ಮುಂಬೈನಲ್ಲಿ ಅತಿ ಹೆಚ್ಚು ಇಂಟರ್ನೆಟ್ ಬಳಕೆದಾರರು
ದೇಶದ ೨೪೩ ಮಿಲಿಯನ್ ಅಂತರ್ಜಾಲ ಬಳಗೆದಾರರಲ್ಲಿ ಮುಂಬೈ ನದ್ದೇ ಸಿಂಹಪಾಲು....
ನವದೆಹಲಿ: ದೇಶದ ೨೪೩ ಮಿಲಿಯನ್ ಅಂತರ್ಜಾಲ ಬಳಕೆದಾರಲ್ಲಿ ಮುಂಬೈ ನದ್ದೇ ಸಿಂಹಪಾಲು. ಒಂದು ಅಧ್ಯಯನದ ಪ್ರಕಾರ ಅಲ್ಲಿ ಇಂಟರ್ನೆಟ್ ಬಳಕೆದಾರರ ಸಂಖ್ಯೆ ೧೬.೪ ಮಿಲಿಯನ್.
ಭಾರತದ ಈ ವಾಣಿಜ್ಯ ರಾಜಧಾನಿಯ ಇಂಟರ್ನೆಟ್ ಬಳಕೆದಾರರ ಸಂಖ್ಯೆ ಅಕ್ಟೋಬರ್ ೨೦೧೩ ರಲ್ಲಿನ ೧೨ ಮಿಲಿಯನ್ ನಿಂದ ಅಕ್ಟೋಬರ್ ೨೦೧೪ ಕ್ಕೆ ೧೬.೪ ಮಿಲಿಯನ್ ಗೆ ಏರಿಕೆ ಕಂಡಿದೆ ಎಂದು ಇಂಟರ್ ನೆಟ್ ಅಂಡ್ ಮೊಬೈಲ್ ಅಸೋಸಿಯೇಷನ್ ಆಫ್ ಇಂಡಿಯಾ (ಐಎಎಂಎಐ) ಮತ್ತು ಐ ಎಂ ಆರ್ ಬಿ ನಡೆಸಿದ ಜಂಟಿ ಅಧ್ಯಯನದಲ್ಲಿ ತಿಳಿಸಿದೆ.
ರಾಷ್ಟ್ರದ ರಾಜಧಾನಿ ದೆಹಲಿ ೧೨.೧ ಮಿಲಿಯನ್ ಬಳಕೆದಾರರೊಂದಿಗೆ ಎರಡನೆ ಸ್ಥಾನದಲ್ಲಿದ್ದು, ವರ್ಷದಿಂದ ವರ್ಷಕ್ಕೆ ಅತಿ ಹೆಚ್ಚಿನ ಏರಿಕೆ ಅಂದರೆ ೫೦% ಏರಿಕೆ ಕಂಡಿದೆ.
ಮುಂಚೂಣಿಯಲ್ಲಿರುವ ಎಂಟು ನಗರಗಳು: ಮುಂಬೈ, ದೆಹಲಿ, ಕೋಲ್ಕತ್ತಾ, ಬೆಂಗಳೂರು, ಚೆನ್ನೈ, ಹೈದರಾಬಾದ್, ಅಹಮದಾಬಾದ್ ಮತ್ತು ಪುಣೆ ನಗರಗಳು ಒಟ್ಟಿಗೆ ೫೮ ಮಿಲಿಯನ್ ಬಳಕೆದಾರರನ್ನು ಹೊಂದಿದೆ ಎಂದು ಈ ಅಧ್ಯಯನ ತಿಳಿಸಿದೆ.
ದೇಶದ ನಾಲ್ಕು ಮುಖ್ಯ ಮೆಟ್ರೋಗಳು ೨೩% ಇಂಟರ್ನೆಟ್ ಬಳಕೆದಾರರನ್ನು ಹೊಂದಿದ್ದು, ಇನ್ನಿತರ ೪ ಮೆಟ್ರೊಗಳಲ್ಲಿ ೧೧% ಇಂಟರ್ನೆಟ್ ಬಳಸುವವರಿದ್ದಾರೆ.
ಇಂಟರ್ನೆಟ್ ಬಳಸುವ ಇನ್ನುಳಿದ ಪ್ರಮುಖ ನಗರಗಳೆಂದರೆ, ಸೂರತ್ (೨.೯೭ ಮಿಲಿಯನ್), ಜೈಪುರ (೨.೩೫ ಮಿಲಿಯನ್) ಲಕ್ನೌ (೧.೯೫ ಮಿಲಿಯನ್) ಮತ್ತು ವಡೋದರ (೧.೮೫ ಮಿಲಿಯನ್) .
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.