಸ್ಥೆಯ ಉತ್ಪನ್ನ 'ಕಿಂಡಲ್', ಈ-ಪುಸ್ತಕಗಳನ್ನು ಓದುವ ಟ್ಯಾಬ್ಲೆಟ್ ಇನ್ನು ಮುಂದೆ ಐದು ಭಾರತೀಯ ಭಾಷೆಗಳಲ್ಲಿ ಸೇವೆ ಒದಗಿಸುವುದಾಗಿ ಹೇಳಿದೆ.
Published On :
ನವದೆಹಲಿ: ಅಮೆಜಾನ್ ಅಂತರ್ಜಾಲ ಮಾರಾಟ ದೈತ್ಯ ಸಂಸ್ಥೆಯ ಉತ್ಪನ್ನ 'ಕಿಂಡಲ್', ಈ-ಪುಸ್ತಕಗಳನ್ನು ಓದುವ ಟ್ಯಾಬ್ಲೆಟ್ ಇನ್ನು ಮುಂದೆ ಐದು ಭಾರತೀಯ ಭಾಷೆಗಳಲ್ಲಿ ಸೇವೆ ಒದಗಿಸುವುದಾಗಿ ಹೇಳಿದೆ. ಹಿಂದಿ, ತಮಿಳು, ಮಲಯಾಳಂ, ಗುಜರಾತಿ ಮತ್ತು ಮರಾಠಿ ಭಾಷೆಗಳಲ್ಲಿ ಡಿಜಿಟಲ್ ಪುಸ್ತಕಗಳನ್ನು ಇನ್ನು ಮುಂದೆ ಕಿಂಡಲ್ ನಲ್ಲಿ ಅಧಿಕೃತವಾಗಿ ಲಭ್ಯವಾಗಲಿದ್ದು, ಕನ್ನಡವನ್ನು ಉಪೇಕ್ಷಿಸಲಾಗಿದೆ.
"ಈಗಾಗಲೇ ೩ ದಶಲಕ್ಷ ಪುಸ್ತಕಗಳು ಕಿಂಡಲ್ ನಲ್ಲಿ ದೊರೆಯುತ್ತಿದ್ದು ಹೊಸದಾಗಿ ಹೆಚ್ಚುವರಿ ಐದು ಭಾಷೆಗಳನ್ನು ಸೇರಿಸಿದ್ದೇವೆ. ಹಿಂದಿ, ತಮಿಳು, ಮಲಯಾಳಂ, ಗುಜರಾತಿ ಮತ್ತು ಮರಾಠಿ ಭಾಷೆಗಳಲ್ಲಿ ಸಾವಿರಾರು ಡಿಜಿಟಲ್ ಪುಸ್ತಕಗಳ್ನನು ಸೇರಿಸಿದ್ದೇವೆ" ಎಂದು ಅಮೆಜಾನ್ ಕಿಂಡಲ್ ನಿರ್ದೇಶಕ (ಕಂಟೆಂಟ್) ಸಂಜೀವ್ ಝಾ ಹೇಳಿದ್ದಾರೆ.
ಆದರೆ ಈ ನೂತನ ಸೇವೆಯಲ್ಲಿ ಕನ್ನಡ ಭಾಷೆಯನ್ನು ಒಳಗೊಳ್ಳದೆ ಇರುವುದಕ್ಕೆ ಸಾಮಾಜಿಕ ಜಾಲತಾಣಗಳಲ್ಲಿ ಹಲವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಮಾರುಕಟ್ಟೆ ವರದಿಗಳ ಪ್ರಕಾರ ಪುಸ್ತಕ ಮುದ್ರಣ ಭಾರತದಲ್ಲಿ ೪ ಬಿಲಿಯನ್ ಡಾಲರ್ ಮಾರುಕಟ್ಟೆ ಹೊಂದಿದೆ. ಇದರ ಜೊತೆಗೆ ಫೋನ್ ಗಳು, ಟ್ಯಾಬ್ಲೆಟ್ ಗಳಲ್ಲಿ ಡಿಜಿಟಲ್ ಪುಸ್ತಕಗಳನ್ನು ಓದುವವರ ಸಂಖ್ಯೆ ಕೂಡ ಬೆಳೆಯುತ್ತಲೇ ಇದೆ. ಅಮೆರಿಕಾ ಮತ್ತು ಇಂಗ್ಲೆಂಡ್ ನಂತರ ಇ ಪುಸ್ತಕಗಳನ್ನು ಓದುವವರ ಸಂಖ್ಯೆಯಲ್ಲಿ ಭಾರತ ನಂತರದ ಸ್ಥಾನದಲ್ಲಿದೆ ಎನ್ನಲಾಗಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.