ಬಜೆಟ್ ನಲ್ಲಿ ಘೋಷಣೆಯಾದ ಹೊಸ ವಿಮಾ ಯೋಜನೆಗಳು: ವಿಮೆ ಸಂಸ್ಥೆಗಳ ಗಳಿಕೆ

ಮುಂಬೈ: ಕೇಂದ್ರ ಯೂನಿಯನ್ ಬಜೆಟ್ ೨೦೧೫-೨೦೧೬ ರಲ್ಲಿ ಹಲವಾರು ಪಿಂಚಣಿ ಮತ್ತು ವಿಮೆ ಯೋಜನೆಗಳನ್ನು ಘೋಷಿಸಿರುವುದರಿಂದ ವಿಮಾ ಸಂಸ್ಥೆಗಳ ಶೇರು ಬೆಲೆ ೪% ವರೆಗೂ ಏರಿದೆ.

ಬಿ ಎಸ್ ಇ ಸೂಚ್ಯಂಕದಲ್ಲಿ ಮ್ಯಾಕ್ಸ್ ಇಂಡಿಯಾ ೩.೮೪%, ಬಜಾಜ್ ಫಿನ್ ಸರ್ವ ೨.೮%, ಎಚ್ ಡಿ ಎಫ್ ಸಿ ೨.೩೬% ಮತ್ತು ಆದಿತ್ಯ ಬಿರ್ಲಾ ನುವೋ ೧% ಏರಿಕೆ ಕಂಡಿವೆ.

ಅಟಲ್ ಪಿಂಚಣಿ ಯೋಜನಾ ಮತ್ತು ಸಾರ್ವಜನಿಕ ಸಾಮಾಜಿಕ ಭದ್ರತಾ ಯೋಜನೆಗಳನ್ನು ಒಳಗೊಂಡಂತೆ ಅರುಣ್ ಜೇಟ್ಲಿ ಅವರು ಇಂದು ಕಡಿಮೆ ದರದ ಪಿಂಚಣಿ ಮತ್ತು ವಿಮೆ ಯೋಜನೆಗಳನ್ನು ಘೋಷಿಸಿದ್ದಾರೆ..

ಅಟಲ್ ಪಿಂಚಣಿ ಯೋಜನೆಯಡಿ, ಪಿಂಚಣಿ ನೀಡಲು ಸರಕಾರ ೫೦% ಕೊಡುಗೆ ನೀಡಲಿದೆ. ಅಲ್ಲದೆ ಸರ್ಕಾರ ಪ್ರಧಾನ ಮಂತ್ರಿ ಸುರಕ್ಷಾ ಭೀಮ ಯೋಜನೆಯನ್ನು ಕೂಡ ಪ್ರಾರಂಭಿಸಲಿದೆ. ಇದು ಜನರಿಗೆ ವಿಮೆ ತೆಗೆದುಕೊಳ್ಳಲು ಅನುಕೂಲವಾಗಲಿದೆ. ಇದು ಪ್ರಧಾನ ಮಂತ್ರಿ ಜನ ಧನ ಯೋಜನೆಯ ಜೊತೆ ಬೆಸೆಯಲಾಗಿದೆ.

ಈ ಯೋಜನೆಯಿಂದ ವರ್ಷಕ್ಕೆ ಜನರು ೧೨ ರೂ ನೀಡುವುದರಿಮ್ದ ೨ ಲಕ್ಷದವರೆಗೂ ಕವರೇಜ್ ನೀಡಲಾಗುತ್ತದೆ.