ಆರ್ಥಿಕ ಬೆಳವಣಿಗೆ ಶೇ.7 ಕ್ಕೆ ಕುಸಿತ

ನವದೆಹಲಿ: ಜೂನ್- ಏಪ್ರಿಲ್ ವರೆಗಿನ ತ್ರೈಮಾಸಿಕದಲ್ಲಿ ಭಾರತದ ಆರ್ಥಿಕ ಬೆಳವಣಿಗೆ ಶೇ.7.5 ರಿಂದ ಶೇ.7 ಕ್ಕೆ ಕುಂಟಿತವಾಗಿದೆ.

ದೇಶದ ಆರ್ಥಿಕ ಬೆಳವಣಿಗೆ ಬಗ್ಗೆ ಸರ್ಕಾರದಿಂದ ಅಧಿಕೃತ ಮಾಹಿತಿ ಪ್ರಕಟವಾಗಿದ್ದು. ಕಳೆದ ತ್ರೈಮಾಸಿಕದಲ್ಲಿ ಶೇ.7 .5 ಷ್ಟಿದ್ದ ಬೆಳವಣಿಗೆ ಪ್ರಸಕ್ತ ತ್ರೈಮಾಸಿಕದಲ್ಲಿ ಶೇ.7 ಕ್ಕೆ ಕುಸಿದಿದೆ. ರಾಯಟರ್ಸ್ ಸಂಸ್ಥೆ ನೀಡಿದ್ದ ವಿಶ್ಲೇಷಣೆ ಪ್ರಕಾರ ಪ್ರಸಕ್ತ ಸಾಲಿನಲ್ಲಿ ಶೇ.7 .4 ರಷ್ಟು ಆರ್ಥಿಕ ಬೆಳವಣಿಗೆ ಮುನ್ಸೂಚನೆ ಇತ್ತು.

ಆರ್ಥಿಕ ಬೆಳವಣಿಗೆ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಆರ್ಥಿಕ ತಜ್ಞರು ಜಿಡಿಪಿ ದರ ನಿರಾಶಾದಾಯಕವಾಗಿದ್ದು, ಭಾರತದ ಬೆಳವಣಿಗೆ ಆಂತರಿಕ ಬೇಡಿಕೆ ಚಾಲಿತವಾಗಿರಬೇಕು ಅಭಿಪ್ರಾಯಪಟ್ಟಿದ್ದಾರೆ. ಆರ್ ಬಿಐ ಬಡ್ಡಿ ದರವನ್ನು 25 ಬೇಸಿಸ್ ಪಾಯಿಂಟ್ ಗಳನ್ನು ಕಡಿತಗೊಳಿಸುವ ನಿರೀಕ್ಷೆ ಇದೆ ಎಂದು ಹೇಳಿದ್ದಾರೆ.